Bigg Boss 6: గుండె పగిలేలా ఏడ్చిన గీతూ రాయల్.. బిగ్బాస్ వదిలి నేను పోను అంటూ ఎమోషనల్..వెక్కి వెక్కి ఏడ్చిన రేవంత్..
బిగ్బాస్ విన్నర్ కావాలనుకుంది. ముక్కుసూటిగా మాట్లాడుతూ.. ఆటను తన స్టైల్లో ఆడింది. బుద్ది బలం.. బుద్ది బలం.. నా గేమ్ ప్లాన్ అంటూ చివరికి మధ్యలోనే డ్రాప్ అయ్యింది.
ఆటలోకి వస్తే అమ్మ.. నాన్న అని కూడా చూడని.. గెలవడానికే ప్రయత్నిస్తాను అంటూ ముందు నుంచి చెప్పింది. ప్రతి క్షణంపై గేమ్ పైనే ఫోకస్ పెట్టింది. బిగ్బాస్ విన్నర్ కావాలనుకుంది. ముక్కుసూటిగా మాట్లాడుతూ.. ఆటను తన స్టైల్లో ఆడింది. బుద్ది బలం.. బుద్ది బలం.. నా గేమ్ ప్లాన్ అంటూ చివరికి మధ్యలోనే డ్రాప్ అయ్యింది. బిగ్బాస్ విన్నర్ కావాలని ప్రతి క్షణం కలవరించి.. ప్రతి అమ్మాయికి ఆదర్శంగా ఎన్నో కలలు కన్న గీతూ రాయల్.. చివరకు తొమ్మిది వారాలకే బయటకు వచ్చేసింది. ఇక తన ఎలిమినేషన్ అస్సలు ఊహించలేకపోయిన గీతూ.. గుండె పగిలేలా ఏడ్చింది. నేను పోను.. బిగ్బాస్ వదిలి వెళ్లను అంటూ స్టేజ్ పైనే కూర్చుండి పోయింది. ఇక ఆమెను ఓదార్చడం నాగార్జున వల్ల కూడా కాలేదు. ఆదివారం ఎపిసోడ్లో హౌస్ మొత్తం భావోద్వేగంతో నిండిపోయింది. స్ట్రాంగ్ కంటెండర్ అయిన గీతూ ఎలిమినేషన్తో రేవంత్.. ఆదిరెడ్డి.. ఫైమా వెక్కి వెక్కి ఏడ్చారు.
ఒక్కొక్కరిని హోస్ట్ నాగార్జున సేవ్ చేస్తూ రాగా.. చివరగా గీతూ, శ్రీ సత్య మిగిలారు. దీంతో తాను కచ్చితంగా ఎలిమినేట్ అవుతానంటూ భావోద్వాగానికి గురయ్యింది శ్రీసత్య. కానీ అనుహ్యంగా గీతూ రాయల్ ఎలిమినేటెడ్ అని చెప్పేశాడు నాగ్. దీంతో ఆమె ఆ మాటలు వినలేక చెవులు మూసుకుంది. నెక్ట్స్ వీక్ కెప్టెన్ అవుదామనుకుంటే పంపించేస్తున్నారేంటీ బిగ్బాస్ అని ఏడ్చేసింది. నేను బాధపెట్టి ఐయామ్ సారీ..అంటూ తనకు నచ్చిన స్థలాల్లో కుర్చొని బాధపడింది. ఐ లవ్ యూ బిగ్బాస్.. నీకు జీవితాంతం రుణపడి ఉంటాను నాకు పోవాలని లేదంటూ బోరుమని ఏడ్చింది. ఇక గీతూ ఎలిమిషన్ అస్సలు ఊహించని ఆదిరెడ్డి, ఫైమా, రేవంత్, శ్రీసత్య ఎమోషనల్ అయ్యారు. ముఖ్యంగా ప్రతి నిమిషం ప్రత్యర్థుల్లా ఉండే రేవంత్… గీతూ ఎలిమినేట్ కాగానే దుఃఖం ఆపులేకపోయారు. ప్రతి నిమిషం ప్రాణం పెట్టి ఆడాను. నిద్రలో కూడా బిగ్బాస్ షో గెలవాలనే అనుకున్నాను.. కానీ ఇంత త్వరగా ఎలిమినేట్ అవుతానని కలలో కూడా అనుకోలేదంటూ కన్నీళ్లు పెట్టుకుంది.
అనంతరం స్టేజ్ పైకి వచ్చిన గీతూకి.. తన బిగ్బాస్ జర్నీ చూపించాడు నాగార్జున. తన వీడియో చూస్తూ దుఃఖాన్ని కంట్రోల్ చేసుకోలేకపోయింది. ఇక తర్వాత బాధపడుతూనే.. ఆది, రేవంత్, సత్య, ఫైమా, శ్రీహాన్ టాప్ 5 అని.. వీరి వల్ల షో ఇంట్రెస్టింగ్ గా ఉంటుందని చెప్పింది. ఇక ఇనయ, మెరీనా, రోహిత్, రాజ్, కీర్తి ల గేమ్ తక్కువగా ఉందని చెప్పుకొచ్చింది. చివరగా నేను పోను.. బిగ్బాస్ వదిలి వెళ్లను అంటూ ఏడుస్తూ స్టేజ్ పైనే కూర్చుండిపోయింది. ఆమెను ఓదార్చడం నాగార్జున వల్ల కాలేదు. ఆమె ఏడుస్తుంటే చూస్తూ నిల్చుండిపోయాడు. మొదటి రెండు వారాలు గీతూ తన ఆట తీరుతో ఎంతో మంది అభిమానులను సొంతం చేసుకుంది. కానీ ఆ తర్వాతి వారం నుంచి ఆమె గ్రాఫ్ స్లోగా పడిపోయింది. ముఖ్యంగా గతవారం గీతూ తన ఆట తీరు..ప్రవర్తనపై విసుగు చెందారు ఆడియన్స్. బాలాదిత్యతో సిగరెట్స్ గొడవ.. ఎప్పుడు ప్రశాంతంగా కనిపించే బాలాదిత్య గీతూ వల్ల వెక్కి వెక్కి ఏడవడం.. పూర్తిగా నమ్మి స్నేహం చేసిన ఆదిరెడ్డిని తన బుద్దిబలంతో వెన్నుపోటు పొడవడం గీతూకు మైనస్ అయ్యాయనే చెప్పుకోవాలి.