Allu Shirish: బుల్లితెరపైకి అల్లువారబ్బాయి.. మిల్కీబ్యూటీతో కలిసి సందడి చేయనున్న హీరో..
వెండితెరపై అలరించిన స్టార్ హీరోహీరోయిన్స్ ఇప్పుడు బుల్లితెరపై హంగామా చేసేందుకు తెగ ఆసక్తి చూపిస్తున్నారు. ఇప్పటికే కింగ్
వెండితెరపై అలరించిన స్టార్ హీరోహీరోయిన్స్ ఇప్పుడు బుల్లితెరపై హంగామా చేసేందుకు తెగ ఆసక్తి చూపిస్తున్నారు. ఇప్పటికే కింగ్ నాగార్జున, మెగాస్టార్ చిరంజీవి, నాని, ఎన్టీఆర్ వంటి స్టార్స్ బుల్లితెరపై సత్తా చాటగా.. తాజాగా మిల్కీబ్యూటీ తమన్నా కూడా టెలివిజన్పైకీ ఎంట్రీ ఇవ్వనున్న సంగతి తెలిసిందే. హిందీలో పాపులర్ అయిన మాస్టర్ చెఫ్ వంటల ప్రోగ్రామ్ను తెలుగు, తమిళ్, మలయాళ భాషల్లోకి తీసుకువస్తున్నారు నిర్వహకులు. అయితే తెలుగు వెర్షన్కు తమన్నా హోస్ట్గా వ్యవహరించనుంది. ఇప్పటికే ఇందుకు సంబంధించిన ప్రోమో నెట్టింట్లో హల్చల్ చేస్తుంది. ప్రస్తుతం ఈ ప్రోగ్రామ్ షూటింగ్ జరుగుతుంది.
అయితే మాస్టర్ చెఫ్ ప్రోగ్రామ్కు ఫస్ట్ సెలబ్రెటీ గెస్ట్గా అల్లు శిరీష్ హాజరయ్యారు. ఈ విషయాన్ని శిరీష్ తన ఇన్స్టా స్టోరీలో వెల్లడించారు. తమన్నాతో కలిసి మాస్టర్ చెఫ్ ప్రోగ్రామ్లో భాగం అయినందుకు చాలా ఎగ్జైటింగ్గా ఉంది.. ఇందులో ఫస్ట్ సెలబ్రెటీ గెస్ట్ అయినందకు సంతోషంగా ఉంది.. షూటింగ్ కూడా పూర్తిచేసామంటూ శిరీష్ తెలిపారు. త్వరలోనే ఈ ప్రోగ్రామ్ టెలికాస్ట్ కానుంది.
ఇదిలా ఉంటే.. తెలుగుకు తమన్నా హోస్ట్గా వ్యవహరిస్తుండగా.. తమిళ్ వెర్షన్కు స్టార్ హీరో విజయ్ సేతుపతి.. కన్నడలో కిచ్చ సుదీప్ హోస్ట్గా వ్యవహిరించబోతున్నారు. ప్రస్తుతం తమన్నా తెలుగులో చేతినిండా సినిమాలతో బిజీగా గడిపేస్తుంది. అటు హీరోయిన్గా పలు సినిమాల్లో నటిస్తున్న తమన్నా.. నితిన్ ప్రధాన పాత్రలో నటిస్తున్న మాస్ట్రో సినిమాలోక కీలక పాత్రలో నటిస్తుంది.
Mahesh Babu: సిద్ధ వైద్యాన్ని ప్రమోట్ చేస్తున్న హీరో మహేష్ బాబు.. ఏమన్నారంటే?
Raj Kundra Case: రాజ్ కుంద్రాకు బెయిల్ వద్దేవద్దు.. బెయిల్ ఇస్తే దేశం విడిచి ఎస్కేప్ కావొచ్చు!