ప్రభాస్ ఫ్యాన్స్‌కి ‘రాధేశ్యామ్’‌ టీమ్‌ బర్త్‌డే కానుక.. ఏంటో తెలుసా..!

Prabhas Radhe Shyam: ప్రభాస్ ఫ్యాన్స్‌కి అక్టోబర్ నెల అంటే చాలా ఇష్టం. ఎందుకంటే ప్రభాస్ పుట్టింది ఈ నెలలోనే కాబట్టి. అక్టోబర్ 23న ప్రభాస్ పుట్టినరోజు కాగా.. ఆ రోజు ఫ్యాన్స్ హంగామా మామూలుగా ఉండదు. ఇదిలా ఉంటే ఈ పుట్టినరోజు సందర్భంగా రెబల్‌స్టార్ ఫ్యాన్స్‌కి పలువురు దర్శకనిర్మాతలు కానుకలను ఇవ్వబోతున్నారు. అందులో భాగంగా మొదటి కానుకను దర్శకుడు రాధాకృష్ణకుమార్ ప్రకటించారు.

ప్రభాస్‌తో రాధాకృష్ణకుమార్ తెరకెక్కిస్తోన్న రాధే శ్యామ్ నుంచి మోషన్‌ పోస్టర్‌ అక్టోబర్ 23న విడుదల కానుంది. ఈ విషయాన్ని మూవీ యూనిట్ అధికారికంగా ప్రకటించింది. దీంతో బీట్స్‌ ఆఫ్ రాధే శ్యామ్ అన్న హ్యాష్‌ట్యాగ్‌ ఇప్పుడు సోషల్ మీడియాలో ట్రెండ్‌గా మారింది. కాగా పీరియాడిక్ ప్రేమకథగా రాధే శ్యామ్ తెరకెక్కుతోంది. ఇందులో ప్రభాస్ సరసన పూజా హెగ్డే నటిస్తున్నారు. భాగ్యశ్రీ, సచిన్ కేడ్కర్, ప్రియదర్శి, మురళీ శర్మ, కునాల్ రాయ్ కపూర్, శాషా ఛత్రీ తదితరులు కీలక పాత్రల్లో కనిపించనున్నారు. యూవీ క్రియేషన్స్, టీసిరీస్ సంయుక్తంగా ఈ చిత్రాన్ని నిర్మిస్తున్నారు. వచ్చే ఏడాది రాధేశ్యామ్ ప్రేక్షకుల ముందుకు రానుంది.

Read More:

విజయ్‌కి మద్దతిస్తూ.. విమర్శకులకు రాధిక స్ట్రాంగ్‌ కౌంటర్‌

కీర్తి సురేష్‌ బర్త్‌డే.. మహేష్ బాబు స్పెషల్ విషెస్