Bichagadu 2: విజయ్‌ ఆంటోని ‘బిచ్చగాడు 2’ ఓటీటీ పార్ట్‌నర్‌ ఫిక్స్‌.. స్ట్రీమింగ్‌ ఎప్పటినుంచంటే?

బిచ్చగాడు 2 సినిమాతో చాలా కాలం తర్వాత హిట్‌ను ఖాతాలో వేసుకున్నాడు విజయ్‌ ఆంటోని. కొన్నేళ్ల క్రితం వచ్చిన బిచ్చగాడు సినిమాకు ఇది సీక్వెల్. మే 16న ప్రేక్షకుల ముందుకు వచ్చిన బిచ్చగాడు 2 సూపర్‌ హిట్‌ టాక్‌తో దూసుకెళుతోంది.

బిచ్చగాడు 2 సినిమాతో చాలా కాలం తర్వాత హిట్‌ను ఖాతాలో వేసుకున్నాడు విజయ్‌ ఆంటోని. కొన్నేళ్ల క్రితం వచ్చిన బిచ్చగాడు సినిమాకు ఇది సీక్వెల్. మే 16న ప్రేక్షకుల ముందుకు వచ్చిన బిచ్చగాడు 2 సూపర్‌ హిట్‌ టాక్‌తో దూసుకెళుతోంది. తమిళంలో కంటే తెలుగు రాష్ట్రాల్లో ఈ మూవీకి ఎక్కువగా కలెక్షన్లు వస్తుండడం విశేషం. అందుకే తెలుగు రాష్ట్రాల్లోని ప్రముఖ నగరాల్లో పర్యటిస్తూ తన సినిమాను మరింత ప్రమోట్‌ చేసుకుంటున్నాడు. కాగా సక్సెస్‌ఫుల్‌గా రెండో వారంలోకి అడుగుపెట్టిన బిచ్చగాడు 2 మూవీ ఓటీటీ రిలీజ్‌ కోసం మూవీ లవర్స్‌ ఆసక్తిగా ఎదురుచూస్తున్నారు. ఈ నేపథ్యంలో విజయ్‌ ఆంటోని మూవీ స్ట్రీమింగ్‌ డీటెయిల్స్‌ గురించి సామాజిక మాధ్యమాల్లో ఒక వార్త చక్కర్లు కొడుతోంది. లేటెస్ట్ బజ్ ప్రకారం జూన్ మూడో వారంలో బిచ్చగాడు 2 స్ట్రీమింగ్‌కు రానున్నట్టుగా తెలుస్తోంది. ఈ సినిమా డిజిటల్‌ హక్కులను ప్రముఖ ఓటీటీ ప్లాట్‌ఫామ్‌ డిస్నీప్లస్‌ హాట్ స్టార్ సొంతం చేసుకుంది.

థియేటర్లలో సక్సెస్‌ ఫుల్‌గా రన్‌ అవుతోన్న బిచ్చగాడు 2 మూవీ జూన్ మూడో వారంలో ఓటీటీలో అడుగుపెట్టనున్నట్లు తెలుస్తోంది. తమిళ్‌తో పాటు తెలుగులోనూ ఒకేసారి స్ట్రీమింగ్‌కు రానుంది. అయితే దీనిపై అధికారిక ప్రకటన రావాల్సి ఉంది. ఈ సినిమాలో కావ్యా థాపర్‌ హీరోయిన్‌గా నటించింది. హీరో విజయ్‌ ఆంటోనీనే దర్శకత్వ, సంగీత బాధ్యతలు నిర్వర్తించాడు. విజయ్‌ ఆంటోనీ సతీమణి ఫాతిమా ఆంటోనీ నిర్మాతగా వ్యవహరించారు.

మరిన్ని సినిమా వార్తల కోసం  క్లిక్ చేయండి.