Market Mahalakshmi OTT: ఓటీటీలోకి క్లాస్ అబ్బాయి.. మాస్ అమ్మాయి లవ్ స్టోరీ.. స్ట్రీమింగ్ ఎప్పటినుంచంటే?

Market Mahalakshmi Movie

కేరింత మూవీ తో మంచి గుర్తింపు తెచ్చుకున్నాడు హీరో పార్వతీశం. అందులో తన యాస, భాషతో తెలుగు ఆడియెన్స్ కు బాగా చేరువయ్యాడు. అయితే వన్ ఫిల్మ్ వండర్ లా కేరింత తర్వాత అతనికి హిట్ పడలేదు. నేను నా బాయ్‌ఫ్రెండ్స్‌, రోజులు మారాయి, సావిత్రి వైఫ్ ఆఫ్ స‌త్య‌మూర్తి, భ‌లే మంచి చౌక‌బేర‌మ్ తో పాటు ప‌లు చిన్న సినిమాల్లో హీరోగా పార్వ‌తీశం క‌నిపించాడు. కానీ ఇవేవీ అతనికి గుర్తింపు ను తీసుకురాలేకపోయాయి. అలా ఈ మధ్యనే ‘మార్కెట్ మహాలక్ష్మి’ తో మన ముందుకు వచ్చాడు పార్వతీశం. వియస్ ముఖేష్ యువ దర్శకత్వంలో తెరకెక్కిన ఈ సినిమాలో కొత్త అమ్మాయి ప్రణీకాన్వికా హీరోయిన్ గా నటించింది. బి2పి స్టూడియోస్ బ్యానరపై అఖిలేష్ కలారు నిర్మించిన ఈ చిత్రం ఏప్రిల్ నెలలో థియేటర్లలో రిలీజైంది. ఓ మోస్తరుగా ఆడింది. అయితే థియేటర్లలో ఎక్కువ రోజులు ఆడేలేకపోయింది. ఇప్పుడీ సినిమా డిజిటల్ స్ట్రీమింగ్ కు సిద్ధమైంది. ప్రముఖ తెలుగు ఓటీటీ ప్లాట్ ఫామ్ ఆహా ‘మార్కెట్ మహాలక్ష్మి’ సినిమా డిజిటల్ స్ట్రీమింగ్ హక్కులను సొంతం చేసుకుంది. ఈ నేపథ్యంలో త్వరలోనే ఆహాలో ఈ డిఫరెంట్ లవ్ స్టోరీ స్ట్రీమింగ్ కు రానుంది. అఫీషియల్ స్ట్రీమింగ్ డేట్ ను త్వరలోనే ప్రకటించనున్నారు.

బి2పి స్టూడియోస్ ద్వారా తెరకెక్కిన మార్కెట్ మహాలక్ష్మి చిత్రంలో చిత్రంలో హర్ష వర్ధన్, మహబూబ్ బాషా, ముక్కు అవినాష్ ప్రధాన పాత్రల్లో నటించారు. ఇక మార్కెట్ మహాలక్ష్మి సినిమా కథ విషయానికి వస్తే.. ఈ సినిమాలో హీరో ఓ సాఫ్ట్ వేర్ కంపెనీలో ఉద్యోగం చేస్తుంటాడు. మరోవైపు హీరోయిన్ తన సొంత కాళ్లపై నిలబడాలనుకుంటుంది. అయితే హీరో తండ్రి మాత్రం.. తనకు కట్నం ఎక్కువ ఇచ్చే పిల్లతోనే అతని పెళ్లి జరిపించాలని ఫిక్స్ అవుతాడు. అలా హీరో ఓ రోజు మార్కెట్ లో కూరగాయలు అమ్ముతున్న మహాలక్ష్మి అనే అమ్మాయిని చూస్తాడు. నచ్చి ప్రపోజ్ కూడా చేస్తాడు. కానీ ఆమె మాత్రం అతనిని రిజెక్ట్ చేస్తుంది. మరి మహాలక్ష్మి బ్యాక్ గ్రౌండ్ స్టోరీ ఏంటి ! హీరో తండ్రి తన ప్రేమను అంగీకరించాడా? లేదా ! అన్నది తెలుసుకోవాలంటే మార్కెట్ మహాలక్ష్మి సినిమా చూడాల్సిందే అంటున్నారు మేకర్స్.

మరిన్ని సినిమా వార్తల కోసం ఇక్కడ క్లిక్ చేయండి.