#Mentoo: థియేటర్లలో రిలీజైన 14 రోజులకే ఓటీటీలోకి.. #మెన్ టూ స్ట్రీమింగ్‌ ఎప్పుడు, ఎక్కడంటే?

Mentoo Review

ఇటీవల థియేటర్లలో విడుదలైన సినిమాలు వెంటనే ఓటీటీలోకి అడుగుపెడుతున్నాయి. సుమారు నెల రోజుల గ్యాప్‌ కూడా ఉండడం లేదు. అయితే ఇటీవల థియేటర్లలో విడుదలై పాజిటివ్‌ టాక్‌ సొంతం చేసుకున్న ఓ సినిమా 14 రోజలు గ్యాప్‌లోనే ఓటీటీలో స్ట్రీమింగ్‌ కానుంది. అదే #మెన్‌ టూ. నరేశ్ అగస్త్య హీరోగా నటించగా.. బ్రహ్మజీ, హర్ష చెముడు, సుదర్శన్, రియా సుమన్ తదితరులు ప్రధాన పాత్రల్లో కనిపించారు. పురుషుల కష్టాలు ఎలా ఉంటాయో హాస్య ప్రధానంగా శ్రీకాంత్ జి. రెడ్డి ఈ సినిమాను తెరకెక్కించారు. మౌర్య సిద్దవరం నిర్మాణ బాధ్యతలు చేపట్టగా మైత్రీ డిస్ట్రిబ్యూషన్‌ తీసుకుంది. మే 26 న థియేటర్లలో విడుదలైన ఈ కామెడీ ఎంటర్‌ టైనర్‌కు పాజిటివ్ టాక్ వచ్చింది. అయితే 14 రోజుల వ్యవధిలోనే #మెన్‌ టూను ఓటీటీలో స్ట్రీమింగ్‌ కానుంది. ప్రముఖ తెలుగు ఓటీటీ ప్లాట్‌ఫామ్‌ ఆహా ఈ మూవీ డిజిటల్‌ స్ట్రీమింగ్‌ హక్కులను సొంతం చేసుకుంది.

జూన్ 9 నుంచి ఆహా ఓటీటీ ప్లాట్‌ఫామ్‌లో #మెన్‌ టూ అందుబాటులో ఉంటుందని అధికారికంగా ప్రకటించింది ఆహా. సినిమాకు సంబంధించిన స్టిల్స్‌ షేర్‌ చేస్తూ ‘ ప్రపంచ పురుషోత్తములారా.. ఈ బిగ్ అనౌన్స్‌మెంట్‌ మీ కోసమే.. # మెన్‌ టూ అంటూ వచ్చేస్తున్నారు’ అని దీనికి క్యాప్షన్‌ ఇచ్చింది. ఈ సినిమాకు ఎలిషా ప్రవీణ్ జి, ఓషో వెంకట్ సంగీతం అందించారు. మరి థియేటర్లలో ఈ కామెడీ ఎంటర్‌టైనర్‌ను మిస్‌ అయిన వారు ఎంచెక్కా ఓటీటీలో చూసి ఫుల్లుగా నవ్వుకోండి.

మరిన్ని సినిమా వార్తల కోసం క్లిక్ చేయండి..