సుశాంత్‌ మృతికి, ఆమె ఆత్మహత్యకు సంబంధం లేదు: పోలీసులు
సుశాంత్‌ కేసుకు టిక్‌టాక్ స్టార్ సియా కక్కర్ ఆత్మహత్యకు సంబంధం లేదని ఢిల్లీ పోలీసులు తెలిపారు. టిక్‌టాక్‌లో మంచి క్రేజ్ సంపాదించుకున్న సియా కక్కర్(16) బుధవారం
సుశాంత్‌ కేసుకు టిక్‌టాక్ స్టార్ సియా కక్కర్ ఆత్మహత్యకు సంబంధం లేదని ఢిల్లీ పోలీసులు తెలిపారు. టిక్‌టాక్‌లో మంచి క్రేజ్ సంపాదించుకున్న సియా కక్కర్(16) బుధవారం ఢిల్లీలోని తన ఇంట్లో ఆత్మహత్య చేసుకొని తనువు చాలించిన విషయం తెలిసిందే. ఏ కారణం చేత సియా ఈ ఘాతుకానికి పాల్పడిందన్న విషయంపై ఢిల్లీ పోలీసులు దర్యాప్తును చేస్తున్నారు. ఈ క్రమంలో బాలీవుడ్ నటుడు సుశాంత్‌ మృతిని తట్టుకోలేక సియా ఆత్మహత్య చేసుకుందన్న కోణంలోనూ పోలీసులు విచారణ జరిపారు. అయితే అలాంటిదేమీ లేదని సియా తల్లిదండ్రులు చెప్పినట్లు పోలీసులు వెల్లడించారు.
ఆత్మహత్య చేసుకునే ఐదారు రోజుల నుంచి సియా ఏదో టెన్షన్‌లో ఉందని, అది ఎవరికీ తెలీదని పోలీసులు తెలిపారు. ఆమె స్నేహితులను, చదువుతున్న స్కూల్ యాజమాన్యాన్ని కాంటాక్ట్ అవుతున్నామని పేర్కొన్నారు. అలాగే సెల్‌ఫోన్‌ను సీజ్ చేశామని.. అందులో వివరాల ద్వారా ఏవైనా క్లూలు దొరుకుతాయని భావిస్తున్నామని పోలీసులు వెల్లడించారు.