18 Pages: ఓటీటీలోకి వచ్చేస్తోన్న అందమైన ప్రేమకథ.. ’18 పేజెస్’ స్ట్రీమింగ్ అయ్యేది ఎప్పుడంటే?

18 Pages Movie

యంగ్ హీరో నిఖిల్ సిద్ధార్ద్, అనుపమ పరమేశ్వరన్ జంటగా దర్శకుడు సూర్యప్రతాప్ తెరకెక్కించిన చిత్రం ’18 పేజెస్’. డిసెంబర్ 23న విడుదలైన ఈ చిత్రం ఫీల్‌గుడ్ లవ్‌స్టోరీగా తొలి ఆట నుంచే మంచి టాక్ తెచ్చుకుని బాక్సాఫీస్ దగ్గర కమర్షియల్‌గా సక్సెస్ సాధించింది. ఇక ఇప్పటిదాకా థియేటర్లలో సందడి చేసిన ఈ చిత్రం.. ఓటీటీలో స్ట్రీమింగ్ అయ్యేందుకు సిద్దం అవుతోంది. అది కూడా ఒకటి.. ఒకే రోజు రెండు ఓటీటీల్లోకి విడుదలయ్యే అవకాశాలు ఉన్నాయి.

ఇప్పటికే ఈ మూవీ ఓటీటీ రైట్స్ ‘ఆహా’ దక్కించుకున్న సంగతి తెలిసిందే. ఇక ఇప్పుడు తాజాగా మరో ఓటీటీ దిగ్గజం ‘నెట్‌ఫ్లిక్స్’ ’18 పేజెస్’ మూవీ డిజిటల్ రైట్స్ సొంతం చేసుకుంది. ఈ రెండు ఓటీటీల్లో జనవరి 27 నుంచి మూవీ స్ట్రీమింగ్ కానున్నట్లు తెలుస్తోంది. అయితే దీనిపై అధికారిక ప్రకటన ఇంకా రావాల్సి ఉంది. కాగా, ఈ సినిమాను అల్లు అరవింద్ సమర్పించగా.. బన్నీ వాసు నిర్మించారు. అలాగే దర్శకుడు సుకుమార్ కథను అందించిన సంగతి తెలిసిందే. మ్యూజిక్ డైరెక్టర్ గోపి సుందర్ ఈ మూవీకి బాణీలు అందించాడు.