Krithi Shetty : కుర్రాళ్ళ కలల రాకుమారిగా మారిన ముద్దుగుమ్మ.. కృతిశెట్టి కోసం క్యూ కడుతున్న ఆఫర్లు
ఉప్పెన సినిమాతో సినిమాఇండస్ట్రీలోకి అడుగు పెడుతుంది ముద్దుగుమ్మ కృతిశెట్టి. ఉప్పెన సినిమా పోస్టర్ రిలీజ్ చేసిన దగ్గరనుంచి ఈ అమ్మడు కుర్రాళ్ళ కలల రాకుమారిగా మారిపోయింది.
Krithi Shetty : ఉప్పెన సినిమాతో సినిమాఇండస్ట్రీలోకి అడుగు పెడుతుంది ముద్దుగుమ్మ కృతిశెట్టి. ఉప్పెన సినిమా పోస్టర్ రిలీజ్ చేసిన దగ్గరనుంచి ఈ అమ్మడు కుర్రాళ్ళ కలల రాకుమారిగా మారిపోయింది. మొదటి సినిమా ఇంకా ప్రేక్షకుల ముందుకు రాకముందే ఈ అమ్మడికి ఆఫర్లు వెల్లువెత్తుతున్నాయి. అచ్చమైన తెలుగు పడుచులా కనిపించే ఈ మలయాళ సోయగం కోసం ఇప్పుడు దర్శకులు క్యూ కడుతున్నారు. నాని నటిస్తున్న ‘శ్యామ్ సింగరాయ్‌’ సినిమాలో కూడా ఈ అమ్మడు నటిస్తుందని వార్తలు వినిపిస్తున్నాయి.
సుదీర్ బాబు హీరోగా నటిస్తున్న నూతన చిత్రం లోకూడా కృతిని హీరోయిన్ గా అనుకుంటున్నారు. మరో వైపు ఇంకొంత మంది యంగ్ హీరోలు కూడా ఈ అమ్మడే కావాలని అంటున్నారు. తాజాగా డైనమిక్ డైరెక్టర్ పూరిజగన్నాథ్ తనయుడు ఆకాష్ పూరి నెక్స్ట్ సినిమాలో కూడా కృతిశెట్టిని హీరోయిన్ గా తీసుకోవాలని చూస్తున్నారని తెలుస్తుంది. పూరిజగన్నాథ్ నిర్మాతగా తన దగ్గర శిష్యరికం చేసిన ఓ నూతన కుర్రాడిని ఈ సినిమాతో దర్శకునిగా పరిచయం చేయబోతున్నాడట. ఈ ప్రాజెక్ట్ లో హీరోయిన్ గా కృతిశెట్టిని హీరోయిన్ గా అనుకుంటున్నారని ఫిలిం నగర్లో టాక్ వినిపిస్తుంది. మరి ఈ వార్తల్లో వాస్తవమెంత అన్నది తెలియాల్సి ఉంది. ప్రస్తుతం ఆకాష్ పూరి హీరోగా ‘రొమాంటిక్’అనే సినిమా తెరకెక్కుతుంది. ప్రస్తుతం ఈ సినిమా షూటింగ్ దశలో ఉంది.
మరిన్ని ఇక్కడ చదవండి :