Balakrishna: బాలయ్య కోసం బాలీవుడ్‌ బ్యూటీని దింపనున్న అనిల్‌ రావిపూడి.. ఆ స్టార్‌ హీరోయిన్‌ ఓకే చెప్పేనా.?
Balakrishna: అఖండ సినిమాతో ఇండస్ట్రీ హిట్‌ను అందకున్నారు నట సింహం బాలకృష్ణ. లెజెండ్‌ సినిమా తర్వాత ఆ స్థాయి విజయాన్ని అందుకుందీ చిత్రం. కరోనాతో తీవ్ర ఇబ్బందులు ఎదుర్కొన్న టాలీవుడ్‌కు అఖండ బూస్ట్‌ ఇచ్చిందని..
Balakrishna: అఖండ సినిమాతో ఇండస్ట్రీ హిట్‌ను అందకున్నారు నట సింహం బాలకృష్ణ. లెజెండ్‌ సినిమా తర్వాత ఆ స్థాయి విజయాన్ని అందుకుందీ చిత్రం. కరోనాతో తీవ్ర ఇబ్బందులు ఎదుర్కొన్న టాలీవుడ్‌కు అఖండ బూస్ట్‌ ఇచ్చిందని చెప్పడంలో ఎలాంటి సందేహం లేదు. ఇక ఈ సినిమా ఇచ్చిన సక్సెస్‌తో బాలకృష్ణ కూడా వరుస సినిమాలకు గ్రీన్‌ సిగ్నల్‌ ఇచ్చారు. ఈ క్రమంలోనే గోపిచంద్‌ మలినేనితో ఓ సినిమాను పట్టాలెక్కించారు. ‘ఎన్‌బీకే 107’ వర్కింగ్ టైటిల్‌తో తెరకెక్కుతోన్న ఈ సినిమాలో బాలకృష్ణ కంప్లీట్‌ న్యూలుక్‌లో కనిపించనున్నారు. ఈ సినిమాలో బాలయ్యకు జోడిగా శృతి హాసన్‌ నటిస్తోంది.
ఇదిలా ఉంటే ఈ సినిమా ఇంకా షూటింగ్‌ పూర్తికాక ముందే 108వ చిత్రాన్ని ఖరారు చేసిన విషయం తెలిసిందే. అనిల్‌ రావిపూడి దర్శకత్వంలో తెరకెక్కుతోన్న ఈ సినిమాలో బాలయ్య డిఫ్రంట్‌ రోల్‌లో నటిస్తున్నారు. ఈ సినిమాలో బాలయ్య కూతురు పాత్రలో శ్రీలీల నటిస్తోంది. ఇక తాజాగా అందుతోన్న సమాచారం ప్రకారం ఈ చిత్రంలో బాలయ్య సరసన బాలీవుడ్‌ బ్యూటీని దింపేందుకు చిత్ర యూనిట్ సన్నాహాలు చేస్తోంది.
బాలీవుడ్‌ స్టార్‌ హీరోయిన్‌ సోనాక్షి సిన్హాను ఈ పాత్ర కోసం ఇప్పటికే సంప్రదించారని, దానికి సోనాక్షి సమాధానం కోసం ఎదురు చూస్తున్నట్లు తెలుస్తోంది. అయితే దీనిపై క్లారిటీ రావాలంటే అధికారిక ప్రకటన వచ్చే వరకు వేచి చూడాల్సిందే. ఇదిలా ఉంటే చిత్ర యూనిట్ గతంలో ఈ పాత్ర కోసం ప్రియమణిని సంప్రదించినట్లు వార్తలు వచ్చిన విషయం తెలిసిందే. కానీ దీనిపై ఆ తర్వాత ఎలాంటి ప్రకటన రాలేదు.
మరిన్ని సినిమా వార్తల కోసం క్లిక్ చేయండి..