‘అన్‌పెయిర్ అండ్ లవ్లీ’ షూటింగ్ కబుర్లు చెబుతున్న గోవా భామ.. లాక్‌డౌన్ వల్ల క్యారెక్టరే మరిచిపోయా..

అందం గురించి ఆరోగ్యం గురించి ఇటీవల కొంతమందికి క్లాస్ పీకిన గోవా బ్యూటీ ఇలియానా ప్రస్తతం తన కొత్త సినిమా షూటింగ్‌ బిజీలో ఉంది. టాలీవుడ్ నుంచి బాలీవుడ్ వెళ్లిన ఈ భామ అక్కడ అందివచ్చిన అవకాశాలన్నింటిని వినియోగించుకుంటుంది. టాలీవుడ్‌లో దాదాపుగా యంగ్ హీరోల అందరి సరసన నటించింది ఇలియానా. ఇటీవల కొంచెం బొద్దుగా మారిన ఈ భామ 80 డేస్ పేరుతో చాలా వర్కవుట్స్ చేసి తన మునుపటి రూపాన్ని సంతరించుకుంది.

అయితే ఇల్లి నటిస్తున్న సినిమాలన్ని లాక్‌డౌన్ వల్ల ఆగిపోయి ప్రస్తుతం ఒక్కొక్కొటిగా ప్రారంభమవుతున్నాయి. ‘పాగల్ పంతీ’ చిత్రం తర్వాత ఆమె చేస్తున్న ‘అన్‌పెయిర్ అండ్ లవ్లీ’ సినిమా షూటింగ్ ముంబైలో ప్రారంభమైంది. బల్వీందర్ సింగ్ డైరెక్ట్ చేస్తున్న ఈ మూవీలో రణ్‌దీప్ హుడా కీలక పాత్రలో నటిస్తున్నారు. అయితే ఈ షూటింగ్‌లో పాల్గొనడంపై నటి ఇలియానా తన మనసులోని భావాలను వెల్లడించింది. ‘అన్‌పెయిర్ అండ్ లవ్లీ’ షూటింగ్‌లో భాగంగా ముంబై వచ్చానని కొవిడ్ జాగ్రత్తలన్నీ తీసుకొని షూటింగ్‌లో పాల్గొన్నానని తెలిపింది. చిత్రీకరణకు ముందుగా అందరం కొవిడ్ టెస్ట్ చేయించుకున్నామని, మొదటి రోజు కొంచెం భయపడ్డానని కానీ ఇప్పుడు అలవాటు అయిందని చెప్పింది. చాలాకాలం తర్వాత షూటింగ్‌లో పాల్గొనేసరికి సినిమాలో నాక్యారెక్టర్‌ని మరిచిపోయాననే అనుమానం వచ్చిందని తెలిపింది. చిత్రీకరణకు ముందు కొంచెం ప్రాక్టీస్ చేస్తే బాగుండని దర్శకుడు నేను అనుకున్నామని చెప్పుకొచ్చింది. కానీ కెమెరా ముందుకు వెళ్లగానే నా పాత్రలోకి నేను పరకాయ ప్రవేశం చేశానని చెప్పింది. కొన్ని రోజులు గ్యాప్ రావడంతో ఇప్పుడు చాలా బాగా యాక్ట్ చేస్తున్నానని తన అభిప్రాయాన్ని వెల్లడించింది.