Manoj Bajpayee: మనోజ్ బాజ్‌ పాయ్‌ కొత్త సినిమాపై బ్రాహ్మణుల ఆగ్రహం.. సినిమాను అడ్డుకుంటామని వార్నింగ్

Manoj Bajpayee

సినిమాలు వివాదాల్లో చిక్కుకోవడం ఇటీవల సర్వసాధారణమైపోయింది. సినిమాల్లో కులం, మతం, వర్గం, వృత్తిని అవమానించారని చాలా మంది రోడ్డెక్కుతున్నారు. ఇప్పుడు ప్రముఖ నటుడు మనోజ్ బాజ్‌పేయి నటించిన సినిమా కూడా ఈ జాబితాలో చేరింది. మనోజ్ నటించిన కొత్త సినిమా ట్రైలర్ బుధవారం (ఫిబ్రవరి 05) విడుదలైంది. ఇప్పుడు ఆ సినిమా పేరుపై ఆగ్రహం వ్యక్తమవుతోంది. సినిమా పేరు మార్చకపోతే ఆ సినిమాను బహిష్కరిస్తామని చెబుతూ చాలా మంది పోస్ట్‌లను షేర్ చేశారు. మనోజ్ బాజ్‌పేయి ప్రధాన పాత్రలో నటించిన లేటెస్ట్ సినిమా ‘ఘూస్‌ఖోర్ పండిట్’. ఈ మూవీలో మనోజ్ బాజ్‌పేయి పోలీసు అధికారి పాత్రను పోషిస్తున్నాడు. అవినీతి, కోపం, క్రూరత్వంతో నిండిన పోలీసు అధికారి పాత్రను మనోజ్ పోషిస్తున్నాడని ట్రైలర్ ద్వారా తెలుస్తుంది. కానీ పాత్రతో పాటు, ఈ సినిమా టైటిల్ ఇప్పుడు వివాదానికి కారణమైంది. ఇది పండితులను అవమానించడమేనని చాలా మంది అభిప్రాయపడ్డారు. ‘గుస్కోర్ పండత్’ అంటే చొరబాటుదారుడు పండిట్ అని అర్థం.

బ్రాహ్మణులను అవమానించే ఉద్దేశ్యంతోనే ఈ సినిమాకు ఈ పేరు పెట్టారని చాలా మంది దీనిపై ట్వీట్ చేశారు. సినిమా పేరు మార్చకపోతే సినిమాను బహిష్కరిస్తామని వారు ఆగ్రహం వ్యక్తం చేశారు. ఈ సినిమాలో మనోజ్ బాజ్‌పేయి పాత్ర పేరు అజయ్ దీక్షిత్, కానీ అతని పాత్ర ముద్దు పేరు పండిట్. మనోజ్‌తో పాటు నుస్రత్ భారుచా కూడా ఈ సినిమాలో నటించారు. ఈ చిత్రానికి రితేష్ షా దర్శకత్వం వహించారు. ఈ చిత్రాన్ని నీరజ్ పాండే నిర్మించారు. ఈ చిత్రం నేరుగా నెట్‌ఫ్లిక్స్‌లో విడుదల కానుంది. మరి ఈ వివాదంపై చిత్ర బృందం ఎలా స్పందిస్తుందో చూడాలి.

నెట్ ఫ్లిక్స్ పై తీవ్ర ఆగ్రహం..

మరిన్ని ఎంటర్టైన్మెంట్ వార్తల కోసం ఇక్కడ చూడండి..