Amitabh Bachchan birthday: బ్రహ్మాస్త్ర కంటే ముందే అమితాబ్ హీరోగా భారీ విజువల్ మూవీకి ప్లాన్.. ఆ ఒక్క కారణంతో ఆగిపోయిన సినిమా..
బిగ్ బీ..ప్రస్తుతం భారీ విజయం అందుకున్న విజువల్ వండర్ బ్రహ్మస్త్ర కంటే ముందే భారీ వీఎఫ్ఎక్స్ చిత్రాన్ని రూపొందించాలనుకున్నారు. అత్యంత ప్రతిష్టాత్మకంగా భారీ బడ్జెట్తో వీఎఫ్ఎక్స్ టాలిస్మాన్ అనే టైటిల్ తో తెరకెక్కించాలనుకున్న సినిమా గురించి తెలుసుకుందామా.
మంగళవారం (అక్టోబర్ 11న) బాలీవుడ్ బిగ్ బీ అమితాబ్ 80వ పుట్టినరోజు. ఈ సందర్భంగా ఆయనకు సోషల్ మీడియా వేదికగా అభిమానులు.. సినీ ప్రముఖులు శుభాకాంక్షలు తెలుపుతున్నారు. కేవలం నార్త్ లోనే కాకుండా యావత్ ప్రపంచవ్యాప్తంగా భారీగా అభిమానులున్నారు. అంతేకాదు.. బాలీవుడ్ కా మెగాస్టార్ బిరుదు సైతం సొంతం చేసుకున్నారు. ఎన్నో సూపర్ హిట్ చిత్రాలతో ప్రేక్షకులను అలరించిన బిగ్ బీ.. ప్రస్తుతం వెండితెరపైనే కాకుండా.. బుల్లితెర పై కూడా ఎంటర్టైన్ చేస్తున్నారు. ఎంతో మంది నటీనటులకు స్పూర్తిదాయకంగా నిలిచిన అమితాబ్ సినీ కెరీర్ ఆరంభంలో ఎన్నో ఒడిదుడుకులను ఎదుర్కొన్నారు. ఆత్మవిశ్వాసం..పట్టుదలతో బాలీవుడ్ ఇండస్ట్రీలో తనకంటూ ప్రత్యేక ఇమేజ్ సంపాందించుకున్నారు. బిగ్ బీ పుట్టినరోజు అంటే.. బీటౌన్ ఇండస్ట్రీలో పెద్ద పండగ వాతావరణం. దేశవ్యాప్తంగా ఆయన అభిమానులు చేసే సందడి గురించి ప్రత్యేకంగా చెప్పాల్సిన పనిలేదు. అయితే కెరీర్లో ఎన్నో హిట్స్ అందుకున్న బిగ్ బీ..ప్రస్తుతం భారీ విజయం అందుకున్న విజువల్ వండర్ బ్రహ్మస్త్ర కంటే ముందే భారీ వీఎఫ్ఎక్స్ చిత్రాన్ని రూపొందించాలనుకున్నారు. అత్యంత ప్రతిష్టాత్మకంగా భారీ బడ్జెట్తో వీఎఫ్ఎక్స్ టాలిస్మాన్ అనే టైటిల్ తో తెరకెక్కించాలనుకున్న సినిమా గురించి తెలుసుకుందామా.
బాలీవుడ్ బిగ్ బీ అమితాబ్ ప్రధాన పాత్రలో డైరెక్టర్ విధు వినోద్ చోప్రా కలిసి భారతీయ కల్పిత కథ అయిన చంద్రకాంత ఆధారంగా టాలిస్మాన్ అనే సినిమా తెరకెక్కించాలనుకున్నారు. దాదాపు 14 పేజీల డ్రాఫ్ట్ను రెండున్నర సంవత్సరాలకు పైగా ఈ సినిమా కోసం రాశారు. రామ్ మాధ్వానీ, రచయిత స్వానంద్ కిర్కిరే ఈ సినిమాకు దర్శకత్వం వహించాలని భావించారు. ఈ సినిమాకు టీజర్ కూడా ప్లాన్ చేశారు. కానీ అనుహ్యంగా ఈ ప్రాజెక్ట్ ఆగిపోయింది. ఈ మూవీ గురించి ఎలాంటి అప్డేట్ రాలేదు. ఈ ప్రాజెక్ట్ ఏమైంది ?.
నివేదికల ప్రకారం టాలిస్మాన్ సినిమా బడ్జెట్ ఓవర్ బోర్డుకు వెళ్లింది. దాదాపు 8-9 సంవత్సరాల క్రితం ఈ సినిమా చాలా ప్రమాదకమరైన వెంచర్గా పరిగణించారు. దీంతో ఈ సినిమాను ఆపేయడం మంచిదని భావించారు. దీంతో బాలీవుడ్ ఇండస్ట్రీలో లార్డ్ ఆఫ్ ది రింగ్స్ తరహాలో ఏదో జరుగుతుందని మీడియాలో వార్తలు గుప్పుమన్నాయి. ఈ ప్రాజెక్ట్ నిలిచిపోయిన తర్వాత రామ్ మాధ్వానీ.. నీర్జా, ధమాకా పలు చిత్రాలకు దర్శకత్వం వహించగా.. స్వానంద్ కిర్కిరే ప్రముఖ రచయిత గుర్తింపు తెచ్చుకున్నారు. ఇక ప్రస్తుతం ఇండస్ట్రీలో భారీ వీఎఫ్ఎక్స్తో కూడిన బ్రహ్మస్త్ర సినిమా విడుదలైంది. ఇప్పుడు సినిమా కోసం భారీ బడ్జెట్ తో నిర్మించేందుకు నిర్మాతలు ఆసక్తి చూపిస్తున్నారు. ఈ క్రమంలోనే ఆగిపోయిన టాలిస్మాన్ ప్రాజెక్ట్ పునరిద్ధేంచేందుకు బిగ్ బీతోపాటు.. విధు వినోద్ చోప్రా ఆసక్తిగా ఉన్నట్లు టాక్ వినిపిస్తోంది. మరీ చూడాలి. ఎన్నో అంచనాలతో తెరకెక్కించాల్సిన టాలిస్మాన్ చిత్రం తిరిగి పట్టాలెక్కనుందా ? లేదా ? అనేది.
View this post on Instagram
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
