Rajamouli – Mahesh: రాజమౌళి, మహేష్‌ సినిమాపై ఇంట్రెస్టింగ్‌ అప్‌డేట్‌.. ఖుషీ అవుతోన్న బాలయ్య ఫ్యాన్స్‌..

Mahesh Rajamouli

Rajamouli – Mahesh: రాజమౌళి ప్రస్తుతం ఆర్‌ఆర్ఆర్‌ (RRR) సినిమా విడుదల కోసం ఎదురు చూస్తున్నారు. దాదాపు 4 ఏళ్లుగా ఆర్‌ఆర్‌ఆర్‌తో సావాసం చేసిన రాజమౌళి బాధ్యత మార్చి 25తో తీరనుంది. దీంతో తన తదుపరి సినిమా (Rajamouli Next Movie)పై ఇప్పటి నుంచే అందరిలోనూ ఆసక్తి నెలకొంది. ఆర్‌ఆర్‌ఆర్‌ తర్వాత రాజమౌళి టాలీవుడ్‌ ప్రిన్స్‌ మహేష్‌ బాబు (Mahesh Babu)తో ఓ సినిమా చేయనున్న విషయం తెలిసిందే. ఈ నేపథ్యంలో రాజమౌళి తర్వాతి సినిమాపై వార్తలు షికార్లు చేస్తూనే ఉన్నాయి.

ఈ చిత్రానికి సంబంధించి రైటర్‌ విజయేంద్ర వర్మ మాట్లాడుతూ.. ఈ సినిమా ఆఫ్రికా బ్యాక్‌డ్రాప్‌లో జరిగే అడ్వెంచర్‌ థ్రిల్లర్‌గా ఉండనుందని చేసిన ప్రకటనతో సినిమాపై ఇప్పటి నుంచే అంచనాలు పెరిగిపోయాయి. ప్రస్తుతం సర్కారు వారి పాటతో బిజీగా ఉన్న మహేష్‌ ఆ సినిమా పూర్తి కాగానే త్రివిక్రమ్‌తో మొదలు పెట్టనున్నారు. ఆ సినిమాను వీలైనంత త్వరగా పూర్తి చేయడం లేదా, ఒక కాలంలో రాజమౌళి సినిమాలో నటించనున్నారా తెలియాల్సి ఉంది.

ఇదిలా ఉంటే తాజాగా ఈ సినిమాకు సంబంధించి మరో ఆసక్తికరమైన వార్త ఒకటి నెట్టింట వైరల్‌ అవుతోంది. సోషల్‌ మీడియాలో చక్కర్లు కొడుతోన్న ఈ వార్త ప్రకారం మహేష్‌, రాజమౌళి కాంబినేషన్‌లో రానున్న సినిమాలో నందమూరి నట సింహం బాలకృష్ణ ప్రధాన పాత్రలో నటించనున్నారని తెలుస్తోంది. అయితే ఈ పాత్ర కేవలం గెస్ట్ రోల్‌కే పరిమితం కాదని సినిమాలో సుమారు 20 నిమిషాలకుపై బాలయ్య కనిపించనున్నారని సమాచారం. దీంతో ఈ వార్త తెలిసిన బాలయ్య ఫ్యాన్స్‌ ఖుషీ అవుతున్నారు. తమ అభిమాన హీరోను రాజమౌళి దర్శకత్వంలో చూసుకోవచ్చని తెగ మురిసిపోతున్నారు. మరి ఈ వార్తల్లో ఎంత వరకు నిజం ఉందో తెలియాలంటే అధికారిక ప్రకటన వచ్చే వరకు వేచి చూడాల్సిందే.

Also Read: Spider Man No Way Home: ఓటీటీలో సందడి చేయనున్న స్పైడర్‌మ్యాన్‌ నో వే హోమ్‌.. స్ట్రీమింగ్‌ ఎప్పటినుంచంటే..

Horoscope Today: ఈరోజు ఈ రాశివారికి అన్నీ సానుకూల ఫలితాలే.. నేటి రాశిఫలాలు ఎలా ఉన్నాయంటే..

ట్రెండీ లుక్ లో చిన్నది.. మాళవిక మోహనన్ ఫోటోస్ వైరల్