Case on PT Usha: పరుగుల రాణి పిటి ఉషపై కేసు నమోదు చేసిన కోజికోడ్ పోలీసులు.. ఎందుకోసమంటే..?
భారత అథ్లెట్, స్వర్ణ పతక విజేత, పరుగుల రాణి పీటీ ఉషపై కేరళ పోలీసులు కేసు నమోదు చేశారు. మాజీ అథ్లెట్ జెమ్మా జోసెఫ్ ఫిర్యాదు మేరకు ఉషపై కేసు నమోదు చేసినట్లు కోజికోడ్ పోలీసులు తెలిపారు.
Police Case on Athletic PT Usha: భారత అథ్లెట్, స్వర్ణ పతక విజేత, పరుగుల రాణి పీటీ ఉషపై కేరళ పోలీసులు కేసు నమోదు చేశారు. మాజీ అథ్లెట్ జెమ్మా జోసెఫ్ ఫిర్యాదు మేరకు ఉషపై కేసు నమోదు చేసినట్లు కోజికోడ్ పోలీసులు తెలిపారు. ఉష‌తో పాటు మ‌రో ఆరుగురిపై సెక్షన్ ఐపీసీ 420 కింద కేసు న‌మోదైనట్ల వెల్లడించారు. ఇంటి నిర్మాణం కోసం కొంత మొత్తాన్ని చెల్లించానని, అయితే, హామీ ఇచ్చిన గడువులోగా ఇల్లు పూర్తి కాలేదని ఫిర్యాదుదారు జెమ్మా ఫిర్యాదు చేశారు.
జెమ్మా జోసెఫ్ కోజికోడ్‌లో 1,012 చ‌ద‌ర‌పు అడుగుల ఫ్లాట్‌ను ఓ బిల్డర్ నుంచి కొనుగోలు చేసింది. ఆ ఫ్లాట్ కోసం జోసెఫ్ వాయిదాల రూపంలో మొత్తం రూ. 46 ల‌క్షలు చెల్లించింది. అయినప్పటికీ ఫ్లాట్‌ను బిల్డర్ జోసెఫ్‌కు అప్ప‌గించ‌లేదు. అయితే, వ్యవహారానికి సంబంధించి పీటీ ఉష మధ్యవర్తిత్వం ద్వారా బిల్డ‌ర్‌కు ఆ మొత్తం డబ్బులు చెల్లించానని, కానీ ఫ్లాట్ ఇవ్వ‌డంలో జాప్యం చేస్తున్నారని జోసెఫ్ ఫిర్యాదులో పేర్కొన్నారు. బిల్డ‌ర్‌తో పాటు ఉష త‌న‌ను మోసం చేశార‌ని జోసెఫ్ ఆరోపించింది. ఈ మేరకు జోసెఫ్ వెల్లయిల్ పోలీసులకు ఫిర్యాదు చేశారు. ఆమె ఫిర్యాదు మేరకు కోజికోడ్ పోలీసు చీఫ్ AV జార్జ్‌కు వివరణాత్మక విచారణ కోసం పంపారు. ఈ సమస్యను పరిష్కరించేందుకు ఫిర్యాదుదారు కేరళ రియల్ ఎస్టేట్ రెగ్యులేటరీ అథారిటీకి కూడా వెళ్లారు. అయినప్పటికీ, డబ్బులు తిరిగి చెల్లించేందుకు బిల్డర్ గానీ, పిటి ఊష గాని అంగీకరించలేదని ఫిర్యాదులో పేర్కొంది. కాగా, ఉష‌తో పాటు మ‌రో ఆరుగురిపై ఐపీసీ 420 కింద కేసు నమోదు చేశారు. త్వరలో విచారణ ప్రారంభిస్తామని పోలీసులు చెప్పారు. నిర్మాణదారులపై నిఘా ఉంచే కేరళ రియల్ ఎస్టేట్ రెగ్యులేటరీ అథారిటీ ఆధారంగా చర్య తీసుకుంటామన్నారు.
Read Also… Hyderabad: పేకాటాడుతూ అడ్డంగా దొరికిపోయిన కార్పొరేటర్ల భర్తలు.. పోలీసులను చూసి ఏంచేశారంటే!