ప్రాణం తీసిన వాట్సప్ స్టేటస్..! పద్నాలుగేళ్ల బాలిక ఆత్మహత్య.. వివరాలు ఇలా ఉన్నాయి..
Girl Commits Suicide : ఓ అబ్బాయి తన ఫొటోను వాట్సాప్ స్టేటస్గా పెట్టుకున్నాడని మనస్తాపానికి గురైన ఓ బాలిక పురుగుల మందు
Girl Commits Suicide : ఓ అబ్బాయి తన ఫొటోను వాట్సాప్ స్టేటస్గా పెట్టుకున్నాడని మనస్తాపానికి గురైన ఓ బాలిక పురుగుల మందు తాగి ఆత్మహత్య చేసుకుంది. ఆలస్యంగా వెలుగు చూసిన ఈ ఘటన బొమ్మలరామారం మండల పరిధిలో జరిగింది. పోలీసులు తెలిపిన వివరాల ప్రకారం… మండలంలోని బోయిన్పల్లి గ్రామానికి చెందిన ఓ బాలిక (14) మూడు చింతల పల్లి‡మండలం పోతారం గ్రామంలో ఉన్న కూరగాయల తోటలో కూలీగా జీవనం సాగిస్తోంది.
అయితే మండలంలోని బోటిమీది తండాకు చెందిన తేజావత్ మధుతో ఇటీవల పరిచయం ఏర్పడింది. ఇద్దరి మధ్య గల సాన్నిహితంతో బాలుడు సదరు బాలిక ఫొటోను శుక్రవారం తన వాట్సప్ స్టేటస్గా పెట్టాడు. దీంతో తీవ్ర మనస్తాపానికి గురైన బాలిక తన పనిచేసే తోటలో ఉన్న పురుగు మందు తాగి ఆత్మహత్యకు పాల్పడింది. మధు వేధింపులతోనే తన కూతురు ఆత్మహత్యకు పాల్పడినట్లు మృతురాలి తల్లి జయమ్మ షామీర్పేట్లోని పోలీస్ స్టేషన్లో ఫిర్యాదు చేసింది. పోలీసులు కేసు నమోదు చేసుకొని దర్యాప్తు చేస్తున్నారు.