
Tirupati Fire Accident: తిరుపతిలో అగ్ని ప్రమాదం చోటు చేసుకుంది. పట్టణంలో ఆదివారం ఓ అపార్ట్మెంట్లో ప్రమాదశాత్తు గ్యాస్ లీకేజీ అయ్యింది. దీంతో అపార్ట్మెంట్లో భారీగా మంటలు చెలరేగాయి. ఈ ప్రమాదంలో 8 లక్షల రూపాయల వస్తువులు కాలిపోయినట్లు అపార్ట్మెంట్ యజమాని పేర్కొన్నాడు. ప్రమాదం విషయం తెలుసుకున్న అగ్నిమాపక సిబ్బంది హుటాహుటిన అగ్ని మాపక శకటాలతో ఘటన స్థలానికి చేరుకుని మంటలను ఆర్పివేశారు. అయితే ఈ ప్రమాదం కారణంగా ఎలాంటి ప్రాణ నష్టం జరగలేదని అసిస్టెంట్ స్టేషన్ ఫైర్ ఆఫీసర్ శ్యామ్ ప్రకాశ్ తెలిపారు. ప్రమాదం జరిగిన విషయమై పోలీసులు దర్యాప్తు చేపడుతున్నారు. ఒక్కసారిగా మంటలు చెలరేగడంతో అపార్ట్మెంట్లో ఉన్నవాళ్లు భయాందోళనకు గురయ్యారు. మరిన్ని వివరాలు తెలియాల్సి ఉంది.