Bengaluru Airport : బెంగళూరు విమానాశ్రయంలో భారీగా నగదు.. అసలు సంగతి తెలిస్తే షాక్..

CISF Recovered : బెంగళూరులోని కెంపగౌడ అంతర్జాతీయ విమానాశ్రయంలో భారీగా నగదు పట్టుబడింది. సుమారు రూ.85 లక్షల నగదును చెన్నైకి చెందిన కస్టమ్స్​ అధికారి, అతని భార్య నుంచి స్వాధీనం చేసుకున్నారు. విమానాశ్రయంలో సోదాలు జరుగుతున్నాయి అని తెలిసిన ఓ కేంద్ర ప్రభుత్వ అధికారి, అతని భార్య శౌచాలయంలో రూ.10 లక్షల నగదు వదిలి వెళ్లినట్లు అధికారులు తెలిపారు.

చెన్నైకి చెందిన కస్టమ్స్​ అధికారి అహ్మద్ మొహమ్మద్, అతని సతీమణి లఖ్​నవూకు బయలుదేరారు. బెంగళూరు విమానాశ్రయంలో అధికారులు తనిఖీలు నిర్వహిస్తున్నారు అని తెలుసుకున్నారు. ఈ క్రమంలో అతని భార్య సూట్ కేసుతో శౌచాలయంకు వెళ్లారు. అక్కడే తన వద్దన ఉన్న 10 లక్షల నగదును విసిరేశారు. ఎయిర్​పోర్టులో విధులు నిర్వహించే సీఐఎస్​ఏపీ అధికారులకు అనుమానం వచ్చి.. దంపతుల వద్ద ఉన్న సూట్ కేసు తనిఖీ చేయగా అందులో రూ. 74,81,500 ఉన్నట్లు గుర్తించారు. అంతేగాక అందులో 200 గ్రాముల బంగారం, ఖరీదైన ఫోన్లు, ఆపిల్​ వాచ్​లు, నెక్లెస్​, అయిదు బంగారు ఉంగరాలు ఉన్నాయి. ఇంత పెద్ద మొత్తంలో సొమ్ము పట్టుబడడం చూసిన అధికారులు ఒక్క క్షణం కంగుతిన్నారు.

ఇవి కూడా చదవండి :

Sania Mirza Corona Positive : సానియా మీర్జాకు కరోనా పాజిటివ్.. ఎలాంటి లక్షణాలు కనిపించడం లేదన్న టెన్నిస్ స్టార్

అమెరికా అధ్యక్షుడిగా ట్రంప్ చివరి రోజు.. అఖరి నిమిషం ఇలా.. గన్ సల్యూట్ కోసం భారీ ఏర్పాట్లు