నా తల పోయింది.. మీకేమైనా దొరికిందా?
కరోనా లాక్డౌన్ కారణంగా ప్రపంచవ్యాప్తంగా పలు దేశాల ప్రజలు ఇళ్లకే పరిమితం అయ్యారు. ఇంత కాలం తమ తమ రంగాల్లో ఎంతో బిజీగా ఉన్న సినీ, క్రీడా సెలబ్రిటీలకు ఇప్పుడు ఇంట్లో ఉండటం చాలా బోర్ కొడుతోంది కాబోలు అందుకే సోషల్ మీడియాలో తెగ...
Updated on: May 22, 2020 | 5:32 PM
కరోనా లాక్డౌన్ కారణంగా ప్రపంచవ్యాప్తంగా పలు దేశాల ప్రజలు ఇళ్లకే పరిమితం అయ్యారు. ఇంత కాలం తమ తమ రంగాల్లో ఎంతో బిజీగా ఉన్న సినీ, క్రీడా సెలబ్రిటీలకు ఇప్పుడు ఇంట్లో ఉండటం చాలా బోర్ కొడుతోంది కాబోలు అందుకే సోషల్ మీడియాలో తెగ యాక్టివ్గా ఉంటున్నారు. ఇటీవల తెలుగు సినిమా పాటలతో వరుస టిక్టాక్ వీడియోలు చేస్తున్న ఆస్ట్రేలియా విధ్వంసక ఓపెనర్ డేవిడ్ వార్నర్.. సోషల్ మీడియాలో వైరల్గా మారగా.. అదే స్టైల్ను ఇంగ్లండ్ మాజీ కెప్టెన్ కెవిన్ పీటర్సన్ టిక్టాక్ల్లో బిజీ అయ్యారు. ఏఆర్ రెహమాన్ సంగీతం అందించిన జంటిల్మ్యాన్ చిత్రంలోని ఒట్టగత్తి కట్టికో.. అనే పాటకు ఇటీవల పీటర్సన్ టిక్టాక్ చేశారు. ఇప్పుడు తాజాగా… ఓ వీడియోను ఇన్స్టాగ్రామ్లో పోస్ట్ చేశారు పీటర్సన్. తన మెడను శరీరం నుంచి వేరు చేసిన విధంగా.. తల మెట్ల మీద నుంచి జారిపోతుందనే అభిప్రాయాన్ని ఆ వీడియో కలిగిస్తుంది. మిగిలిన శరీరమంతా అలాగే ఉంది. “లాక్డౌన్లో ఎవరైనా తమ తలను పోగొట్టుకున్నారా?” అని ట్యాగ్తో ఈ వీడియోను పోస్ట్ చేశాడు. అందులో ఓ ట్రిక్ ప్రదర్శించి నెటిజన్లను ఆకట్టుకున్నాడు. ఇది కొంత భయాన్ని కలిగించినా.. కరోనాతో జాగ్రత్తగా ఉండాలంటూ సందేశాన్ని ఇచ్చిందంటున్నారు నెటిజన్లు.
