AP Corona News: ఆంధ్ర‌ప్ర‌దేశ్ లో ద‌డ పుట్టిస్తోన్న క‌రోనా.. కొత్త‌గా 11,766 కేసులు.. భారీగా మ‌ర‌ణాలు

Ap Corona

ఆంధ్ర‌ప్రదేశ్ లో కరోనా ద‌డ పుట్టిస్తుంది. సెకండ్‌ వేవ్‌లో ఫ‌స్ట్ టైమ్ గురువారం 10 వేలు దాటిన కొవిడ్ కేసులు శుక్రవారం ఆ మార్క్ 11వేల మార్క్‌ దాటింది. తాజాగా నమోదైన కేసులతో కలిపి రాష్ట్రంలో ఇప్పటివరకు నమోదైన మొత్తం కేసులు పది లక్షలు దాటాయి. పాజిటివ్ కేసులు మాత్ర‌మే కాదు.. వైర‌స్ బారిన‌ప‌డి ప్రాణాలు కోల్పోతున్న బాధితుల సంఖ్య కూడా గ‌ణ‌నీయంగా పెరుగుతోంది.

కొత్త‌గా రాష్ట్ర వ్యాప్తంగా 45,581 క‌రోనా టెస్టులు చేయ‌గా.. 11,766 కేసులు వెలుగుచూశాయి. మ‌రో 38 మంది వైర‌స్ కార‌ణంగా ప్రాణాలు కోల్పోయారు. తాజా కేసులతో కలిపి ఇప్పటివరకు రాష్ట్రంలో 10,09,228 మంది వైరస్‌ బారినపడినట్లు రాష్ట్ర వైద్యారోగ్య శాఖ తాజా బులిటెన్ లో వెల్లడించింది. క‌రోనా నెల్లూరులో ఆరుగురు, చిత్తూరులో ఐదుగురు, తూర్పు గోదావరి, కృష్ణా, కర్నూలు, ప్రకాశం, శ్రీకాకుళంలో నలుగురు చొప్పున, విశాఖలో ముగ్గురు, గుంటూరు, విజయనగరంలో ఇద్దరు చొప్పున చ‌నిపోయారు. దీంతో రాష్ట్ర వ్యాప్తంగా మృతుల సంఖ్య 7,579కి పెరిగింది. కొత్త‌గా 4,441 మంది బాధితులు వ్యాధి బారినుంచి కోలుకున్నారు. రాష్ట్రంలో మొత్తం రిక‌వ‌రీల‌ సంఖ్య 9,27,418కి చేరినట్లు వైద్యారోగ్య శాఖ పేర్కొంది. ప్రస్తుతం రాష్ట్రంలో 74,231 యాక్టివ్‌ కేసులున్నాయి. రాష్ట్రవ్యాప్తంగా ఇప్పటివరకు 1,58,80,750 నమూనాలను ఆరోగ్య శాఖ పరీక్షించింది.

Also Read: ఏపీలోని ప‌లు జిల్లాల‌కు పిడుగు హెచ్చ‌రిక‌.. కీల‌క సూచ‌న‌లు చేసిన విప‌త్తుల శాఖ‌

అంబులెన్స్ నుంచి ఎగిరిప‌డ్డ క‌రోనా రోగి డెడ్‌బాడీ.. షాక్ కు గురైన స్థానికులు