చిరు టెస్ట్ లుక్ ఓకే.. షూటింగ్ ఎప్పుడంటే..!
టాలీవుడ్‌లో మరో క్రేజీ కాంబినేషన్లో సినిమా రాబోతోంది. కొరటాల శివ దర్శకత్వంలో మెగాస్టార్ చిరంజీవి 152వ చిత్రంలో నటించబోతున్న విషయం తెలిసిందే. అక్టోబర్‌లోనే పూజా కార్యక్రమాలను పూర్తి చేసుకున్న ఈ చిత్రం రెగ్యులర్ షూటింగ్‌లో జనవరి మొదటి వారం నుంచి జరగనుంది. దీనికి సంబంధించిన గురువారం చిరుపై లుక్ టెస్ట్ ముగిసింది. చిరు లుక్‌ను ఫైనల్ చేసేశాడు దర్శకుడు కొరటాల. ఈ క్రమంలో షూటింగ్‌కు ఏర్పాట్లను ప్రారంభించేశాడు దర్శకుడు. అయితే ఈ సినిమా ఎప్పుడో సెట్స్ మీదకు […]
టాలీవుడ్‌లో మరో క్రేజీ కాంబినేషన్లో సినిమా రాబోతోంది. కొరటాల శివ దర్శకత్వంలో మెగాస్టార్ చిరంజీవి 152వ చిత్రంలో నటించబోతున్న విషయం తెలిసిందే. అక్టోబర్‌లోనే పూజా కార్యక్రమాలను పూర్తి చేసుకున్న ఈ చిత్రం రెగ్యులర్ షూటింగ్‌లో జనవరి మొదటి వారం నుంచి జరగనుంది. దీనికి సంబంధించిన గురువారం చిరుపై లుక్ టెస్ట్ ముగిసింది. చిరు లుక్‌ను ఫైనల్ చేసేశాడు దర్శకుడు కొరటాల. ఈ క్రమంలో షూటింగ్‌కు ఏర్పాట్లను ప్రారంభించేశాడు దర్శకుడు.
అయితే ఈ సినిమా ఎప్పుడో సెట్స్ మీదకు వెళ్లాల్సింది. కానీ లుక్ కోసం చాలా కసరత్తులే చేశాడు చిరు. ముఖ్యంగా ఆయన వయస్సును దృష్టిలో పెట్టుకున్న ఫిట్‌నెస్ ట్రైనర్.. నిదానంగానే చిరు బరువును తగ్గించేందుకు ప్రయత్నించాడు. ఈ క్రమంలోనే పలుమార్లు షూటింగ్ వాయిదా పడుతూ వచ్చింది. ఇక తాజాగా చిరు లుక్‌కు గ్రీన్ సిగ్నల్ రావడంతో.. త్వరలోనే సెట్స్ మీదకు వెళ్లనుంది.
ఇదిలా ఉంటే తన ముందు చిత్రాలలాగే సామాజిక కథాంశంతో ఈ చిత్రాన్ని తెరకెక్కిస్తున్నాడు కొరటాల. ఇందులో చిరు ఇంతవరకు నటించిన పాత్రలో కనిపించబోతున్నట్లు తెలుస్తోంది. మరోవైపు ఈ మూవీ కోసం చిరు సరసన త్రిష ఫైనల్ అయ్యింది. కొణిదెల ప్రొడక్షన్స్, మ్యాట్నీ మూవీ ఎంటర్‌టైన్‌మెంట్స్ సంయుక్తంగా నిర్మిస్తున్న ఈ చిత్రానికి మణిశర్మ సంగీతం అందించబోతున్నాడు. కాగా ఈ చిత్రంలో రామ్ చరణ్ కూడా ఓ చిన్న పాత్రలో మెరవబోతున్నట్లు తెలుస్తోంది. మరి ఇందులో నిజమెంత..? చిరు నెక్ట్స్ మూవీ టైటిల్ ఏంటి..? ఎప్పుడు విడుదల కాబోతోంది..? తదితర విషయాలు తెలియాలంటే కొద్ది రోజులు ఆగాల్సిందే.
