Breaking News
  • కరీంనగర్‌: హుజూరాబాద్‌ ప్రభుత్వ ఆస్పత్రిలో టిక్‌టాక్‌ కలకలం. ఆపరేషన్‌ థియేటర్‌లో టిక్‌టాక్‌ చేసిన వైద్యులు. రోగికి ఆపరేషన్‌ చేస్తూ టిక్‌టాక్‌ చేసిన వైద్యుడు శ్రీకాంత్, బృందం. సోషల్‌మీడియాలో వైరలైన వీడియో. వైద్యుల తీరుపై మండిపడుతున్న స్థానికులు.
  • సికింద్రాబాద్‌లో అఖిల భారత పోలీస్‌ బ్యాండ్‌ పోటీల ముగింపు వేడుకలు. హాజరైన ఉపరాష్ట్రపతి వెంకయ్యనాయుడు.
  • యాదాద్రి:సర్నేనిగూడెం సర్పంచ్ కుటుంబాన్నిపరామర్శించిన కోమటిరెడ్డి. రూ.50 వేలు ఆర్థిక సాయాన్ని అందజేసిన ఎంపీ కోమటిరెడ్డి. సర్పంచ్‌ కుటుంబానికి నా ప్రగాఢ నానుభూతి తెలియజేస్తున్నా. సర్పంచ్‌ కుటుంబానికి రూ.25 లక్షల ఆర్థిక సాయం ప్రకటించాలి. నావంతుగా సర్పంచ్‌ కుటుంబాన్ని ఆదుకుంటా. ఈ విషయాన్ని సీఎం దృష్టికి తీసుకెళ్తా-ఎంపీ కోమటిరెడ్డి వెంకట్‌రెడ్డి.
  • నిజామాబాద్‌: ఎడపల్లిలో ప్రేమజంట ఆత్మహత్యాయత్నం. పురుగుల మందుతాగి ఆత్మహత్యకు యత్నించిన ప్రేమజంట. పరిస్థితి విషమం, ఆస్పత్రికి తరలింపు.
  • ఢిల్లీ: జస్టిస్ ధర్మాధికారి నేతృత్వంలో ఏపీ, టీఎస్ అధికారుల భేటీ. విద్యుత్‌ ఉద్యోగుల విభజన సమస్యలపై సమావేశమైన అధికారులు. ఉదయం అధికారులు, ఉద్యోగుల అభ్యంతరాలు స్వీకరించిన ధర్మాధికారి. ధర్మాధికారి నివేదిక ప్రకారం 655 మంది ఉద్యోగులు.. తమకు భారమవుతున్నారని చెప్పిన ఏపీ డిస్కంలు. కమిటీ నివేదికతో సమస్యలున్నాయన్న టీఎస్ జెన్‌కో, ట్రాన్స్‌కో సీఎండీ. ఉద్యోగుల సమస్య శాంతియుతంగా పరిష్కారమయ్యేందుకే.. నివేదికను అంగీకరిచామన్న తెలంగాణ సీఎండీ ప్రభాకర్‌రావు. విధుల్లోకి చేర్చుకోనందు వల్ల ఇబ్బందులు పడుతున్నట్టు.. ధర్మాధికారికి తెలిపిన ఏపీకి కేటాయించిన ఉద్యోగులు. సమస్యకుపరిష్కారం నివేదిక నుంచి తెచ్చేలా ప్రయత్నిద్ధాం-ధర్మాధికారి. సమస్యను మొదటికితెచ్చి ఉద్యోగుల విభజనను జఠిలం చేయొద్దు-ధర్మాధికారి.

చంద్రబాబుకు డబల్ షాక్.. రాజధానిపై జగన్ ఫోకస్

double shock to chandrababu, చంద్రబాబుకు డబల్ షాక్.. రాజధానిపై జగన్ ఫోకస్

అధికారంలోకి రాగానే రాజధానిని అమరావతి నుంచి తరలించేస్తారంటూ ఎన్నికల ప్రచారంలో ఊదరగొట్టిన చంద్రబాబుకు వరుస పెట్టి షాకులిస్తోంది జగన్ సర్కార్. తాజాగా ముఖ్యమంత్రి జగన్ తీసుకున్న నిర్ణయాలు ఖచ్చితంగా టిడిపి అధినేత చంద్రబాబుకు ఝలక్ ఇచ్చేవే. గత రెండు నెలలుగా రాజధానిని అమరావతినుంచి తరలిస్తారని ప్రచారం జరుగుతోంది. మంత్రి బొత్స సత్యనారాయణ మాటలపై పలు రకాల విశ్లేషణలు వచ్చాయి. అమరావతి నుంచి  రాజధానిని దొనకొండకు తరలిస్తారని ప్రచారం జరగడంతో దొనకొండలో భూముల ధరలకు రెక్కలొచ్చాయి. గతంలో అక్కడ రాజధాని వస్తుందని భావించి భూములు కొన్న వారిలో చాలా మంది తాజా పరిణామాల నేపథ్యంలో అమ్మేసుకుని పెట్టుబడులు రాబట్టుకొన్నారు.

అయితే.. రాజధాని తరలింపు జరగబోదని తాజా పరిణామాలు చాటిచెబుతున్నాయి. అయితే.. మాస్టర్ ప్లాన్లో మాత్రం పెను మార్పులు చేసే సంకేతాలు కనిపిస్తున్నాయి. అందులో భాగంగా ఏపీ రాజధాని నిర్మాణానాకి సరికొత్త మాస్టర్ ప్లాన్ రూపొందించే పనిలో పడింది జగన్ ప్రభుత్వం. చంద్రబాబు సుదీర్ఘ మంతనాల తర్వాత ఖరారు సింగపూర్ కన్సల్టెన్సీతో తయారు చేయించిన మాస్టర్ ప్లాన్ ని సమూలంగా మార్చాలని జగన్ భావిస్తున్నట్లు సమాచారం. అమరావతి కోర్ క్యాపిటల్ ఏరియాలో భారీ భవనాలు నిర్మించాలని గతంలో రూపొందించిన మాస్టర్ ప్లాన్ లో ప్రస్తావించగా.. ఇపుడు అందులో మార్పు తేవాలని నిర్ణయించారు.

అమరావతి పనులను మళ్ళీ చేపట్టాలని ముఖ్యమంత్రి నిర్ణయించింన దరిమిలా.. కొత్త ప్రణాళికలు తయారు చేసే పనిలో పడ్డారు సీఆర్డిఏ అధికారులు. 25 అంతస్తుల భారీ భవనాలకు బదులుగా… 10 అంతస్తుల నిర్మాణాలు చేపట్టాలని తాజాగా నిర్ణయించారు. రాష్ట్ర ఆర్థిక పరిస్థితిని దృష్టిలో వుంచుకుని, మరీ గొప్పలకు పోకుండా రాజధాని నిర్మాణాలను చేపట్టాలన్న ముఖ్యమంత్రి అభిప్రాయం మేరకు ప్రతిపాదనల్లో మార్పులు చేస్తున్నారు. సచివాలయం కోసం అయిదు టవర్లు నిర్మించాలని గతంలో నిర్ణయించగా.. దాని బదులుగా రెండు పది అంతస్తుల టవర్లను నిర్మించాలని ప్రస్తుతం తలపెట్టారు.

2022 చివరి నాటికి రెండు టవర్లను పూర్తి చేసిన తర్వాత మిగితా టవర్లపై దృష్టి సారించాలని సీఆర్డీఏ అధికారులు భావిస్తున్నారు. మొదటి దశలో 3,132 కోట్లు ఖర్చు అవుతాయని అంచనా వేస్తున్నారు. వీటిలో ఇప్పటికే 332 కోటలు ఖర్చు కాగా.. మరో 2,800 కోట్ల వ్యయంతో 2022 నాటికి నిర్మాణాలు పూర్తి చేయాలని తలపెట్టారు.

భూముల లావాదేవాలపై సిఐడి నజర్..

అమరావతి ప్రాంతంలో మరీ ముఖ్యంగా తుళ్ళూరు ఏరియాలో జరిగిన, జరుగుతున్న భూ లావాదేవీలపై కూ జగన్ ప్రభుత్వం దృష్టి సారించడం టిడిపి నేతలకు షాకిచ్చే అంశంగానే పరిగణించారు. గత అయిదేళ్ళ కాలంలో ఇక్కడ జరిగిన భూ లావాదేవీలపై దర్యాప్తు జరిపేందుకు ఏపీ సీఐడి అధికారుల బృందం రంగంలోకి దిగింది.

ఒకవైపు చంద్రబాబు అమితంగా ఇష్టపడి తయారు చేయించిన రాజధాని మాస్టర్ ప్లాన్లో మార్పులు.. ఇంకోవైపు బాబు హయాంలో జరిగిన తుళ్ళూరు భూలావాదేవీలపై సిఐడి దర్యాప్తు.. వెరసి చంద్రబాబుకు వరుసగా షాకులు తగులుతున్నాయని ఏపీలో ప్రచారం జోరందుకుంది.

 

Related Tags