TSPSC Group 2 Notification: తెలంగాణలో 783 గ్రూప్-2 పోస్టులకు నోటిఫికేషన్ విడుదల.. జనవరి 18 నుంచి దరఖాస్తులు..
తెలంగాణలో 783 గ్రూప్-2 ఉద్యోగాలకు టీఎస్‌పీఎస్సీ గురువారం (డిసెంబర్‌ 29) నోటిఫికేషన్ విడుదల చేసింది..
తెలంగాణలో 783 గ్రూప్-2 ఉద్యోగాలకు టీఎస్‌పీఎస్సీ గురువారం (డిసెంబర్‌ 29) నోటిఫికేషన్ విడుదల చేసింది. ఈ పోస్టులకు జనవరి 18 నుంచి ఆన్‌లైన్‌ దరఖాస్తులు స్వీకరించనున్నట్టు టీఎస్‌పీఎస్సీ తెలిపింది. డిగ్రీ అర్హత ఉన్న వారెవరైనా గ్రూప్ 2 పోస్టులకు పోటీ పడవచ్చు. ఈ ప్రకటన ద్వారా కమిషనర్‌ గ్రేడ్‌-3, అసిస్టెంట్‌ కమర్షియల్‌ ట్యాక్స్‌ ఆఫీసర్‌, డిప్యూటీ తహసీల్దార్‌, సబ్‌ రిజిస్ట్రార్‌ గ్రేడ్‌-2, జూనియర్‌ ఎంప్లాయిమెంట్‌ ఆఫీసర్‌, అసిస్టెంట్‌ ఇంజినీర్‌, అసిస్టెంట్‌ రిజిస్ట్రార్‌, అసిస్టెంట్‌ లేబర్‌ ఆఫీసర్‌, ఎక్స్‌టెన్షన్‌ ఆఫీసర్‌, ఎక్సైజ్‌ సబ్‌ ఇన్‌స్పెక్టర్‌, ఎగ్జిక్యూటివ్‌ ఆఫీసర్‌ పోస్టులను గ్రూప్ 2 కింద భర్తీ చేయనున్నారు.
కాగా ఇప్పటికే 503 గ్రూప్-1 పోస్టులకు, 9,168 గ్రూప్-4 పోస్టుల టీఎస్‌పీఎస్సీ నోటిఫికేషన్లు విడుదల చేసిన సంగతి తెలిసిందే. త్వరలో గ్రూప్ 3కి సంబంధించిన నోటిఫికేషన్ కూడా కమిషన్‌ విడుదల చేయనుంది. గ్రూప్-3 కింద అనుమతించిన 1,373 పోస్టులకు అదనంగా మరో వందకు పైగా చేరనున్నాయి. దీనితోపాటు 1000 ఫారెస్ట్‌ బీట్‌ ఆఫీసర్స్ (ఎఫ్‌బీవో) పోస్టులు, హాస్టల్‌ వెల్ఫేర్‌ ఆఫీసర్‌ పోస్టులకు సంబంధించిన ప్రకటనలు కూడా ఈ నెలాఖరులోగా వెలువరించనున్నారు.
మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.