TGRTC: విద్యార్థులకు ఆర్టీసీ గుడ్‌న్యూస్.. ఐటీఐ కోర్సులకు ఆహ్వానం
తెలంగాణ ఆర్టీసీ విద్యార్థులకు శుభవార్త తెలిపింది. తెలంగాణలోని పలు ఐటీఐ కళాశాలల్లో ట్రేడ్‌లలో ప్రవేశాలకు నోటిఫికేషన్‌ జారీ చేసింది. ఆసక్తి, అర్హత ఉన్న అభ్యర్థులు దరఖాస్తు చేసుకోవాలని సూచించారు. స్యయం ఉపాధి రంగంలో స్థిరపడాలనుకునే వారికి ఈ అవకాశం బెస్ట్‌ ఆప్షన్‌గా చెబుతున్నారు. ఇంతకీ ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.?
తెలంగాణ ఆర్టీసీ విద్యార్థులకు శుభవార్త తెలిపింది. తెలంగాణలోని పలు ఐటీఐ కళాశాలల్లో ట్రేడ్‌లలో ప్రవేశాలకు నోటిఫికేషన్‌ జారీ చేసింది. ఆసక్తి, అర్హత ఉన్న అభ్యర్థులు దరఖాస్తు చేసుకోవాలని సూచించారు. స్యయం ఉపాధి రంగంలో స్థిరపడాలనుకునే వారికి ఈ అవకాశం బెస్ట్‌ ఆప్షన్‌గా చెబుతున్నారు. ఇంతకీ ఏయే విభాగాల్లో ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు ఇప్పుడు తెలుసుకుందాం..
హైదరాబాద్‌, వరంగల్‌లోని ఐటీఐఈ కళాశాలల్లో వివిధ ట్రేడ్‌లలో ప్రవేశాలకు ఆసక్తి గల విద్యార్థుల నుంచి సంస్థ దరఖాస్తులను ఆహ్వానిస్తున్నారు. ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాలని అధికారులు సూచించారు. దరఖాస్తుల స్వీకరణకు జూన్‌ 10వ తేదీని చివరి తేదీగా నిర్ణయించారు. తెలంగాణ ఐటీఐ అడ్మిషన్స్ 2024 దరఖాస్తు చేసుకోవడానికి, పూర్తి వివరాల కోసం ఇక్కడ క్లిక్ చేయండి.
ఐటీఐలో భాగంగా మోటార్‌ మెకానిక్‌ వెహికిల్‌, మెకానిక్‌ డిజిల్‌, వెల్డర్‌, పెయింటర్‌ ట్రెడ్‌లలో ఉన్న ఖాళీలను భర్తీ చేయనున్నారు. స్వయం ఉపాధి రంగంలో స్థిరపడాలనుకునే వారికి ఐటీఐ కోర్సులు వరంలాంటివి. నిరుద్యోగ యువతకు చక్కటి శిక్షణ, బంగారు భవిష్యత్‌ అందించడంతో పాటు తక్కువ వ్యవధిలో నిరుద్యోగులకు ఉపాధి కల్పించాలనే ఉద్దేశంతో ఈ ఐటీఐ కళాశాలలను సంస్థ ఏర్పాటు చేసింది.
నిపుణులైన అధ్యాపకులతో పాటు అపార అనుభవంగల ఆర్టీసీ అధికారులతో తరగతులను నిర్వహిస్తోంది. ఈ ట్రేడ్‌లలో ప్రవేశం పొందిన విద్యార్థులకు కోరుకున్న టీజీఎస్‌ఆర్టీసీ డిపోల్లో అప్రెంటీషిఫ్‌ సౌకర్యం కల్పిస్తారు. ఐటీఐ కోర్సుల్లో చేరాలనుకునే విద్యార్థులు హైదరాబాద్‌ ఐటీఐ కళాశాల ఫోన్‌ నంబర్లు 9100664452, 040-23450033, వరంగల్‌ ఐటీఐ కళాశాల ఫోన్‌ నంబర్లు 9849425319, 8008136611 ను సంప్రదించగలరు. పూర్తి వివరాలను https://iti.telangana.gov.in/ వెబ్‌సైట్‌లోనూ చూడొచ్చు
మరిన్ని విద్య, ఉద్యోగ వార్తల కోసం క్లిక్ చేయండి..