TGCET 2022: తెలంగాణ గురుకులాల్లో ఐదోతరగతిలో ప్రవేశానికి మే 8న ఎంట్రన్స్ టెస్ట్‌..
తెలంగాణ రాష్ట్రంలోని ఎస్సీ, ఎస్టీ, బీసీ, సాధారణ గురుకులాల్లో ఐదోతరగతిలో ప్రవేశానికి (5th class entrance exam date) మే 8న ప్రవేశపరీక్ష నిర్వహించనున్నట్లు..
Telangana Gurukul Common Entrance Test date 2022: తెలంగాణ రాష్ట్రంలోని ఎస్సీ, ఎస్టీ, బీసీ, సాధారణ గురుకులాల్లో ఐదోతరగతిలో ప్రవేశానికి (5th class entrance exam date) మే 8న ప్రవేశపరీక్ష నిర్వహించనున్నట్లు గురుకుల సెట్‌ కన్వీనర్‌ రొనాల్డ్‌రాస్‌ తెలిపారు. ప్రవేశ పరీక్ష ఉదయం 11 నుంచి మధ్యాహ్నం 1 గంట వరకు జరుగుతుందని, రాష్ట్రవ్యాప్తంగా 415 పరీక్ష కేంద్రాలు ఏర్పాటు చేశామని పేర్కొన్నారు. ఎస్సీ, ఎస్టీ, బీసీ, సాధారణ గురుకుల సొసైటీల్లో మొత్తం 48,120 సీట్లు ఉన్నట్లు, వీటి కోసం దాదాపు 1.48 లక్షల మంది విద్యార్ధులు పోటీపడుతున్నారని వివరించారు. పరీక్షకు హాజరయ్యే విద్యార్థులందరూ తప్పనిసరిగా మాస్కులు ధరించి, కరోనా నిబంధనలు పాటించాలన్నారు. దరఖాస్తు చేసుకున్న అభ్యర్థులు గురుకుల అధికారిక వెబ్‌సైట్‌లో హాల్‌టికెట్లు డౌన్‌లోడ్‌ చేసుకోవాలని ఈ సందర్భంగా సూచించారు.
ఏయే గురుకులాల్లో ఎన్ని సీట్లు ఉన్నాయంటే..
సొసైటీ బాలికలు బాలురు మొత్తం సీట్లు
ఎస్సీ 90 140 230 18400
ఎస్టీ 35 42 77 6080
బీసీ 132 129 261 20800
సాధారణ 15 20 35 2840
మొత్తం 272 331 603 48120
Also Read: