ఇంటర్ విద్యార్థులకు గుడ్‌న్యూస్.. పరీక్ష ఫీజు గడువు పొడిగింపు.. చివరి ఛాన్స్!

2027 ఫిబ్రవరిలో జరగనున్న ఇంటర్మీడియట్ పరీక్షల ఫీజు చెల్లింపు గడువును బోర్డు పొడిగించింది. విద్యార్థులు ఎలాంటి ఆలస్య రుసుము లేకుండా నవంబర్ 13 వరకు ఫీజు చెల్లించవచ్చు. రూ.100 లేట్ ఫీజుతో నవంబర్ 14 నుంచి 20 వరకు చెల్లించేందుకు అవకాశం కల్పించింది. విద్యార్థులు ఈ అవకాశాన్ని సద్వినియోగం చేసుకోవాలని బోర్డు సూచించింది..

Telangana Inter Exam 2027 Fee Deadline

Srilakshmi C |
Updated on: Nov 11, 2026 | 7:50 AM

హైదరాబాద్‌, నవంబర్ 11: 2027 ఫిబ్రవరిలో జరగనున్న ఇంటర్మీడియట్ పబ్లిక్ పరీక్షలకు సిద్ధమవుతున్న విద్యార్థులకు బోర్డు శుభవార్త అందించింది. పరీక్ష ఫీజు చెల్లింపు గడువును పొడిగిస్తూ కీలక నిర్ణయం తీసుకుంది. విద్యార్థులు ఎలాంటి ఆలస్య రుసుము లేకుండా ఈ నెల 13వ తేదీ వరకు తమ కళాశాలల్లో పరీక్ష ఫీజు చెల్లించవచ్చని వెల్లడించింది. విద్యార్థులు, తల్లిదండ్రులు, కళాశాలల ప్రిన్సిపాళ్ల నుంచి వచ్చిన విజ్ఞప్తుల మేరకు ఈ నిర్ణయం తీసుకున్నట్లు తెలంగాణ ఇంటర్‌ బోర్డు తెలిపింది. దీంతో ఇప్పటివరకు పరీక్ష ఫీజు చెల్లించని విద్యార్థులకు మరో అవకాశం లభించినట్లయింది.

రూ.100 లేట్ ఫీజుతో మరో అవకాశం

సాధారణ గడువులోగా పరీక్ష ఫీజు చెల్లించలేని విద్యార్థులు ఆందోళన చెందాల్సిన అవసరం లేదు. రూ.100 ఆలస్య రుసుముతో నవంబర్ 14 నుంచి 20వ తేదీ వరకు ఫీజు చెల్లించేందుకు బోర్డు అవకాశం కల్పించింది. అయితే ఈ ఆలస్య రుసుము ద్వారా వసూలైన మొత్తాన్ని నవంబర్ 21వ తేదీలోగా బోర్డు ఖాతాలో జమ చేయాలని సంబంధిత కళాశాలలకు సూచించింది. 2027 ఫిబ్రవరిలో జరగనున్న ఇంటర్మీడియట్ పరీక్షలకు హాజరయ్యే విద్యార్థులు ఈ అవకాశాన్ని సద్వినియోగం చేసుకోవాలి. నిర్ణీత గడువులోగా తమ కళాశాలల ద్వారా పరీక్ష ఫీజు చెల్లించాలి. చివరి తేదీ వరకు వేచి ఉండకుండా ముందుగానే ఫీజు చెల్లించడం మంచిది. పరీక్ష ఫీజు చెల్లింపు, ఇతర వివరాల కోసం విద్యార్థులు తమ కళాశాల ప్రిన్సిపాళ్లను సంప్రదించాలి.

ఇవి కూడా చదవండి