Microsoft: ఉద్యోగులకు బిగ్ షాక్ ఇచ్చేందుకు టెక్ దిగ్గజం.. లేఆఫ్స్ ప్రకటించిన మెక్రోసాఫ్ట్..
నిన్నటి వరకు ట్విట్టర్‌...ఇప్పుడు మైక్రోసాఫ్ట్‌... ఉద్యోగాల తొలగింపు కార్యక్రమంలో ప్రముఖ సంస్థలు పోటీ పడుతున్నాయి. ఐటీ దిగ్గజ సంస్థ మైక్రోసాఫ్ట్‌ ఉద్యోగుల తొలగింపునకు..
నిన్నటి వరకు ట్విట్టర్‌…ఇప్పుడు మైక్రోసాఫ్ట్‌… ఉద్యోగాల తొలగింపు కార్యక్రమంలో ప్రముఖ సంస్థలు పోటీ పడుతున్నాయి. ఐటీ దిగ్గజ సంస్థ మైక్రోసాఫ్ట్‌ ఉద్యోగుల తొలగింపునకు రంగం సిద్ధం చేసింది. నేటి నుంచి లేఆఫ్స్ ప్రకటించింది. భారీ సంఖ్యలో ఉద్యోగులకు ఉద్వాసన పలికేందుకు అత్యంత వేగంగా మైక్రోసాఫ్ట్‌ చర్యలు చేపడుతోంది.
ప్రధానంగా ఇంజనీరింగ్‌ డివిజన్‌లో ఎంప్లాయీస్‌ను తగ్గించాలని ఆ సంస్థ నిర్ణయించింది. సుమారు 5 శాతం మంది ఉద్యోగులను మైక్రోసాఫ్ట్‌ తొలగిస్తున్నట్టు బ్లూమ్‌బర్గ్‌ న్యూస్‌ రిపోర్ట్‌ వెల్లడించింది. ఈ కంపెనీలో ప్రపంచ వ్యాప్తంగా రెండు లక్షలా 20 వేల మంది ఉద్యోగులు ఉన్నారు. గత ఏడాది సైతం రెండు సార్లు ఉద్యోగుల సంఖ్యను కుదించింది మైక్రోసాఫ్ట్‌. గత ఏడాది మొత్తం 1000 మందిని ఉద్యోగాల్లో నుంచి ఈ ఐటీ సంస్థ తొలగించింది. అయితే ఈ సారి భారీ స్థాయిలోనే ఉద్యోగాల తొలగింపు చర్యలుంటాయని భావిస్తున్నారు. కనీసం ఐదు శాతం మందిని ఉద్యోగులకు ఈ సంస్థ ఉద్వాసన పలకనుంది. దీంతో మొత్తం 11 వేల మంది ఉద్యోగులను మైక్రోసాఫ్ట్‌ సంస్థ ఇంటికి పంపనుంది.
ఈ యేడాది మొదటినెల తొలివారం రోజుల్లోనే 30 ప్రముఖ కంపెనీల్లో ప్రపంచ వ్యాప్తంగా 30,000 మంది ఉద్యోగాలు కోల్పోయారు. ఇప్పుడు ఇదే పరిస్థితి ఉద్యోగులను ఆందోళనకు గురిచేస్తోంది. టెక్ సంస్థలన్నీ 5 నుంచి 10 శాతం వరకు సిబ్బందిని తొలగించేందుకు సిద్ధం అవుతున్నాయి.
మరిన్ని ఉద్యోగ సంబంధిత వార్తల కోసం ఈ లింక్ క్లిక్ చేయండి..