DRDO CEPTAM 2022: పదో తరగతి/ఇంటర్ అర్హతతో.. డీఆర్‌డీఓలో 1061 ఉద్యోగాలకు నోటిఫికేషన్‌ విడుదల.. ఇలా దరఖాస్తు చేసుకోండి..

DRDO-CEPTAM 10 Recruitment 2022

భారత ప్రభుత్వ రక్షణ మంత్రిత్వ శాఖకు చెందిన డీఆర్‌డీఓ – సెంటర్‌ ఫర్‌ పర్సనల్‌ టాలెంట్‌ మేనేజ్‌మెంట్‌.. 1061 స్టినోగ్రాఫర్‌ గ్రేడ్-I, జూనియర్ ట్రాన్స్‌లేషన్ ఆఫీసర్, స్టెనోగ్రాఫర్ గ్రేడ్-II, అడ్మినిస్ట్రేటివ్ అసిస్టెంట్ ‘ఎ’, స్టోర్ అసిస్టెంట్ ‘ఎ’, సెక్యూరిటీ అసిస్టెంట్ ‘ఎ’ వెహికల్ ఆపరేటర్ ‘ఎ’, ఫైర్ ఇంజన్ డ్రైవర్ ‘ఎ’, ఫైర్‌మ్యాన్ పోస్టుల భర్తీకి అర్హులైన అభ్యర్ధుల నుంచి దరఖాస్తులు కోరుతూ నోటిఫికేషన్‌ విడుదల చేసింది.

ఈ పోస్టులకు దరఖాస్తు చేసుకునే అభ్యర్ధులు పోస్టును బట్టి పదో తరగతి, సంబంధిత స్పెషలైజేషన్‌లో ఇంటర్మీడియట్‌/గ్రాడ్యుయేషన్‌ లేదా తత్సమాన కోర్సులో ఉత్తీర్ణత సాధించి ఉండాలి. అలాగే టైపింగ్‌ స్కిల్స్‌ కూడా ఉండాలి. దరఖాస్తుదారుల వయసు 18 నుంచి 30 యేళ్ల మధ్య ఉండాలి. ఈ అర్హతలున్న వారు ఆన్‌లైన్‌ విధానంలో డిసెంబర్‌ 7, 2022వ తేదీలోపు దరఖాస్తు చేసుకోవల్సి ఉంటుంది. ఆన్‌లైన్‌ దరఖాస్తు ప్రక్రియ నవంబర్‌ 7వ తేదీ నుంచి ప్రారంభమవుతుంది. దరఖాస్తు సమయంలో జనరల్‌ అభ్యర్ధులు రూ.100లు దరఖాస్తు రుసుము చెల్లించవల్సి ఉంటుంది. ఎస్సీ/ఎస్టీ/పీడబ్ల్యూబీడీ/ఈఎస్‌ఎమ్‌/మహిళా అభ్యర్ధులకు ఫీజు మినహాయింపు వర్తిస్తుంది. రాత పరీక్ష, స్కిల్‌ టెస్ట్, ఫిజికల్ ఫిట్‌నెస్‌ అండ్‌ క్యాపబులిటీ టెస్ట్‌ ఆధారంగా తుది ఎంపిక ఉంటుంది. ఎంపికైన వారికి నెలకు రూ.19,000ల నుంచి రూ.1,12,400ల వరకు జీతంగా చెల్లిస్తారు. ఇతర సమాచారం అధికారిక నోటిఫికేషన్‌లో చెక్‌ చేసుకోవచ్చు.

ఖాళీల వివరాలు:

• జూనియర్ ట్రాన్స్‌లేషన్‌ ఆఫీసర్ (JTO) పోస్టులు: 33
• స్టెనోగ్రాఫర్ గ్రేడ్-I (ఇంగ్లీష్ టైపింగ్) పోస్టులు: 215
• స్టెనోగ్రాఫర్ గ్రేడ్-II (ఇంగ్లీష్ టైపింగ్) పోస్టులు: 123
• అడ్మినిస్ట్రేటివ్ అసిస్టెంట్ ‘ఎ’ (ఇంగ్లీష్ టైపింగ్) పోస్టులు: 250
• అడ్మినిస్ట్రేటివ్ అసిస్టెంట్ ‘ఎ’ (హిందీ టైపింగ్) పోస్టులు: 12
• స్టోర్ అసిస్టెంట్ ‘A’ (ఇంగ్లీష్ టైపింగ్) పోస్టులు: 134
• స్టోర్ అసిస్టెంట్ ‘ఎ’ (హిందీ టైపింగ్) పోస్టులు: 4
• సెక్యూరిటీ అసిస్టెంట్ ‘A’ పోస్టులు: 41
• వెహికల్ ఆపరేటర్ ‘A’ పోస్టులు: 145
• ఫైర్ ఇంజన్ డ్రైవర్ ‘A’ పోస్టులు: 18
• ఫైర్ మ్యాన్ పోస్టులు: 86

పూర్తి సమాచారం కోసం క్లిక్ చేయండి.

మరిన్ని తాజా విద్యా, ఉద్యోగ సమాచారం కోసం క్లిక్‌ చేయండి.