BITSAT 2021: ప్ర‌వేశ ప‌రీక్షలపై కోవిడ్ ప్రభావం.. బిట్‌శాట్ 2021 ఎంట్రెన్స్‌ ఎగ్జామ్‌ వాయిదా

Bitsat 2021 Postpones

ప్రవేశ పరీక్షలపై కోవిడ్ ప్రభావం పడటంతో బిట్‌శాట్ 2021 ప్ర‌వేశ ప‌రీక్ష వాయిదా ప‌డింది. క‌రోనా మ‌హ‌మ్మారి నేప‌థ్యంలో బిర్లా ఇనిస్టిట్యూట్ ఆఫ్ టెక్నాల‌జీ అండ్ సైన్స్‌(బిట్స్‌) పిలానీ ఈ కీలక నిర్ణ‌యం తీసకుంది. ప‌రీక్ష జూన్ 24 నుండి 29వ తేదీ మ‌ధ్య‌లో జ‌ర‌గాల్సి ఉంది. అయితే దేశ వ్యాప్తంగా కరోనా కేసులు పెరుగుతుండటంతో తాజాగా విశ్వ విద్యాలయ కమిటీ ఈ నిర్ణయం తీసుకుంది. ఈ పరీక్షల జూలై, ఆగ‌స్టు నెలల్లో నిర్వహించనున్నట్లుగా తెలుస్తోంది. ప‌రీక్ష‌ల తేదీల‌ను జూన్‌లో యూనివర్సిటీ వెబ్‌సైట్‌లో ఈ వివరాలను ప్రకటిస్తామని తెలిపింది.

ఈ క్ర‌మంలో ద‌ర‌ఖాస్తు గ‌డువు తేదీని పొడిగించింది. జూన్ 30 సాయంత్రం 5 గంటల సమయాన్ని ఇచ్చినట్లుగా పేర్కొంది. ఈ వివరాలను అధికారిక వెబ్‌సైట్ bitsadmission.com లో చూాడాలని కోరింది. ద‌ర‌ఖాస్తుకు సంబంధించిన వివరాలను వెల్లడిచింది.  అభ్య‌ర్థుల‌కు రూ.3,400, మ‌హిళా అభ్య‌ర్థుల‌కు రూ.2,900గా ఉంది. అదే దుబాయ్‌లో ప‌రీక్ష‌కు హాజ‌రు కావాల‌నుకునే విద్యార్థుల‌కు ద‌ర‌ఖాస్తు రుసుము రూ. 7 వేలు. బిట్స్, పిలాని, గోవా, హైదరాబాద్‌లోని క్యాంపస్‌లలో ఇంటిగ్రేటెడ్ ఫస్ట్ డిగ్రీ ప్రోగ్రామ్‌లలో ప్రవేశం కోసం బిట్‌షాట్ జ‌రుగుతుంది.

దరఖాస్తుదారులు ఈ దశలను అనుసరించవచ్చు:

1.    సందర్శించండి https://bitsadmission.com/
2.    హోమ్‌పేజీలో, నోటీసును తనిఖీ చేసి, నమోదు చేయడానికి ‘ఇక్కడ క్లిక్ చేయండి’ https://bitsadmission.com/  లింక్‌ను క్లిక్ చేయండి
3.    రిజిస్ట్రేషన్ ఫారమ్ నింపండి
4.    రిజిస్ట్రేషన్ తరువాత, అప్లికేషన్ నంబర్, పాస్వర్డ్ మరియు ఇమెయిల్ ఐడిని ఉపయోగించి లాగిన్ అవ్వండి
5.    దరఖాస్తు ఫారమ్ నింపండి. మీకు నచ్చిన కనీసం మూడు పరీక్షా కేంద్రాలను ఎంచుకోండి
6.    అన్ని పత్రాలు, తాజా స్కాన్ చేసిన పాస్ ఫోటో, సంతకాన్ని అప్‌లోడ్ చేయండి
7.    ఫీజు చెల్లించి దరఖాస్తును సమర్పించండి
8.    కాపీని సేవ్ చేయండి. భవిష్యత్ సూచన కోసం ఫారం యొక్క ప్రింటౌట్ తీసుకోండి

ఇవి కూడా చదవండి : BECIL Recruitment 2021: బ్రాడ్‌కాస్ట్ ఇంజినీరింగ్ క‌న్స‌ల్టెంట్స్ ఇండియాలో ఉద్యోగాలు.. ఇంట‌ర్వ్యూ ద్వారా ఎంపిక‌..

Secunderabad Military College: సికింద్రాబాద్ మిలిట‌రీ కాలేజీలో ఉద్యోగాలు.. ఆన్‌లైన్ ఇంట‌ర్వ్యూ ద్వారా ఎంపిక‌..