BHEL Recruitment: బీటెక్‌ చేసిన వారికి కేంద్ర ప్రభుత్వ ఉద్యోగాలు.. ఎలాంటి రాత పరీక్ష లేకుండానే ఎంపిక..

కేంద్ర ప్రభుత్వ రంగ సంస్థ భారత్‌ హెవీ ఎలక్ట్రికల్స్‌ లిమిటెడ్‌ పలు పోస్టుల భర్తీకి నోటిఫికేషన్‌ జారీ చేసింది. నాగ్‌పుర్‌లోని పవర్ సెక్టార్ వెస్ట్రన్ రీజియన్‌ ఈ నోటిఫికేషన్‌ జారీ చేసింది. దేశ వ్యాప్తంగా వివిధ ప్రాజెక్టు పనుల్లో ఇంజినీర్, సూపర్‌వైజర్ పోస్టులను భర్తీ చేయనున్నారు. ఏయే విభాగాల్లో ఎన్ని ఖాళీలు ఉన్నాయి.? ఎలా దరఖాస్తు చేసుకోవాలి.? లాంటి పూర్తి వివరాలు మీకోసం..

భర్తీచేయనున్న ఖాళీలు, అర్హతలు..

* నోటిఫికేషన్‌లో భాగంగా మొత్తం 32 ఖాళీలను భర్తీ చేయనున్నారు.

* వీటిలో ఇంజినీర్ (12), సూపర్‌వైజర్ (20) ఖాళీలు ఉన్నాయి.

ఇవి కూడా చదవండి

కొనసాగుతోన్న సాఫ్ట్‌వేర్‌ ఉద్యోగాల తొలగింపు.. తాజాగా మరో దిగ్గజ సంస్థ.. ఐటీలో అసలేం జరుగుతోంది.?

GSL Recruitment: గోవా షిప్‌యార్డ్‌ లిమిటెడ్‌లో ఉద్యోగాలు.. నెలకు రూ. 50 వేల జీతం..

Telangana: ఇంటర్‌ సిలబస్‌ మార్పు దిశగా తెలంగాణ ప్రభుత్వం కీలక నిర్ణయం..

* పైన తెలిపిన పోస్టులకు దరఖాస్తు చేసుకునే అభ్యర్థులు డిప్లొమా, బీఈ, బీటెక్‌, ఎంఈ, ఎంటెక్‌ (సివిల్ ఇంజినీరింగ్) ఉత్తీర్ణత సాధించి ఉండాలి. దీంతో పాటు సంబంధిత విభాగంలో పని అనుభవం తప్పనిసరిగా ఉండాలి.

* అభ్యర్థుల వయసు 31-10-2022 నాటికి 45 ఏళ్లు మించకూడదు.

ముఖ్యమైన విషయాలు..

* ఆసక్తి, అర్హత ఉన్న అభ్యర్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.

* అభ్యర్థులను డిగ్రీ/ డిప్లొమాలో సాధించిన మార్కులు, ఇంటర్వ్యూలో చూపిన ప్రతిభ ఆధారంగా ఎంపిక చేస్తారు.

* ఎంపికైన ఇంజనీర్‌ పోస్టులకు నెలకు రూ. 78,000, సూపర్‌ వైజర్‌ పోస్టులకు రూ. 43,550 వరకు చెల్లిస్తారు.

* ఎస్సీ, ఎస్టీ, దివ్యాంగులకు ఫీజు నుంచి మినహాయింపు ఉంది. ఇతరులు మాత్రం రూ. 200 దరఖాస్తు చెల్లించాల్సి ఉంటుంది.

* ఆన్‌లైన్‌ దరఖాస్తుల స్వీకరణకు గడువు 21-11-2022తో ముగియనుంది.

* నోటిఫికేషన్‌ కోసం క్లిక్‌ చేయండి..

* పూర్తి వివరాల కోసం క్లిక్‌ చేయండి..

మరిన్ని విద్య, ఉద్యోగ వార్తల కోసం క్లిక్‌ చేయండి..