1.5 టన్నుల ఏసీ గంటకు ఎంత కరెంట్ బిల్లు వస్తుందో తెలుసా.?
వేసవిలో 1.5 టన్ ఏసీని వినియోగిస్తే.. ఎంత కరెంట్ ఖర్చవుతుందో తెల్సా.. 5 స్టార్ ఏసీ గంటకు 1.5 యూనిట్లు, 3 స్టార్ ఏసీ 1.6 యూనిట్లు ఖర్చు చేస్తుంది. రోజుకు 8 గంటలు వాడితే.. ఆ స్టోరీ ఏంటో ఇప్పుడు తెలుసుకోండి. ఆ వివరాలు ఇలా..
వేసవికాలం వచ్చిందంటే చాలు.. ఉష్ణోగ్రతలు పెరగడమే కాదు.. వేడి, ఉక్కపోతతో జనాలు ఉక్కిరిబిక్కిరి అవుతారు. దీంతో ప్రజలు చల్లదనం కోసం కూలర్లు, ఏసీలను ఆశ్రయిస్తారు. రోజురోజుకు ఏసీల వాడకం, అమ్మకాలు పెరుగుతున్నాయి. అయితే, వేడి నుంచి ఉపశమనం కలిగించే ఏసీలు ఎంత విద్యుత్ను వినియోగిస్తాయి. దాని వల్ల ఎంత బిల్లు వస్తుందనేది చాలామందిలో ఉన్న ఓ ప్రశ్న. ముఖ్యంగా 1.5 టన్ ఏసీని కొనుగోలు చేయాలని భావిస్తున్నా లేదా ప్రస్తుతం వినియోగిస్తున్నా.. దాని విద్యుత్ ఖర్చులపై పూర్తి వివరాలు ఇక్కడ తెలుసుకోండి.
వేసవిలో కొన్నిసార్లు కూలర్ గాలి కూడా వేడిగా అనిపించినప్పుడు ఏసీలు తప్పనిసరి అవుతాయి. ఏసీ ఆన్ చేసిన వెంటనే అధిక వేగంతో పనిచేయడం ప్రారంభిస్తుంది. అందుకే చాలామంది అధిక విద్యుత్ బిల్లులను నివారించడానికి ఏసీని పరిమిత గంటలు మాత్రమే ఉపయోగిస్తుంటారు. మీరు మీ 1.5 టన్ ఏసీని ప్రతిరోజూ 8 గంటలు వాడితే ఎంత విద్యుత్ ఖర్చవుతుందో తెల్సా. బజాజ్ ఫిన్సర్వ్ అధికారిక వెబ్సైట్లో అందించిన సమాచారం ప్రకారం.. 1.5 టన్ సామర్థ్యం కలిగిన 5 స్టార్ రేటెడ్ ఏసీ ఒక గంట పాటు పనిచేస్తే సుమారు 1.5 యూనిట్ల విద్యుత్ను వినియోగిస్తుంది. ఈ లెక్కన, ఒక వినియోగదారుడు తమ ఏసీని రోజుకు సగటున 8 గంటలు నడిపినట్లయితే, రోజువారీ విద్యుత్ వినియోగం 12 యూనిట్లు అవుతుంది. నెలలో 30 రోజులు ఇదే విధంగా వినియోగిస్తే, మొత్తం నెలవారీ విద్యుత్ వినియోగం 360 యూనిట్లు అవుతుంది. మీ నివాస ప్రాంతంలో విద్యుత్ యూనిట్ ధర రూ. 7 అనుకుంటే, కేవలం ఏసీ వాడకం వల్ల నెలవారీ బిల్లు రూ. 2520 వస్తుందని అంచనా వేయవచ్చు.
ఇక, 1.5 టన్ సామర్థ్యం కలిగిన 3 స్టార్ రేటెడ్ ఏసీ విద్యుత్ వినియోగాన్ని పరిశీలిస్తే, ఇది ఒక గంట పాటు పనిచేస్తే 1.6 యూనిట్ల విద్యుత్ను ఖర్చు చేస్తుంది. 5 స్టార్ ఏసీతో పోలిస్తే ఇది కాస్త ఎక్కువ. రోజుకు 8 గంటలు ఏసీని నడిపినట్లయితే, రోజువారీ విద్యుత్ వినియోగం 12.8 యూనిట్లు అవుతుంది. నెలలో 30 రోజులు ఇదే విధంగా ఉపయోగించినట్లయితే, మొత్తం నెలవారీ విద్యుత్ వినియోగం 384 యూనిట్లు అవుతుంది. మీ ప్రాంతంలో విద్యుత్ యూనిట్ ధర రూ. 7 అనుకుంటే, కేవలం ఏసీ వాడకం వల్ల నెలవారీ బిల్లు రూ. 2688 వస్తుందని అంచనా వేయవచ్చు. ఈ లెక్కలు కేవలం ఏసీ వినియోగానికి సంబంధించినవి మాత్రమే. ఇంట్లో ఉండే రిఫ్రిజిరేటర్లు, టీవీలు, లైట్లు, ఫ్యాన్లు, వాషింగ్ మెషీన్లు వంటి ఇతర విద్యుత్ ఉపకరణాలు కూడా గణనీయమైన విద్యుత్ను వినియోగిస్తాయి. వీటి వాడకాన్ని కూడా కలిపి మొత్తం విద్యుత్ బిల్లును లెక్కించాల్సి ఉంటుంది.
ఇది చదవండి: ఏసీలు కూడా పనికిరావు.. ఇలా చేస్తే 8 నిమిషాల్లో ఇల్లంతా కూల్.. కూల్గా.!
మరిన్ని బిజినెస్ వార్తల కోసం ఇక్కడ క్లిక్ చేయండి