Post Office Scheme: పోస్టాఫీసుల్లో ఈ మూడు అద్భుతమైన పథకాలు.. పన్ను ఆదాతో పాటు అధిక రాబడి..!

Post Office Scheme

Post Office Scheme: పోస్టాఫీసు పని కేవలం ఉత్తరాలు పంపడానికే పరిమితం కాదు. దీని పరిధి బ్యాంకుల మాదిరిగా విస్తృతమైంది. ఇప్పుడు దాదాపు బ్యాంకుల పనులన్నీ పోస్టాఫీసులోనే జరుగుతున్నాయి. ఇందులో ఒకటి పొదుపు పథకాల నిర్వహణ. ఖాతాదారులకు పొదుపు పథకాలను అమలు చేయడం ద్వారా డబ్బును సేకరించేందుకు బ్యాంకులు ఎలా సహాయపడతాయో, అదే పనిని పోస్టాఫీసు కూడా చేస్తుంది. మీరు ఫిక్స్‌డ్ డిపాజిట్, రికరింగ్ డిపాజిట్ పేరు విని ఉండాలి. అదేవిధంగా మీరు పెన్షన్ పథకం గురించి కూడా తెలుసుకోవాలి. ఇలాంటి పథకాలపై వినియోగదారులకు ప్రయోజనాలను అందించడంలో పోస్టాఫీసు కీలక పాత్ర పోషిస్తుంది. కస్టమర్‌లకు పెద్ద ఎత్తున ప్రయోజనం చేకూర్చే అలాంటి కొన్ని పథకాల గురించి తెలుసుకుందాం.

1. రికరింగ్‌ డిపాజిట్‌ స్కీమ్‌: మీరు బ్యాంకుల్లో ఎఫ్‌డి లేదా ఆర్‌డి స్కీమ్‌లో చేరినట్లయితే పోస్టాఫీసుకు సంబంధించిన చిన్న పొదుపు పథకం గురించి తెలుసుకోండి. అటువంటి పథకాలలో సీనియర్ సిటిజన్ సేవింగ్స్ స్కీమ్, పబ్లిక్ ప్రావిడెంట్ ఫండ్ ఖాతా అంటే PPF, సుకన్య సమృద్ధి వంటి పథకాలు ఉన్నాయి. బ్యాంకుల ఎఫ్‌డీలు, ఆర్డీలు పోస్టాఫీసు పొదుపు పథకం ఇచ్చినంత రాబడిని ఇవ్వవు. రిజర్వ్ బ్యాంక్ రెపో రేటును పెంచడం వల్ల ఎఫ్‌డిలు, ఆర్‌డిలపై వడ్డీ పెరిగి ఉండవచ్చు.
2. సీనియర్‌ సిటిజన్‌ సేవింగ్‌ స్కీమ్‌: సీనియర్ సిటిజన్లకు పొదుపు చేయాలనే ఆలోచన వచ్చినప్పుడు వారు ముందుగా పోస్టాఫీసులో అమలు చేసే సీనియర్ సిటిజన్ సేవింగ్ స్కీమ్‌ను ఆశ్రయిస్తారు. ప్రస్తుతం ఈ పథకం వినియోగదారులకు 7.4% రాబడిని ఇస్తుంది. ఇది పెద్ద బ్యాంకులు కూడా తమ కస్టమర్లకు FD లేదా RD పై ఇవ్వని రాబడి. ద్రవ్యోల్బణం రేటును పరిశీలిస్తే ఈ రేటు చాలా బాగుంది. సీనియర్ సిటిజన్ సేవింగ్ స్కీమ్ వడ్డీ ప్రతి త్రైమాసికంలో చెల్లించబడుతుంది. ఎవరైనా సీనియర్ సిటిజన్ ఒంటరిగా లేదా అతని భార్యతో ఈ పథకం ఖాతాను సులభంగా తెరవవచ్చు. కనిష్టంగా రూ.1000, గరిష్టంగా రూ.15 లక్షల డిపాజిట్‌తో ఖాతాను తెరవవచ్చు. ఇందులో పెట్టుబడిపై ఎలాంటి పన్ను లేదు.
3. పీపీఎఫ్‌ అకౌంట్‌: పోస్ట్ ఆఫీస్‌లోనే నిర్వహించబడే తదుపరి ఖాతా పబ్లిక్ ప్రావిడెంట్ ఫండ్ ఖాతా. దీనిని PPF ఖాతా అని కూడా అంటారు. ఇది కూడా చిన్న పొదుపు పథకం. పొదుపుపై పన్ను మినహాయింపు ప్రయోజనాన్ని పొందాలనుకునే వారు ఈ పథకంలో డబ్బును పెట్టుబడి పెట్టవచ్చు. పన్ను ఆదా పరంగా, ఈ పథకం EEE కేటగిరీ కిందకు వస్తుంది. అంటే పెట్టుబడులు, డిపాజిట్లు, రాబడులపై పన్ను మినహాయింపు ఇస్తారు. మీరు SBI, HDFC, PNB, బ్యాంక్ ఆఫ్ బరోడా, యాక్సిస్ బ్యాంక్, హెచ్‌డిఎఫ్‌సి బ్యాంక్, కోటక్ మహీంద్రా బ్యాంక్ మొదలైన పెద్ద బ్యాంకుల ఎఫ్‌డి పథకాలను పరిశీలిస్తే, పోస్టాఫీసు పిపిఎఫ్ వాటితో పోలిస్తే మెరుగైన రాబడి పొందవచ్చు. ప్రస్తుతం దీనికి 7.1 శాతం వడ్డీ లభిస్తోంది.
4. సుకన్య సమృద్ధి యోజన: మరో స్కీమ్‌ సుకన్య సమృద్ధి యోజన. చిన్న పొదుపు పథకాలలో ఈ పథకానికి చాలా మంచి పేరుంది. తమ కూతురి పేరు మీద చదువుకు, పెళ్లికి డబ్బు చేర్చాలనుకునే వారు సుకన్య సమృద్ధి ఖాతా తెరవవచ్చు. ప్రస్తుతం సుకన్య సమృద్ధి ఖాతాపై 7.6 శాతం వడ్డీ అందుబాటులో ఉంది. ఈ వడ్డీ రేటు ఏదైనా పెద్ద బ్యాంకు FD కంటే ఎక్కువ. ఈ పథకం ఖాతాను 10 సంవత్సరాల కంటే తక్కువ వయస్సు ఉన్న కుమార్తె పేరు మీద తెరవవచ్చు. ఈ ఖాతాలో కనిష్టంగా రూ.250. ఏటా గరిష్టంగా రూ.1.5 లక్షల వరకు ఈ స్కీమ్‌లో డిపాజిట్‌ చేయవచ్చు. ఈ ఖాతాలో పెట్టుబడి పెట్టిన డబ్బుపై ఎలాంటి పన్ను ఉండదు. కుమార్తెకు 18 ఏళ్లు వచ్చే వరకు ఖాతాని తల్లిదండ్రులు లేదా సంరక్షకులు నిర్వహించాల్సి ఉంటుంది.
ఇవి కూడా చదవండి

Gold Silver Price Today: స్థిరంగా కొనసాగుతున్న బంగారం, వెండి ధరలు.. తాజా రేట్ల వివరాలు

PM Kisan Yojana: పీఎం కిసాన్‌కు అప్లై చేస్తున్నారా..? అయితే, ఈ అర్హతలు తప్పనిసరిగా ఉండాల్సిందే.. చెక్ చేసుకోండి..

Bank Customer Alert: పంజాబ్‌ నేషనల్‌ బ్యాంకు కస్టమర్లకు అలర్ట్‌.. ఆగస్టు 31లోగా ఈ పనిని పూర్తి చేసుకోండి.. లేకపోతే ఇబ్బందులే..

August 31 Deadline Alert: ఆగస్టు నెల ముగిసేలోపు ఈ మూడు పనులు తప్పక చేసుకోండి.. లేకపోతే నష్టమే..!

మరిన్ని బిజినెస్ వార్తల కోసం ఇక్కడ క్లిక్ చేయండి