Savings Scheme: మీ కుమార్తె భవిష్యత్తును మెరుగుపర్చుకోవడం కోసం అద్భుతమైన స్కీమ్‌.. ఈ ప్రభుత్వ పథకంలో పన్ను మినహాయింపు
Savings Scheme: మీరు రాబోయే రోజుల్లో పెట్టుబడి పెట్టాలని ఆలోచిస్తున్నట్లయితే పోస్ట్ ఆఫీస్ సేవింగ్స్ స్కీమ్‌లలో చేయవచ్చు. మీరు ఖచ్చితంగా ఈ పథకాలలో మంచి రాబడిని పొందుతారు...
Savings Scheme: మీరు రాబోయే రోజుల్లో పెట్టుబడి పెట్టాలని ఆలోచిస్తున్నట్లయితే పోస్ట్ ఆఫీస్ సేవింగ్స్ స్కీమ్‌లలో చేయవచ్చు. మీరు ఖచ్చితంగా ఈ పథకాలలో మంచి రాబడిని పొందుతారు. ఇందులో పెట్టుబడి పెట్టిన డబ్బు కూడా పూర్తిగా సురక్షితం. బ్యాంక్ డిఫాల్ట్ అయితే మీరు కేవలం రూ. 5 లక్షలు మాత్రమే తిరిగి పొందుతారు. కానీ పోస్టాఫీసులో అలా కాదు. పోస్ట్ ఆఫీస్ పొదుపు పథకాలలో పెట్టుబడిని చాలా తక్కువ మొత్తంతో ప్రారంభించవచ్చు. సుకన్య సమృద్ధి యోజన (Sukanya Samridhi Yojana) కూడా పోస్టాఫీసు (Post Office)లో చిన్న పొదుపు పథకాల (Small Savings Scheme)లో చేర్చబడింది. ఈ పథకం గురించి వివరంగా తెలుసుకుందాం.
వడ్డీ రేటు
పోస్టాఫీసు ఈ సుకన్య సమృద్ధి యోజన పథకానికి ప్రస్తుతం సంవత్సరానికి 7.6 శాతం వడ్డీ రేటును అందిస్తోంది. ఈ వడ్డీ రేటు 1 ఏప్రిల్ 2020 నుండి వర్తిస్తుంది. ఈ పథకంలో వడ్డీ వార్షిక ప్రాతిపదికన లెక్కించబడుతుంది.
పెట్టుబడి మొత్తం
ఒక ఆర్థిక సంవత్సరంలో ఈ పథకంలో కనీసం రూ. 250, గరిష్టంగా రూ. 1.5 లక్షలు పెట్టుబడి పెట్టవచ్చు. అలాగే ఒకే మొత్తంలో కూడా డిపాజిట్లు చేయవచ్చు. ఒక నెల లేదా ఆర్థిక సంవత్సరంలో డిపాజిట్ల సంఖ్యపై పరిమితి లేదు.
ఖాతా ఎవరు తెరవగలరు?
ఈ చిన్న పొదుపు పథకంలో సంరక్షకుడు 10 సంవత్సరాల కంటే తక్కువ వయస్సు ఉన్న వ్యక్తి పేరు మీద ఖాతాను తెరవవచ్చు. ఇది కాకుండా, భారతదేశంలోని ఏదైనా బ్యాంకు లేదా పోస్టాఫీసులో ఆడపిల్ల పేరు మీద ఒక ఖాతా మాత్రమే తెరిచేందుకు అవకాశం ఉంటుంది. కుటుంబంలో గరిష్టంగా ఇద్దరు ఆడపిల్లల కోసం ఈ ఖాతాను తెరవవచ్చు.
ఖాతాలో డబ్బులు డిపాజిట్ చేయకుంటే..
సుకన్య సమృద్ధి యోజన కింద ఖాతా తెరిచిన తేదీ నుండి 21 సంవత్సరాల తర్వాత మెచ్యూర్ అవుతుంది. ఇది కాకుండా, ఆడపిల్లకి 18 ఏళ్లు వచ్చిన తర్వాత పెళ్లి సమయంలో ఖాతాను క్లోజ్‌ చేసుకోవచ్చు. ఇది పెళ్లి తేదీకి ఒక నెల ముందు లేదా మూడు నెలల ముందు చేయాల్సి ఉంటుంది. ఈ చిన్న పొదుపు పథకంలో ఖాతా తెరిచిన తేదీ నుండి గరిష్టంగా 15 సంవత్సరాలు పూర్తయ్యే వరకు డిపాజిట్లు చేయవచ్చు. ఒక ఆర్థిక సంవత్సరంలో ఖాతాలో కనీసం రూ. 250 జమ చేయకపోతే ఆ ఖాతా డిఫాల్ట్‌గా పరిగణించబడుతుంది. డిఫాల్ట్ ఖాతాను తెరిచిన తేదీ నుండి 15 సంవత్సరాలు పూర్తి కాకుండానే పునరుద్ధరించవచ్చు. దీని కోసం వ్యక్తి ప్రతి డిఫాల్ట్ సంవత్సరానికి కనీసం రూ. 250, రూ. 50 చెల్లించాలి. ఈ పథకంలో డిపాజిట్ చేసిన మొత్తాన్ని ఆదాయపు పన్ను చట్టంలోని సెక్షన్ 80C కింద మినహాయింపు కోసం క్లెయిమ్ చేయవచ్చు.
ఇవి కూడా చదవండి: