Bank Holidays: కస్టమర్లకు అలెర్ట్.. వరుసగా 7 రోజులు బ్యాంకులు పని చేయవు.. ఎప్పుడెప్పుడంటే.?

October Bank Holidays

ఖాతాదారులకు బిగ్ అలెర్ట్. మీరేమైనా ఆర్ధిక లావాదేవీల నిమిత్తం బ్యాంక్‌కు వెళ్లాలని అనుకుంటున్నారా.? అయితే జర ఆగండి.! ఈ నెలలో బ్యాంక్ సెలవులు ఎక్కువున్నాయి. పండుగల సెలవులతో పాటు రెండు నాలుగు శనివారాలు, ఆదివారాలు కలుపుకుంటే.. అక్టోబర్ నెలలో దాదాపు 21 రోజుల పాటు బ్యాంకులు పని చేయవు. ఇదిలా ఉంటే.. ఈరోజు అనగా అక్టోబర్ 3వ తేదీ నుంచి అక్టోబర్ 9 వరకు 7 రోజుల పాటు పలు నగరాల్లో బ్యాంకులు బంద్ కానున్నాయి. ఈ విషయాన్ని కస్టమర్లు గమనించాల్సిందే.

ఆ హాలిడేల లిస్టు.. ఏయే నగరాల్లో ఉన్నాయో చూద్దాం.. 

• అక్టోబర్ 3 – దుర్గా పూజ(అగర్తలా, భువనేశ్వర్, గువాహటి, ఇంపాల్, కోల్‌కతా, పాట్నా, రాంచీలలో బ్యాంకులు సెలవు)
• అక్టోబర్ 4 – మహర్నవమి/ ఆయుధ పూజ/ శ్రీమంత శంకరదేవుని జన్మోత్సవం(అగర్తల, భువనేశ్వర్, చెన్నై, గ్యాంగ్‌టక్, గౌహతి, కాన్పూర్, కొచ్చి, కోల్‌కతా, లక్నో, పాట్నా, రాంచీ, షిల్లాంగ్, తిరువనంతపురం)
• అక్టోబర్ 5 – దసరా(విజయదశమి) – ఇంఫాల్ మినహా.. దేశంలోని మిగిలిన అన్ని ప్రాంతాల్లోనూ ఈరోజు బ్యాంకులకు సెలవు.
• అక్టోబర్ 6 – దుర్గాపూజ(దసైన్) – గ్యాంగ్‌టక్‌లో బ్యాంకులు పని చేయవు
• అక్టోబర్ 7 – ఈరోజు గ్యాంగ్‌టక్‌లో బ్యాంకులకు హాలీడే
• అక్టోబర్ 8 – రెండో శనివారం, మహమ్మద్ ప్రవక్త జయంతి సందర్భంగా భోపాల్, జమ్మూ, కొచ్చి, శ్రీనగర్, తిరుపనంతపురంలో బ్యాంకులకు సెలవు.
• అక్టోబర్ 9 – ఆదివారం

మరిన్ని బిజినెస్ వార్తల కోసం..