Netflix: నెట్ఫ్లిక్స్ అకౌంట్ షేరింగ్‌ చేసుకుంటున్నారా.. అయితే డబ్బులు చెల్లించాల్సిందే..
ఈ మధ్య చాలా మంది ఇంట్లోనే కూర్చుని హాయ్‌గా ఓటీటీల్లో సినిమాలు చూస్తున్నారు. థియేటర్లకు వెళ్లే బదులు నెల, రెండు నెలలు ఆగితే ఇంట్లోనే చూసుకోవచ్చని అనుకుంటున్నారు...
ఈ మధ్య చాలా మంది ఇంట్లోనే కూర్చుని హాయ్‌గా ఓటీటీల్లో సినిమాలు చూస్తున్నారు. థియేటర్లకు వెళ్లే బదులు నెల, రెండు నెలలు ఆగితే ఇంట్లోనే చూసుకోవచ్చని అనుకుంటున్నారు. అందుకే ఓటీటీలకు డిమాండ్ పెరిగిపోతోంది. అయితే ఈ ఓటీటీలను సబ్‌స్ర్కైబ్‌ చేసుకున్నవారు వారి బంధువులకు, స్నేహితులకు ఓటీటీ పాస్వర్డ్ ఇచ్చేవారు. వారూ కూడా ఓటీటీలోని కార్యక్రమాలు చూసేవారు. అయితే, ఇలాంటి అకౌంట్‌ను షేర్‌ చేసుకోవడం వల్ల నష్టపోతున్నామని భావిస్తున్న ప్రముఖ ఓటీటీ సంస్థ నెట్ఫ్లిక్స్ పాస్వర్డ్ షేరింగ్‌కూ కొంత రుసుము వసూలు చేయాలని ఆలోచిస్తున్నట్లు తెలుస్తోంది.
US-ఆధారిత స్టీమింగ్ సర్వీస్ చాలా కాలంగా వినియోగదారులు పాస్‌వర్డ్‌లను కుటుంబం లేదా స్నేహితులతో పంచుకోవడం కోసం రిలాక్స్డ్ విధానాన్ని అవలంబించింది. అయితే ఇటీవల త్రైమాసిక ఫలితాల్లో నిరాశ పరిచాయి. సబ్‌స్ర్కైబర్ల సంఖ్యలో పెద్దగా పెరుగుదల లేకపోవడంతో ఆదాయం పెంచుకునేందుకు ఈ నిర్ణయానికి వచ్చినట్లు తెలుస్తోంది. టీవలి నెట్ఫ్లిక్స్ ఆదాయాల నివేదిక ప్రకారం సంస్థ కేవలం 2.5 మిలియన్ల సబ్‌స్ర్కైబర్‌లను మాత్రమే కలిగి ఉంది. నెట్ఫ్లిక్స్ ఖాతాను పంచుకోవడం వల్ల నాణ్యమైన కొత్త కార్యక్రమాల రూపొందించే సామర్థ్యం తమకు తగ్గుతోందని నెట్ఫ్లిక్స్ ఓ ప్రకటనలో పేర్కొంది.
ప్రయోగత్మకంగా రాబోయే వారాల్లో చిలీ, కోస్టారికా, పెరూ నెట్ఫ్లిక్స్ అకౌంట్ షేరు చేసుకునేవారికి రుసుము 2 డాలరు నుంచి 3 డాలర్ల వసూల్ చేయాలని నిర్ణయించినట్లు తెలుస్తోంది. ఒకవేళ నెట్ఫ్లిక్స్ అదే చేస్తే ఇకపై అకౌంట్‌ను పంచుకోవడం ఖరీదైన వ్యవహారంగా మారనుంది. మిగిలిన కంపెనీలు కూడా ఇదే పద్ధతిని అనుసరిస్తే ఒకే ఖాతాను ఇక వేర్వేరు వ్యక్తులు వినియోగించడం ఇక కష్టం కావొచ్చు.
Read Also.. Stock Market: బుల్‌ జోరు.. భారీ లాభాల్లో స్టాక్‌ మార్కెట్లు.. సెన్సెక్స్ 1,047, నిఫ్టీ 311 పాయింట్లు అప్..