Luxury Trains in India: మన దేశంలో అత్యంత విలాసవంతమైన ట్రైన్లు ఇవే.. టికెట్‌ ధరతో ఏకంగా ఓ కారే కొనొచ్చు
చాలా మందికి రైలు ప్రయాణం అంటే మహాఇష్టం. ప్రపంచంలోనే అతి పెద్ద రైల్వే వ్యవస్థ మన దేశంలోనే ఉంది. ప్రతి ఒక్కరూ తమ జీవిత కాలంలో ఒక్కసారైనా రైలులో ప్రయాణించకుండా ఉండరు. అయితే రైలు ప్రయాణం ఎంత ఉత్కంఠ భరితంగా, ఆహ్లాదకరంగా ఉన్నా, రైళ్లలోపల మురికి పరిస్థితుల కారణంగా నిత్యం వేలల్లో ఫిర్యాదులు వస్తుంటాయి. అయితే మనదేశంలో ఫైవ్ స్టార్ హోటల్‌ను మించిన కొన్ని రైళ్లు ఉన్నాయని మీకు తెలుసా? అవును.. వారి టిక్కెట్ ధర తెలిస్తే..
చాలా మందికి రైలు ప్రయాణం అంటే మహాఇష్టం. ప్రపంచంలోనే అతి పెద్ద రైల్వే వ్యవస్థ మన దేశంలోనే ఉంది. ప్రతి ఒక్కరూ తమ జీవిత కాలంలో ఒక్కసారైనా రైలులో ప్రయాణించకుండా ఉండరు. అయితే రైలు ప్రయాణం ఎంత ఉత్కంఠ భరితంగా, ఆహ్లాదకరంగా ఉన్నా, రైళ్లలోపల మురికి పరిస్థితుల కారణంగా నిత్యం వేలల్లో ఫిర్యాదులు వస్తుంటాయి. అయితే మనదేశంలో ఫైవ్ స్టార్ హోటల్‌ను మించిన కొన్ని రైళ్లు ఉన్నాయని మీకు తెలుసా? అవును.. వారి టిక్కెట్ ధర తెలిస్తే నోరెళ్లబెడతారు. టికెట్‌ ధరతో మీరే స్వంతంగా ఓ కారు కొనుగోలు చేయొచ్చు.
అదే మహారాజా ఎక్స్‌ప్రెస్. IRCTC ద్వారా మహారాజా ఎక్స్‌ప్రెస్ టికెట్ల బుకింగ్‌ జరుగుతుంది. ఇది మన దేశంలోనే అత్యంత ఖరీదైన రైళ్లలో ఒకటి. ఈ రైలు అక్టోబర్ నుంచి ఏప్రిల్ వరకు నడుస్తుంది. ఈ రైలు వివిధ రాష్ట్రాల్లోని దాదాపు 12 ప్రదేశాల గుండా వెళుతుంది. ఈ రైలు ఢిల్లీ నుంచి రాజస్థాన్‌లోని జైపూర్, ఉదయపూర్, జోధ్‌పూర్, వారణాసి, ముంబై వంటి ప్రాంతాల మీదుగా వెళుతుంది. 12 కోచ్‌లతో కూడిన ఈ రైలు ప్రయాణీకుల సామర్థ్యం కేవలం 88 మంది మాత్రమే. 4 పగలు, 3 రాత్రులకు ఈ రైలులో ప్రయాణించవచ్చు. ఒక ప్రయాణికుడికి డీలక్స్ క్యాబిన్ ధర సుమారు రూ.2.80 లక్షలు. ఇందులో ప్రెసిడెన్షియల్ సూట్ బుక్ చేసుకుంటే అద్దె 12,900 డాలర్లు అంటే దాదాపు పదిన్నర లక్షల రూపాయలు పెట్టి కొనుగోలు చేయాల్సి ఉంటుంది. భారతీయ రాజకుటుంబ సభ్యులను కలవడం, జైపూర్‌లో ఏనుగు పోలో మ్యాచ్‌కు హాజరు కావడం, ఖజురహో ఆలయాన్ని సందర్శించడం వంటి అనేక ఈ వెంట్లకు హాజరయ్యే వారు ఇందులో ప్రయాణిస్తుంటారు.
మరో లగ్జరీ ట్రైన్‌ ప్యాలెస్ ఆన్ వీల్స్.. ప్యాలెస్ ఆన్ వీల్స్ రాజస్థాన్ టూరిజం డెవలప్‌మెంట్ కార్పొరేషన్ ద్వారా నడిచే మొదటి లగ్జరీ హెరిటేజ్ రైలు. రాజస్థాన్ రాజస్థాన్ వైభవం ఈ రైలులో ప్రతిబింబిస్తుంది. రైలు లోపలి భాగం రాచరిక సంస్కృతి కనిపిస్తుంది. ఈ రైలును 1982లో ప్రారంభించారు. ఆ సమయంలో ఇది బ్రిటిష్ కాలం నాటి రాజ కోచ్‌లను మోసుకెళ్లేది. ఇందులో అప్పటి రాష్ట్ర పాలకులకు వ్యక్తిగత శిక్షకులు కూడా ఉన్నారు. న్యూఢిల్లీ నుండి ప్రారంభమమై జైపూర్ సవాయి మాధోపూర్, చిత్తోర్‌గఢ్, ఉదయపూర్, జైసల్మేర్, జోధ్‌పూర్, భరత్‌పూర్, ఆగ్రా వంటి నగరాల గుండా ఈ రైలు ప్రయాణిస్తుంది. ఈ రైలులో ప్రయాణించాలంటే సుమారు రూ.3,63,300 టికెట్‌ కొనుగోలు చేయాలి.
దక్కన్ ఒడిస్సీ ట్రైన్‌ - మహారాష్ట్రలో పర్యాటక ఆకర్షణను పెంచేందుకు దక్కన్ ఒడిస్సీ రైలు ప్యాలెస్ ఆన్ వీల్స్ తరహాలో దీనిని తయారు చేశారు. ఈ రైలు ముంబై నుంచి ప్రారంభమవుతుంది. రత్నగిరి, సింధుదుర్గ్, గోవా, ఔరంగాబాద్, అజంతా-ఎల్లోరా నాసిక్‌తో సహా 10 ప్రసిద్ధ ప్రాంతాల నుంచి వెళ్తుంది. ఈ రైలులోని డీలక్స్ క్యాబిన్ ధర రూ.4,76,869 కాగా, ప్రెసిడెన్షియల్ సూట్ ధర రూ.10,32,450.
గోల్డెన్ రథం ట్రైన్‌ - ఈ రైలు దక్షిణ భారతదేశంలోని గోవా, కర్ణాటక, కేరళ, తమిళనాడు, పాండిచ్చేరి గుండా వెళుతుంది. 7 రాత్రుల ప్రయాణం. టికెట్‌ ధర రూ.1,82,000. ఈ రైలు ప్రయాణంలో పచ్చని అడవులు, సుందరమైన జలపాతాల గుండా వెళుతుంది. ప్రయాణ సమయంలో ప్రయాణీకులు రైలు లోపల రాయల్ సేవలను మాత్రమే కాకుండా.. స్పాలు, చికిత్సలు, బార్‌లు, రెస్టారెంట్‌ సదుపాయం కూడా పొందొచ్చు.