Gas Cylinder: ఇలాంటి సిలిండర్ను అస్సలు తీసుకోకండి.. చాలా మందికి తెలియని సీక్రెట్ ఇదే!
LPG Cylinder Safety: చాలామంది గ్యాస్ సిలిండర్లకు ఎక్స్పైరీ డేట్ ఉంటుందని పొరపడుతుంటారు. వాస్తవానికి, సిలిండర్పై ఉండేది టెస్ట్ డ్యూ డేట్ కోడ్ మాత్రమే. ప్రతి సిలిండర్ దాని భద్రతను నిర్ధారించడానికి క్రమానుగతంగా తనిఖీ చేయబడుతుంది. ఈ కోడ్ను ఎలా చదవాలో, దాని ప్రాముఖ్యత ఏమిటో తెలుసుకుని మీ ఇంటి భద్రతను పెంచుకోండి..
LPG Cylinder Safety: గ్యాస్ సిలిండర్లకు ఎక్స్పైరీ డేట్ ఉంటుందని చాలామంది అపోహ పడుతుంటారు. వాస్తవానికి ఎల్పిజి సిలిండర్లకు ఎక్స్పైరీ డేట్ అంటూ ఉండదు. సిలిండర్పై ముద్రించిన B-21 లేదా D-28 వంటి కోడ్ “స్టాట్యుటరీ టెస్టింగ్ డ్యూ డేట్”ను సూచిస్తుంది. సిలిండర్ భద్రతను నిర్ధారించడానికి దీనిని క్రమానుగతంగా తనిఖీ చేయాలి.
ఈ కోడ్ను ఎలా చదవాలంటే: ఆంగ్ల అక్షరం సంవత్సరంలోని క్వార్టర్ను సూచిస్తుంది (A: జనవరి-మార్చి, B: ఏప్రిల్-జూన్, C: జూలై-సెప్టెంబర్, D: అక్టోబర్-డిసెంబర్). పక్కన ఉన్న సంఖ్య సంవత్సరాన్ని సూచిస్తుంది (ఉదాహరణకు, 21 అంటే 2021, 28 అంటే 2028). ఉదాహరణకు, D-28 అంటే ఆ సిలిండర్ను అక్టోబర్ నుండి డిసెంబర్ 2028 మధ్య భద్రతా తనిఖీ కోసం పంపాలి.
ఇది కూడా చదవండి: Gold Loan: మీరు బంగారంపై రుణం తీసుకుంటున్నారా? మీకో భారీ గుడ్న్యూస్..!
ఒక కస్టమర్ తన ఇంటికి వచ్చిన సిలిండర్పై B-21 కోడ్ ఉండటాన్ని గమనించి, దానిని తిరస్కరించారు. ఎందుకంటే 2021 ఏప్రిల్-జూన్ నాటికి ఆ సిలిండర్ను తనిఖీ చేసి ఉండాలి. టెస్ట్లో పాస్ అయితేనే మళ్లీ రీఫిల్లింగ్ చేస్తారు. కొత్త డ్యూ డేట్ కోడ్ వేస్తారు. ఫెయిల్ అయితే సిలిండర్ను స్క్రాప్ చేస్తారు. అందువల్ల గడువు తీరిన కోడ్ ఉన్న సిలిండర్ను తీసుకోవడం సురక్షితం కాదు.
అనంతరం D-28 కోడ్తో ఉన్న సిలిండర్ను తీసుకుని, అది 2028 చివరి త్రైమాసికం వరకు పరీక్షకు గడువు ఉందని ధృవీకరించారు. గ్యాస్ సిలిండర్ డెలివరీ అయినప్పుడు సీల్, లీకేజీ వాసనతో పాటు ఈ టెస్ట్ డ్యూ డేట్ కోడ్ను కూడా తప్పకుండా తనిఖీ చేయాలి. మీ కుటుంబ భద్రతకు ఇది చాలా ముఖ్యం.
ఇది కూడా చదవండి: Gold Rates: మహిళలకు ఇది కదా కావాల్సింది.. ఒక్క రోజులోనే భారీగా పడిపోయిన బంగారం ధర..!
ఇది కూడా చదవండి: Petrol Vehicles: ఇక పెట్రోల్ బైకులు రోడ్లపై కనిపించవా..? ఢిల్లీ ప్రభుత్వం సంచలన నిర్ణయం..!
మరిన్ని బిజినెస్ వార్తల కోసం ఇక్కడ క్లిక్ చేయండి