Infosys: తగ్గేదే లే అంటున్న ఇన్ఫోసిస్.. నాన్‌ కాంపిట్‌ అగ్రిమెంట్‌ కొనసాగిస్తామని వెల్లడి..
నాన్‌ కాంపిట్‌ అగ్రిమెంట్‌ వివాదంపై ఇన్ఫోసిస్ వెనక్కి తగ్గే అవకాశాలు కనిపించడం లేదు. ఇన్ఫోసిస్ కొత్తగా అమల్లోకి తెచ్చిన నాన్‌ కాపింట్‌ అగ్రిమెంట్‌ సరికాదంటూ ఇప్పటికే నాసెంట్‌ ఇన్ఫర్మేషన్‌ టెక్నాలజీ ఎంప్లాయిస్‌ సెనేట్‌ (నాసెంట్‌) కార్మికశాఖను ఆశ్రయించిన సంగతి తెలిసిందే...
నాన్‌ కాంపిట్‌ అగ్రిమెంట్‌ వివాదంపై ఇన్ఫోసిస్ వెనక్కి తగ్గే అవకాశాలు కనిపించడం లేదు. ఇన్ఫోసిస్ కొత్తగా అమల్లోకి తెచ్చిన నాన్‌ కాపింట్‌ అగ్రిమెంట్‌ సరికాదంటూ ఇప్పటికే నాసెంట్‌ ఇన్ఫర్మేషన్‌ టెక్నాలజీ ఎంప్లాయిస్‌ సెనేట్‌ (నాసెంట్‌) కార్మికశాఖను ఆశ్రయించిన సంగతి తెలిసిందే. దీనిపై కార్మిక శాఖకు ఇన్ఫోసిస్ తరఫున హెచ్‌ఆర్‌ మేనేజ్‌మెంట్‌ వైస్‌ ప్రెసిడెంట్‌ సంతోష్‌ కే నారాయణ్‌ రాత పూర్వకంగా సమాధానం పంపారు. తమ సంస్థలో రాజీనామా చేసిన ఉద్యోగి పోటీ సంస్థల్లో ఏడాది పాటు ఉద్యోగంలో చేరకూడదనే నిబంధన కొత్తదేమీ కాదని ఇన్ఫోసిస్ కార్మిక శాఖకు తెలిపింది. ఈ నిబంధనను ‘కామన్‌ అండ్‌ స్టాండర్డ్‌ బిజినెస్‌ ప్రాక్టీస్‌’గా ఆ సంస్థ వెల్లడించింది. తమ క్లంయింట్లకు సంబంధించిన సున్నిత, రహస్య సమాచారం తెలుసుకున్న ఉద్యోగులు పోటీ కంపెనీలో చేరినప్పుడు విలువైన సమాచారాన్ని ఇతరులకు చేరవేసే ప్రమాదం ఉంటుందని ఇన్ఫోసిస్ కార్మిక శాఖ ఇచ్చిన రాతపూర్వక సమాధానంలో పేర్కొంది.
తమ క్లంయిట్ల శ్రేయస్సు, నాణ్యమైన సేవలు అందివ్వడంలో భాగంగానే నాన్‌ కాంపిట్‌ అగ్రిమెంట్‌ను అమల్లోకి తెచ్చినట్టు ఇన్ఫోసిస్ స్పష్టం చేసింది. నాన్‌ కాంపిట్‌ అగ్రిమెంట్‌పై ఇన్ఫోసిస్ నుంచి అందిన సమాచారంపై ఇంకా కార్మిఖ శాఖ (పూణే) ఇంతవరకు ఏ విధమైన నిర్ణయం తీసుకోలేదు. ఇన్ఫోసిస్ తెలిపిన అభిప్రాయాలు, నాసెంట్‌ ప్రతినిధులు వెలిబుచ్చిన ఆందోళనల పట్ల నిపుణులతో చర్చలు కొనసాగిస్తోంది. ఇటు ఉద్యోగులు అటు కార్పోరేట్‌ ప్రయోజనాలు దెబ్బతినకుండా ఈ సమస్యకు పరిష్కారం కనుగొనే పనిలో కార్మిక శాఖ నిమగ్నమై ఉంది.