Retail Inflation: సామాన్యులకు గుడ్‌న్యూస్.. తగ్గిన రిటైల్‌ ద్రవ్యోల్బణం.. 6 శాతం కంటే దిగవకు.. మరింత తగ్గితే..

Retail Inflation Drops

వినియోగదారులకు భారీ ఉపశమనం లభించింది. నవంబర్ నెలలో, రిటైల్ ద్రవ్యోల్బణం రేటు 5.88 శాతానికి తగ్గింది. అక్టోబర్ 2022లో రిటైల్ ద్రవ్యోల్బణం రేటు 6.77 శాతంగా ఉంది. ఏడాది క్రితం నవంబర్ 2021లో రిటైల్ ద్రవ్యోల్బణం 4.91 శాతంగా ఉంది. ఆహార పదార్థాల ద్రవ్యోల్బణం రేటులో భారీ తగ్గుదల ఉంది. ఆహార ద్రవ్యోల్బణం నవంబర్‌లో 4.67 శాతానికి తగ్గగా, అక్టోబర్‌లో ఆహార ద్రవ్యోల్బణం 7.01 శాతంగా ఉంది. అదే సమయంలో, నవంబర్ నెలలో పట్టణ, గ్రామీణ ప్రాంతాలలో ఆహార ద్రవ్యోల్బణం తగ్గింది.  అంతకుముందు నెల ఇది 7.01 శాతంగా ఉన్నట్లు కేంద్రం వెల్లడించింది. ఈ మేరకు కేంద్ర గణాంక కార్యాలయం (ఎన్ఎస్ఓ) సోమవారం కీలక గణాంకాలను విడుదల చేసింది. ఆహార పదార్థాల ధరలు తగ్గుముఖం పట్టడంతో రిటైల్‌ ద్రవ్యోల్బణం తగ్గుముఖం పట్టినా.. ఆర్‌బీఐ నిర్దేశించుకున్న సౌకర్యవంతమైన స్థాయికి పైనే ఉండడం గమనార్హం.

ఆహార ద్రవ్యోల్బణంలో భారీగా తగ్గుదల 

రిటైల్ ద్రవ్యోల్బణం తగ్గడానికి ప్రధాన కారణం ఆహార వస్తువుల ద్రవ్యోల్బణం రేటు తగ్గడం. ఆహార ద్రవ్యోల్బణం రేటు అక్టోబర్ 2022లో 7.01 శాతంగా ఉంది. ఇది నవంబర్‌లో 4.67 శాతానికి తగ్గింది. మరోవైపు అక్టోబర్‌లో పట్టణ ప్రాంతాల్లో రిటైల్ ద్రవ్యోల్బణం 6.53 శాతం ఉండగా.. నవంబర్‌లో 3.69 శాతానికి తగ్గింది. గ్రామీణ ప్రాంతాల్లో రిటైల్ ద్రవ్యోల్బణం అక్టోబర్‌లో 7.30 శాతం ఉండగా.. నవంబర్‌లో 5.22 శాతానికి తగ్గింది. ఆకుకూరలు, కూరగాయల ద్రవ్యోల్బణం -8.08 శాతానికి తగ్గింది. పండ్ల ద్రవ్యోల్బణం 2.62 శాతంగా ఉంది.

RBI టాలరెన్స్ బ్యాండ్ పరిధిలో రిటైల్ ద్రవ్యోల్బణం