Stock Market: వారం ఆరంభంలోనూ మార్కెట్లను వెంటాడిన నష్టాలు.. 17000 మార్క్ కిందకు నిఫ్టీ..

Stock Market

Stock Market: స్టాక్ మార్కెట్లు వారం ప్రారంభ రోజే భారీ నష్టాల్లో ముగిశాయి. బెంచ్ మార్క్ సూచీ సెన్సెక్స్(SENSEX) 617.26 పాయింట్లు క్షీణించి 56,579.89 వద్ద, మరో సూచీ నిఫ్టీ(NIFTY) 218.00 పాయింట్లు నష్టపోయి 16,954.00 వద్ద ముగిశాయి. కోల్ ఇండియా, బీపీసీఎల్, టాటా స్టీల్, హిందాల్కో, ఎస్బీఐ లైఫ్ ఇన్సూరెన్స్ కంపెనీలు టాప్ లూజర్స్ గా నిలవగా.. ఇదే సమయంలో బజాజ్ ఆటో, ఐసీఐసీఐ బ్యాంక్, హెచ్డీఎఫ్సీ బ్యాంక్, మారుతీ సుజుకీ, హెచ్డీఎఫ్సీ టాప్ గెయినర్స్ గా నిలిచాయి. ప్రధానంగా.. ఆటో, క్యాపిటల్ గూడ్స్, ఎఫ్‌ఎంసీజీ, హెల్త్‌కేర్, ఐటి, పవర్, మెటల్, ఆయిల్ అండ్ గ్యాస్, రియాల్టీ రంగాల షేర్లు 1-4 శాతం మధ్య క్షీణించాయి. దీని వల్ల చాలా రంగాల సూచీలు నష్టాల్లోనే ముగిశాయి. బీఎస్‌ఈలో మిడ్‌క్యాప్‌, స్మాల్‌క్యాప్‌ సూచీలు దాదాపు 2 శాతం చొప్పున నష్టపోయాయి.

బలహీనమైన అంతర్జాతీయ పరిణామాలు, అలాగే పెరుగుతున్న కరోనా కేసుల కారణంగా ఇంట్రాడేలో సూచీలు భారీగా ప్రభావితమయ్యాయి. బేర్స్ విజృంభించటంతో బీఎస్‌ఈ సెన్సెక్స్ 700 పాయింట్లకు పైగా పడిపోవడంతో మార్కెట్ వరుసగా రెండవ సెషన్‌లో అమ్మకాల ఒత్తిడిని చూసింది. పెరుగుతున్న COVID ప్రమాదం చైనాను పట్టుకోవడంతో తిరోగమనం చాలా ప్రభావితంగా ఉంటుందని మార్కెట్లు నెగటివ్ సెంటిమెంట్ లోకి వెళ్లాయి. ఫెడరల్ రిజర్వ్ నుంచి పెరుగుతున్న హాకిష్ సందేశాల కారణంగా వాల్ స్ట్రీట్ గత శుక్రవారం తీవ్ర నష్టాలను నమోదు చేసింది.

ప్రపంచవ్యాప్త పరిణామాలు, ఆగని యుద్ధ భయాలు, ఆదాయాలు  వృద్ధి ఆందోళనల మధ్య 5 శాతం కరెక్షన్‌తో అత్యధికంగా నష్టపోయింది. హాంకాంగ్‌కు చెందిన హ్యాంగ్‌సెంగ్‌ 3.7 శాతం క్షీణించగా, జపాన్‌కు చెందిన నిక్కీ 1.9 శాతం, దక్షిణ కొరియాకు చెందిన కోస్పి 1.8 శాతం క్షీణించాయి. ఫ్రాన్స్  CAC,  బ్రిటన్ FTSE వంటి యూరోపియన్ మార్కెట్లు ఒక్కొక్కటి 2 శాతం క్షీణించగా, జర్మనీ  DAX సూచీ 1.4 శాతం క్షీణించింది. అంతర్జాతీయ బెంచ్‌మార్క్ బ్రెంట్ క్రూడ్ ఫ్యూచర్స్ డిమాండ్ ఆందోళనలు, కొనసాగుతున్న ఉక్రెయిన్ యుద్ధం కారణంగా బ్యారెల్‌కు 4 శాతం కంటే ఎక్కువ పడిపోయాయి. బ్యారెల్ ధర 102 డాలర్లకి చేరుకోవటంతో చమురు ధరలు కూడా తగ్గాయి. గత వారం FII లు రూ.18,000 కోట్ల కంటే ఎక్కువ విలువైన షేర్లను విక్రయించారు. 2023లో అమెరికా ఆర్థిక వ్యవస్థ మాంద్యంలోకి అడుగుపెట్టే అవకాశాలు ఉన్నాయి. ఈ భయాలు ప్రమాదకర ఆస్తులపై ప్రభావం చూపుతున్నాయని జియోజిత్ ఫైనాన్షియల్ సర్వీసెస్ చీఫ్ ఇన్వెస్ట్‌మెంట్ స్ట్రాటజిస్ట్ వికె విజయకుమార్ వెల్లడించారు.

మరిన్ని బిజినెస్ వార్తల కోసం ఇక్కడ క్లిక్ చేయండి..

పర్సనల్ ఫైనాన్స్ కు సంబంధించిన ఆసక్తికరమైన వీడియోల వేదిక Money9 Telugu యూట్యూబ్ ఛానెల్ కోసం ఇక్కడ క్లిక్ చేయండి

ఇవీ చదవండి..

Gowtham Adani: ప్రపంచ టాప్-5 కుబేరుల్లో గౌతమ్ అదానీ.. వారెన్ బఫెట్ ను వెనక్కు నెట్టిన భారత వ్యాపారవేత్త..

Temperature: 122 ఏళ్లలో ఎన్నడూ చూడని ఎండలు.. ఇంత వేడి ఎందుకంటే..