ATM Withdrawal: ఏటీఎంలో మీ డబ్బు చిక్కు పడిపోయిందా? అయితే..ఈ విషయంలో జాగ్రత్తలు తీసుకోండి.. లేకపోతే కష్టం!

Atm Cash Withdrawal

ATM Withdrawal: ప్రస్తుతం అంతా డిజిటల్ మయం అయిపోయింది. నగదు లావాదేవీలు చాలావరకూ తగ్గిపోయాయి. ఎక్కువగా డిజిటల్ గా చెల్లింపులు జరుపుతున్నారు. అయితే, చిన్న చిన్న అవసరాల కోసం కొంత మొత్తం నగదు దగ్గర ఉంచుకోవడం తప్పనిసరి. అందుకోసం అప్పుడప్పుడు ఏటీఎంల వద్దకు ప్రజలు వెళుతున్నారు. గ్రామీణ ప్రాంతాల్లో అయితే, ఎక్కువ శాతం మంది నగదు కోసం ఇప్పటికీ ఏటీఎంల పై ఆధారపడుతున్నారు.

ఏటీఎంలో డబ్బు విత్ డ్రా చేసేటప్పుడు పలురకాలైన ఇబ్బందులు తలెత్తడం సహజం. ఒక్కోసారి సర్వర్ డౌన్ కావడం వల్ల మీ డబ్బు ఆన్‌లైన్‌లో ఆగిపోతుంది. అటువంటి పరిస్థితిలో చాలా టెన్షన్ పడటం సహజం. ఇటువంటి పరస్థితి ఎదురైనపుడు వీలైనంత త్వరగా ఈ విషయాన్ని బ్యాంకుకు తెలియజేయడానికి ప్రయత్నాలు చేస్తారు. అలాగే డబ్బు ఎందుకు జమ కాలేదనో, డబ్బులు పంపిన ఖాతాకు ఎందుకు చేరలేదనో బ్యాంకు నుంచి తెలుసుకోవడం కోసం ప్రయత్నం చేయడానికి పరుగులు తీస్తారు. ఇప్పుడు ఊహించుకోండి, మీకు ఏదైనా పని కోసం అత్యవసరంగా డబ్బు అవసరమైతే, ఏటీఎం(ATM) మెషిన్ నుండి డబ్బు విత్‌డ్రా చేసే ప్రక్రియ పూర్తయిన తర్వాత, డబ్బు చిక్కుకుపోతే మీరు ఏమి చేస్తారో? ఇటువంటి పరిస్థితిలో మీరు ఏమి చేయాలో ఇక్కడ తెలుసుకుందాం.

ఏటీఎం మెషిన్‌లో చిక్కుకుపోయాయి.. ఏం చేయాలి?

1. ATM ఉపసంహరణ ప్రక్రియ పూర్తయిన తర్వాత కూడా డబ్బు విత్‌డ్రా కాకపోతే, అలాగే మీ ఖాతా నుండి డబ్బు కూడా డెబిట్ అయిపోతే.. ఆ పరిస్థితిలో కలత చెందకుండా, లావాదేవీ స్లిప్‌ను మీ వద్ద ఉంచుకోండి. ఎందుకంటే ఈ స్లిప్ ఒక రకమైన రుజువు. ఇది మీరు ఏటీఎం(ATM) నుండి ఎంత డబ్బు విత్‌డ్రా చేసారో రుజువు చేస్తుంది. అయితే, మీకు లావాదేవీ స్లిప్ అందకపోతే, మీరు దానిని బ్యాంక్ స్టేట్‌మెంట్ నుంచి కూడా తీసుకోవచ్చు. స్లిప్ అందని పరిస్థితి ఉంటె.. వెంటనే లాస్ట్ ట్రాన్సాక్షన్స్ ఆప్షన్ ద్వారా మీరు మీ చివరిసారిగా చేసిన లావాదేవీల స్లిప్ పొందవచ్చు. దానిని మీ దగ్గార భద్రంగా ఉంచుకోండి.

2. వాస్తవానికి, ఈ పరిస్థితిలో, కస్టమర్ బ్రాంచ్‌కి వ్రాతపూర్వక ఫిర్యాదు ఇవ్వాలి. ఈ సందర్భంలో లావాదేవీ స్లిప్ ఫోటోకాపీని జతచేయాలి. ఎందుకంటే ఈ లావాదేవీ స్లిప్‌లో సమయం, స్థలం, ATM ID, బ్యాంక్ నుంచి వచ్చిన ప్రతిస్పందన కోడ్ కూడా ముద్రించి ఉంటాయి. కాబట్టి ఈ స్లిప్ అవసరం.

3. రిజర్వ్ బ్యాంక్ ఆఫ్ ఇండియా (RBI) ఈ పరిస్థితికి సంబంధించి కొన్ని మార్గదర్శకాలను కూడా జారీ చేసింది. వీటిని అనుసరించి, మీరు మీ డబ్బును పొందుతారు. ఈ మార్గదర్శకాల ప్రకారం, బ్యాంకులు వారంలోపు డబ్బును తిరిగి ఇవ్వవలసి ఉంటుంది, లేని పక్షంలో మీరు బ్యాంకింగ్ అంబుడ్స్‌మన్‌ను సంప్రదించవచ్చు. వారం రోజుల తర్వాత కూడా ఖాతాదారుడు డబ్బులు తిరిగి ఇవ్వకపోతే బ్యాంకుకు రోజుకు 100 రూపాయలు చెల్లించాల్సి ఉంటుంది.

4. ATM మెషీన్‌లో డబ్బు చిక్కుకుపోయినట్లయితే, మీరు వెంటనే కస్టమర్ కేర్‌కు కూడా కాల్ చేయవచ్చు. కానీ, అక్కడ నుండి మీకు సరైన స్పందన రాకపోతే, మీరు మీ బ్యాంక్ శాఖకు వెళ్లి ఫిర్యాదు చేయాలి.

ఇవి కూడా చదవండి: Omicron Tension: ఒమిక్రాన్ భయం.. ఆటోమొబైల్..ఎలక్ట్రానిక్ కంపెనీలు ఏం చేస్తున్నాయంటే..

Cryptocurrency: భారీ క్రిప్టోకరెన్సీ చోరీ.. సైబర్ దాడితో హ్యాకర్లు చేసిన పని.. ఎన్ని క్రిప్టో టోకెన్‌లను దొంగిలించారంటే..

Corona Tension: ఉపరాష్ట్రపతి వెంకయ్యనాయుడును కలిసిన మంగోలియా ప్రతినిధి బృందంలో కరోనా కలకలం