Telangana: తెలంగాణలో ధనిక జిల్లాల జాబితా.. రెండో స్థానంలో హైదరాబాద్.. టాప్లో ఏదంటే..!
Telangana: హైదరాబాద్ జనాభా ఎక్కువగా ఉన్నప్పటికీ, రంగారెడ్డి జిల్లాలో అభివృద్ధి వేగం ఎక్కువగా ఉండటం వల్ల ఆర్థికంగా అది ముందంజలో ఉంది. తలసరి ఆదాయం, జీడీపీ పరంగా హైదరాబాద్ రెండో స్థానంలో నిలవడం నగర ఆర్థిక శక్తిని ప్రతిబింబిస్తోంది. అయితే వేగంగా అభివృద్ధి..
Telangana: తెలంగాణలో అత్యధిక సంపన్న జిల్లాల జాబితాలో హైదరాబాద్ (Hyderabad) మరోసారి రెండో స్థానంలో నిలిచింది. తెలంగాణ సోషియో ఎకనామిక్ అవుట్లుక్ 2026 నివేదిక ప్రకారం, హైదరాబాద్ జిల్లాకు తలసరి ఆదాయం రూ.4,76,679గా నమోదై, రాష్ట్ర సగటు రూ.3,80,031 కంటే ఎక్కువగా ఉంది.
తలసరి ఆదాయం అంటే ఏమిటి?
తలసరి ఆదాయం అంటే ఒక జిల్లాలో ప్రతి వ్యక్తి సంవత్సరానికి సగటున సంపాదించే ఆదాయం. ఇది ఆ ప్రాంత ప్రజల జీవన ప్రమాణాలను అంచనా వేయడానికి కీలక సూచికగా భావిస్తారు. ఇక జీడీపీ (GDDP – Gross District Domestic Product) అంటే జిల్లాలో ఉత్పత్తి అయ్యే మొత్తం ఆర్థిక విలువ. ఇది ఆర్థిక పరిమాణాన్ని చూపుతుందిగానీ, వ్యక్తిగత ఆదాయాన్ని ప్రతిబింబించదు.
ఇది కూడా చదవండి: Gold Price: భారీ పతనం.. రూ.19 వేలు తగ్గిన బంగారం ధర.. వెండి రూ.55 వేలు.. తులం ధర రూ.1 లక్షకు చేరుతుందా?
తెలంగాణలో టాప్ 10 ధనిక జిల్లాలు (తలసరి ఆదాయం ఆధారంగా):
తెలంగాణలో తలసరి ఆదాయం ఆధారంగా టాప్ 10 జిల్లాల జాబితా ఇలా ఉంది:
1. రంగారెడ్డి – రూ.11,29,735
2. హైదరాబాద్ – రూ.4,76,679
3. సంగారెడ్డి – రూ.3,94,587
4. మేడ్చల్ మల్కాజిగిరి – రూ.3,81,506
5. భద్రాది కొత్తగూడెం – రూ.3,69,420
6. మహబూబ్నగర్ – రూ.3,36,898
7. ములుగు – రూ.3,35,509
8. యాదాద్రి భూవనగిరి – రూ.3,35,264
9. నల్గొండ – రూ.3,30,216
10. మెదక్ – రూ.3,29,209
ఈ జాబితాలో రంగారెడ్డి జిల్లా మొదటి స్థానంలో నిలవడం గమనార్హం.
Best Scheme: బంపర్ స్కీమ్.. కేవలం 10 ఏళ్లలో రూ.25 లక్షలకుపైగా సంపాదించే మార్గం గురించి మీకు తెలుసా?
GDDPలో కూడా హైదరాబాద్ రెండో స్థానం:
జిల్లా ఆర్థిక పరిమాణాన్ని సూచించే GDDP పరంగా కూడా హైదరాబాద్ రెండో స్థానంలో ఉంది.
GDDP ఆధారంగా టాప్ 10 జిల్లాలు:
1. రంగారెడ్డి – రూ.3,41,080 కోట్లు
2. హైదరాబాద్ – రూ.2,25,860 కోట్లు
3. మేడ్చల్ మల్కాజిగిరి – రూ.1,16,133 కోట్లు
4. సంగారెడ్డి – రూ.74,194 కోట్లు
5. నల్గొండ – రూ.64,219 కోట్లు
6. నిజామాబాద్ – రూ.49,974 కోట్లు
7. భద్రాది కొత్తగూడెం – రూ.48,354 కోట్లు
8. ఖమ్మం – రూ.47,184 కోట్లు
9. సూర్యాపేట్ – రూ.38,865 కోట్లు
10. సిద్దిపేట – రూ.37,495 కోట్లు
హైదరాబాద్ నగరానికి వెలుపల ఉన్న ప్రాంతాల్లో వేగంగా అభివృద్ధి జరగడం వల్ల రంగారెడ్డి జిల్లా తలసరి ఆదాయం, GDDP రెండింటిలోనూ ముందంజలో ఉంది. ఐటీ, రియల్ ఎస్టేట్, పరిశ్రమల విస్తరణ ఈ జిల్లాలో భారీ ఆర్థిక వృద్ధికి దోహదపడుతున్నాయి.
Lifestyle: రూ.35 వేల కోట్లకుపైగా ఆస్తులు.. భార్యా పిల్లలతో నార్మల్ లైఫ్.. కారణం తెలిస్తే అవాక్కవుతారు!
జనాభా వివరాలు:
2011 జనగణన ప్రకారం:
- రంగారెడ్డి జిల్లా జనాభా: 24,26,243
- హైదరాబాద్ జిల్లా జనాభా: 39,43,323
హైదరాబాద్ జనాభా ఎక్కువగా ఉన్నప్పటికీ, రంగారెడ్డి జిల్లాలో అభివృద్ధి వేగం ఎక్కువగా ఉండటం వల్ల ఆర్థికంగా అది ముందంజలో ఉంది. తలసరి ఆదాయం, జీడీపీ పరంగా హైదరాబాద్ రెండో స్థానంలో నిలవడం నగర ఆర్థిక శక్తిని ప్రతిబింబిస్తోంది. అయితే వేగంగా అభివృద్ధి చెందుతున్న రంగారెడ్డి జిల్లా తెలంగాణలో ఆర్థిక కేంద్రంగా మారుతున్నట్లు ఈ నివేదిక స్పష్టం చేస్తోంది.
మరిన్ని బిజినెస్ వార్తల కోసం ఇక్కడ క్లిక్ చేయండి