Google Bonus For Employees: గూగుల్ ఉద్యోగులకు శుభవార్త.. భారీ బోనస్ ప్రకటించిన కంపెనీ..
టెక్ దిగ్గజం గూగుల్.. ఉద్యోగులకు భారీ బోనస్ను ప్రకటించింది. ఈ సంవత్సరం ప్రపంచవ్యాప్తంగా తన ఉద్యోగులకు అదనపు బోనస్ ఇవ్వనున్నట్లు బుధవారం తెలిపింది....
టెక్ దిగ్గజం గూగుల్.. ఉద్యోగులకు భారీ బోనస్ను ప్రకటించింది. ఈ సంవత్సరం ప్రపంచవ్యాప్తంగా తన ఉద్యోగులకు అదనపు బోనస్ ఇవ్వనున్నట్లు బుధవారం తెలిపింది. తాజాగా సంస్థ తీసుకున్న రిటర్న్ టూ ఆఫీస్ ఆలోచనను వెనక్కి తీసుకున్న నేపథ్యంలో ఉద్యోగులకు 1600 డాలర్లను బోనస్గా చెల్లించాలని నిర్ణయం తీసుకుంది.
పొడిగించిన వర్క్‌ఫోర్స్, ఇంటర్న్‌లతో సహా ఉద్యోగులందరికీ Google ఈనెలలో 1,600 డాలర్లు లేదా సమానమైన విలువను ఒకేసారి నగదు బోనస్గా ఇస్తుందని కంపెనీ ప్రతినిధి రాయిటర్స్‌తో చెప్పారు. కేవలం కంపెనీ ఉద్యోగులకు మాత్రమే కాకుండా.. ఈ బోనస్ను సంస్థ నియమించుకున్న ఫ్రీలాన్సర్లకు, ఇంటర్న్లకు కూడా ఈ ఒన్ టైం క్యాష్ బోనస్ వర్తిస్తుందని గూగుల్ వెల్లడించింది. ఈ మొత్తాన్ని ఈ నెలలోనే ఉద్యోగులు ఖాతాల్లో జమ చేయనున్నట్లు పేర్కొంది.
కరోనా వైరస్ వ్యాప్తి సమయంలో ఉద్యోగులుకు మద్దతుగా నిలవడానికి వర్క్ఫ్రమ్-హోమ్ అలవెన్స్, వెల్‌బీయింగ్ బోనస్‌తో పాటు తాజాగా ప్రకటించిన బోనస్ను జమ చేయనుంది. గత మార్చిలో Google అంతర్గత సర్వేలో ఉద్యోగుల శ్రేయస్సు పట్టించుకోవట్లేదని తేలింది. ఆ తర్వాత కంపెనీ 500 డాలర్ల నగదు బోనస్‌తో సహా అనేక ప్రయోజనాలను ప్రకటించింది. జనవరి 10 నుంచి ఉద్యోగులను ఆఫీసులకు పిలవాలని భావించినా.. ఒమిక్రాన్ భయాలతో నిర్ణయాన్ని వెనక్కి తీసుకుంది.
Read Also.. Indian Driving License: భారతీయ డ్రైవింగ్‌ లైసెన్స్‌ ఏయే దేశాల్లో చెల్లుబాటు అవుతుంది..?