Bournvita: హెల్త్ డ్రింక్స్ కేటగిరి నుంచి బోర్న్విటాను తొలగించండి.. కేంద్ర సర్కార్ కీలక ఆదేశాలు
హెల్త్ డ్రింక్స్పై పరిశ్రమల మంత్రిత్వ శాఖ ఈ-కామర్స్ కంపెనీలకు సలహా ఇచ్చింది. హెల్త్ డ్రింక్ కేటగిరీలో బోర్న్విటా, ఇతర పానీయాలను చేర్చకూడదని మంత్రిత్వ శాఖ కంపెనీలకు సూచినలు జారీ చేసింది. అన్ని ఇ-కామర్స్ కంపెనీలు తమ ప్లాట్ఫారమ్లలోని బోర్న్విటాతో సహా తమ వెబ్సైట్ల నుండి ఆరోగ్యకరమైన పానీయాల కేటగిరి నుంచి తొలగించాలని మంత్రిత్వ శాఖ సూచించింది. నేషనల్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్..
హెల్త్ డ్రింక్స్పై పరిశ్రమల మంత్రిత్వ శాఖ ఈ-కామర్స్ కంపెనీలకు సలహా ఇచ్చింది. హెల్త్ డ్రింక్ కేటగిరీలో బోర్న్విటా, ఇతర పానీయాలను చేర్చకూడదని మంత్రిత్వ శాఖ కంపెనీలకు సూచినలు జారీ చేసింది. అన్ని ఇ-కామర్స్ కంపెనీలు తమ ప్లాట్ఫారమ్లలోని బోర్న్విటాతో సహా తమ వెబ్సైట్ల నుండి ఆరోగ్యకరమైన పానీయాల కేటగిరి నుంచి తొలగించాలని మంత్రిత్వ శాఖ సూచించింది. నేషనల్ కమిషన్ ఫర్ ప్రొటెక్షన్ ఆఫ్ చైల్డ్ రైట్స్ (NCPCR) విచారణ తర్వాత మంత్రిత్వ శాఖ ఈ ఆదేశాలు జారీ చేసింది. వాస్తవానికి ఆహార భద్రత మరియు ప్రమాణాల చట్టం ప్రకారం ఎలాంటి హెల్త్ డ్రింక్ లేదని ఎన్సిపిసిఆర్ దర్యాప్తులో తేలింది. అటువంటి పరిస్థితిలో అన్ని ఇ-కామర్స్ కంపెనీలు లేదా పోర్టల్లు తమ ప్లాట్ఫారమ్ల నుండి ఆరోగ్యకరమైన పానీయాల కేటగిరి నుండి బోర్న్విటాతో సహా పానీయాలను తీసివేయాలని సూచించింది.
హెల్త్ డ్రింక్, ఎనర్జీ డ్రింక్ కేటగిరీలో పానీయాల విక్రయం:
ఏప్రిల్ ప్రారంభంలో ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) అన్ని ఇ-కామర్స్ ఫుడ్ బిజినెస్ ఆపరేటర్లను (FBOs) వారి వెబ్సైట్లలో విక్రయించే అన్ని ఆహార ఉత్పత్తుల సరైన వర్గీకరణను నిర్ధారించాలని ఆదేశించింది. FSSAI ప్రకారం.. ‘ప్రొప్రైటర్ ఫుడ్’ కింద లైసెన్స్ పొందిన ఆహార ఉత్పత్తులు డెయిరీ ఆధారిత పానీయాల మిక్స్లు లేదా ధాన్యం ఆధారిత పానీయాల మిక్స్ల కేటగిరీ కింద ఇ-కామర్స్ వెబ్సైట్లలో ‘హెల్త్ డ్రింక్స్’, ‘ఎనర్జీ డ్రింక్స్’ మొదలైన కేటగిరీ కింద విక్రయిస్తున్నారు.
FSSAI చట్టం 2006 నియమాలు, నిబంధనల ప్రకారం ఆరోగ్య పానీయానికి అధికారిక నిర్వచనం లేదు. అటువంటి పరిస్థితిలో వాటిని ఆరోగ్యకరమైన పానీయాలు, ఎనర్జీ డ్రింక్స్ అని లేబుల్ వేయవద్దని సూచించింది. ఇలాంటి తప్పుడు సమాచారం ఇస్తూ లేబుల్స్ వేయడం వల్ల వినియోగదారులను తప్పుదారి పట్టించేలా ఉంటాయని ఫుడ్ సేఫ్టీ అండ్ స్టాండర్డ్స్ అథారిటీ ఆఫ్ ఇండియా (FSSAI) కంపెనీలను హెచ్చరించింది. అటువంటి పరిస్థితిలో ఈ పానీయాలను ఆరోగ్యకరమైన పానీయాలు, ఎనర్జీ డ్రింక్స్లలో చేర్చవద్దని సూచించింది. ఈ కేటగిరి నుంచి వెంటనే తొలగించాలని ఆదేశించింది.
కార్బోనేటేడ్, నాన్-కార్బోనేటేడ్ వాటర్ డ్రింక్స్ వంటి ఉత్పత్తులపై మాత్రమే ఎనర్జీ డ్రింక్స్ అనే లేబుల్స్ వేసేందుకు అనుమతి ఉంటుందని ఎఫ్ఎస్ఎస్ఏఐ స్పష్టం చేసింది. ఇలాంటి చర్యలు చేపట్టడం ముఖ్య ఉద్దేశం ఉత్పత్తి స్పష్టత, పారదర్శకతను పెంచడమేనని ఎఫ్ఎస్ఎస్ఏఐ స్పష్టం చేసింది. తద్వారా వినియోగదారులు ఎటువంటి తప్పుదోవ పట్టించే సమాచారాన్ని ఎదుర్కోకుండా సరైన ఆప్షన్ను ఎంచుకుంటారని తెలిపింది.
మరిన్ని బిజినెస్ వార్తల కోసం ఇక్కడ క్లిక్ చేయండి