BSNL: బీఎస్‌ఎన్‌ఎల్‌ అదిరిపోయే ఆఫర్.. రూ.400లకే 400జీబీ డేటా.. వ్యాలిడిటీ ఎంతంటే..
BSNL Recharge Plan: చందాదారులను ఆకర్షించేందుకు BSNL ఇటువంటి ఫ్లాష్ సేల్‌తో ముందుకు వచ్చింది. టెలికాం రెగ్యులేటరీ అథారిటీ ఆఫ్ ఇండియా (TRAI) జారీ చేసిన నివేదిక ప్రకారం, ఏప్రిల్ నెలలో BSNL రెండు లక్షల మంది చందాదారులను కోల్పోయింది. క్రియాశీల చందాదారులలో..
టెలికాం రంగంలోని దిగ్గజాలను ఊదరగొట్టే ఆఫర్‌ను బిఎస్ఎన్ఎల్ ప్రకటించింది. కేవలం రూ.400కే తన వినియోగదారుల కోసం బిఎస్ఎన్ఎల్ 400 జిబి డేటాను సిద్ధం చేసింది. ఈ ఆఫర్ చెల్లుబాటు 40 రోజులు. దేశవ్యాప్తంగా 90,000 4G టవర్ల ఏర్పాటులో భాగంగా బిఎస్ఎన్ఎల్ నిర్వహించిన ఫ్లాష్ సేల్‌తో కలిపి ఈ భారీ ఆఫర్‌ను సిద్ధం చేశారు. ఇదిలా ఉండగా, బిఎస్ఎన్ఎల్ ఇటీవల భారతదేశంలో తన 5G సేవను ప్రారంభించింది.
ఇది కూడా చదవండి: Aadhaar Card: మీ ఆధార్ కార్డు పోగొట్టుకున్నారా? నంబర్‌ను తెలుసుకోవాలంటే ఏం చేయాలి?
ఇది పరిమిత కాల ఆఫర్. ఈ ఆఫర్‌ను ఈరోజు జూన్ 28 నుండి జూలై 1 వరకు పొందవచ్చు. సాధారణంగా ఇతర టెలికాం కంపెనీలు రూ.350కి నెలకు 28 నుండి 30 GB డేటాను ఉచిత ఫోన్ కాల్స్, SMSతో పాటు అందిస్తాయి. BSNL వినియోగదారులు రోజుకు 10 GB డేటాను పొందుతారు. అయితే, ఉచిత ఫోన్ కాల్స్ లేదా SMS వంటి ఇతర సేవలు ఈ ఆఫర్‌తో అందుబాటులో లేవు.
చందాదారులను ఆకర్షించేందుకు BSNL ఇటువంటి ఫ్లాష్ సేల్‌తో ముందుకు వచ్చింది. టెలికాం రెగ్యులేటరీ అథారిటీ ఆఫ్ ఇండియా (TRAI) జారీ చేసిన నివేదిక ప్రకారం, ఏప్రిల్ నెలలో BSNL రెండు లక్షల మంది చందాదారులను కోల్పోయింది. క్రియాశీల చందాదారులలో దాదాపు 18 లక్షల మంది తగ్గుదల కనిపించింది.
తక్కువ ధర ఆఫర్లను అందించడమే కాకుండా, బిఎస్ఎన్ఎల్ కొన్ని ఇతర చర్యలు తీసుకోవడం ద్వారా తన కస్టమర్లను నిలుపుకోవడానికి కూడా ప్రయత్నిస్తోంది. ఈ జూన్ ప్రారంభంలో బిఎస్ఎన్ఎల్ తన 5G సేవను ప్రకటించింది. బిఎస్ఎన్ఎల్ తన 5Gని నేరుగా తన కస్టమర్ల ఇళ్లకు తీసుకురావాలని యోచిస్తోంది.
ఇది కూడా చదవండి: Vehicles Policy: ఆ వాహనాలకు షాకింగ్‌ న్యూస్.. ఆ ప్రభుత్వం సంచలన నిర్ణయం..!
మరిన్ని బిజినెస్ వార్తల కోసం ఇక్కడ క్లిక్ చేయండి