July New Rules: బిగ్ అలర్ట్.. జూలై 1 నుండి మారనున్న 5 కీలక నిబంధనలు
July New Rules: జూలై 1 నుండి అమల్లోకి వచ్చే ఈ మార్పులపై దృష్టి పెట్టడం ముఖ్యం. ఉచిత ఆధార్ అప్డేట్ను సద్వినియోగం చేసుకోండి, కొత్త క్రెడిట్ కార్డ్ నిబంధనల గురించి తెలుసుకోండి. మీ ముఖ్యమైన పనులను ముందుగానే పూర్తి చేసుకోవడానికి బ్యాంకు సెలవుల..
July New Rules: జూన్ నెల ముగింపు దశకు చేరుకుంది. ఈ నెల గడుస్తున్న కొద్దీ జూలై 1 నుండి అనేక ముఖ్యమైన ఆర్థిక మార్పులు అమల్లోకి రానున్నాయి. ఆధార్ కార్డు అప్డేట్, ఎల్పీజీ గ్యాస్ ధరలు, హెచ్డిఎఫ్సి బ్యాంక్ క్రెడిట్ కార్డ్ నిబంధనలు, సిఎన్జి-పిఎన్జి, బ్యాంకు సెలవుల షెడ్యూళ్ల వరకు అనేక మార్పులు రానున్నాయి. ఈ మార్పులు సామాన్యుడి దైనందిన జీవితం, ఖర్చులపై ప్రత్యక్షంగా ప్రభావం చూపగలవు.
ఇది కూడా చదవండి: Gold Price: మహిళలకు గుడ్న్యూస్.. నెల రోజుల్లో బంగారం ధర ఎంత తగ్గిందో తెలిస్తే షాకవుతారు!
1. ఆధార్ కార్డు ఇమెయిల్ అప్డేట్ ఉచితంగా ఉంటుంది
UIDAI కొత్త నోటిఫికేషన్ ప్రకారం, తమ ఆధార్ కార్డులో ఈమెయిల్ ఐడిని అప్డేట్ చేసుకోని వారికి, జూలై 1 నుండి రాబోయే 6 నెలల పాటు తమ ఈమెయిల్ ఐడిని ఉచితంగా అప్డేట్ చేసుకునే అవకాశం లభిస్తుంది. ఈ సౌకర్యం జూలై నుండి డిసెంబర్ వరకు అందుబాటులో ఉంటుంది. ఇంతకుముందు ఆధార్లో ఈమెయిల్ను అప్డేట్ చేయడానికి రూ. 75 రుసుము చెల్లించాల్సి ఉండేది. ఈ కొత్త నిర్ణయం వల్ల సామాన్యులకు ఆ ఖర్చు ఆదా అవుతుంది.
2. ఎల్పీజీ గ్యాస్ ధరలలో మార్పు వచ్చే అవకాశం
ఆయిల్ మార్కెటింగ్ కంపెనీలు ప్రతి నెలా మొదటి రోజున ఎల్పీజీ ధరలను సమీక్షిస్తాయి. జూన్లో వాణిజ్య ఎల్పీజీ సిలిండర్ల ధరను రూ. 53.50 వరకు పెంచారు. దీనికి అదనంగా 5 కేజీల ఎల్పీజీ సిలిండర్ల ధరను కూడా పెంచారు. జూలై 1 నుంచి ఎల్పీజీ ధరలు మళ్లీ మారే అవకాశం ఉంది. అయితే, గృహ వంటగ్యాస్ ధర పెరుగుతుందా లేదా తగ్గుతుందా అనేది ఆయిల్ కంపెనీల ప్రకటన తర్వాతే స్పష్టమవుతుంది.
3. ATF, CNG, PNG ధరలు కూడా మారవచ్చు
ఏవియేషన్ టర్బైన్ ఫ్యూయల్ (ATF), CNG, PNG ధరలను కూడా జూలై ప్రారంభంలో సవరించే అవకాశం ఉంది. గత నెలలో ఈ ఇంధనాల ధరలు పెరిగాయి. అందువల్ల జూలై 1న కొత్త ధరల ప్రకటన రవాణా ఖర్చులు, విమాన ఛార్జీలపై ప్రభావం చూపవచ్చు.
4. హెచ్డిఎఫ్సి బ్యాంక్ కొత్త క్రెడిట్ కార్డ్ నిబంధనలు
HDFC బ్యాంక్ రెగాలియా గోల్డ్ క్రెడిట్ కార్డ్ వినియోగదారులకు ఒక పెద్ద మార్పు రాబోతోంది. జూలై 1 నుండి ఉచిత దేశీయ విమానాశ్రయ లాంజ్ యాక్సెస్ పొందాలంటే మీరు గత మూడు నెలల్లో కనీసం రూ. 60,000 ఖర్చు చేయాల్సి ఉంటుంది. ఈ కొత్త నిబంధన ప్రధానంగా ప్రయాణ సంబంధిత ప్రయోజనాల కోసం ఈ క్రెడిట్ కార్డును ఉపయోగించే కస్టమర్లపై ప్రభావం చూపుతుంది.
5. జూలైలో బ్యాంకులకు 12 రోజుల పాటు సెలవులు
జూలై నెలలో, పండుగలు, ప్రాంతీయ సెలవులు, వారాంతాల కారణంగా వివిధ రాష్ట్రాల్లో బ్యాంకులు సుమారు 12 రోజుల పాటు మూసివేయబడతాయి. వీటిలో రెండవ, నాల్గవ శనివారాలు, ఆదివారాలు 6 రోజులు వారపు సెలవులుగా ఉంటాయి. ఇది కాకుండా మిజోరం, మేఘాలయ, త్రిపుర వంటి వివిధ రాష్ట్రాల్లో స్థానిక పండుగల సందర్భంగా అదనపు సెలవులు కూడా ఉంటాయి. అందువల్ల మీకు ముఖ్యమైన బ్యాంకు పని ఉంటే, సెలవుల జాబితాను ముందుగానే చూసుకోవడం మంచిది.
ఏం చేయాలి?
జూలై 1 నుండి అమల్లోకి వచ్చే ఈ మార్పులపై దృష్టి పెట్టడం ముఖ్యం. ఉచిత ఆధార్ అప్డేట్ను సద్వినియోగం చేసుకోండి, కొత్త క్రెడిట్ కార్డ్ నిబంధనల గురించి తెలుసుకోండి. మీ ముఖ్యమైన పనులను ముందుగానే పూర్తి చేసుకోవడానికి బ్యాంకు సెలవుల జాబితాను తనిఖీ చేసుకోండి.
ఇది కూడా చదవండి: ఇక దుకాణాలు, రెస్టారెంట్లు, కార్యాలయాలు 24 గంటలు ఓపెన్.. అక్కడి ప్రభుత్వం కీలక నిర్ణయం..!
మరిన్ని బిజినెస్ వార్తల కోసం ఇక్కడ క్లిక్ చేయండి