Bank Holidays: బ్యాంక్ కస్టమర్లకు అలర్ట్.. వరుసగా 4 రోజులు బ్యాంకులు బంద్!
బ్యాంకులకు వరుస సెలవులు రానున్నాయి. దీంతో బ్యాంకు పని నిమిత్తం వెళ్లే వినియోగదారులు బ్యాంకులకు ఏయే రోజుల్లో సెలవులు ఉన్నాయో తెలుసుకుని వెళ్లడం చాలా ముఖ్యం. లేకుంటే మీ సమయం వృధాతో పాటు కొంత నష్టపోయే అవకాశం ఉంది. ఇప్పుడు వరుసగా నాలుగు రోజుల పాటు బ్యాంకులు మూసి ఉండనున్నాయి..
Bank Holidays: బ్యాంకు ఉద్యోగులు మళ్ళీ సమ్మెకు దిగుతున్నారు. 5 రోజుల పని దినాలను కోరుతూ జనవరి 27న సమ్మె ప్రకటించారు. సాధారణంగా ప్రతి నెలా రెండవ శనివారం, నాల్గవ శనివారం, ఆదివారం బ్యాంకులు మూసి ఉంటాయి. గణతంత్ర దినోత్సవం సందర్భంగా జనవరి 24 నాల్గవ శనివారం, జనవరి 25 ఆదివారం, జనవరి 26 తేదీన రిపబ్లిక్ డే ఉంది. అలాగే జనవరి 27న బంద్ జరిగితే బ్యాంకులు వరుసగా నాలుగు రోజులు మూసి ఉండే అవకాశం ఉంది.
బ్యాంకు ఉద్యోగులు వారానికి ఐదు రోజుల పనిభారం తగ్గుతుందని, తమ కుటుంబాలతో ఎక్కువ సమయం గడపడానికి వీలు కల్పిస్తుందని, తమ ఉత్పాదకతను మెరుగుపరుస్తుందని భావిస్తున్నారు. చాలా భారత ప్రభుత్వ కార్యాలయాలు, ఆర్థిక సంస్థలు ఇప్పటికే వారానికి ఐదు రోజుల పనిదినాన్ని అనుసరిస్తున్నాయి. బ్యాంకులు కూడా దీనిని అనుసరించాలని యూనియన్లు డిమాండ్ చేస్తున్నాయి.
బ్యాంకింగ్ సేవలో అంతరాయం లేకుండా..
ఉద్యోగులు పని గంటలను తగ్గిస్తే కస్టమర్లకు సేవలు అంతరాయం కలగకుండా చూసుకోవడానికి సోమవారం నుండి శుక్రవారం వరకు రోజుకు 40 నిమిషాలు అదనంగా పని చేయడానికి సిద్ధంగా ఉన్నామని UFBU ప్రకటించింది. UFBU (యునైటెడ్ ఫోరం ఆఫ్ బ్యాంక్ యూనియన్స్) ప్రకారం, RBI, LIC, GIC మొదలైనవి ఇప్పటికే 5 రోజుల పని వారాన్ని అనుసరిస్తున్నాయి. విదేశీ మారక ద్రవ్య మార్కెట్, ద్రవ్య మార్కెట్, స్టాక్ ఎక్స్ఛేంజీలు శనివారాల్లో పనిచేయవు. కేంద్ర, రాష్ట్ర ప్రభుత్వ కార్యాలయాలు కూడా శనివారాల్లో పనిచేయవు. అందువల్ల బ్యాంకులు 5 రోజుల పని వారాన్ని ఎందుకు అమలు చేయలేవని యూఎఫ్బీయూ ప్రశ్నిస్తోంది.
Gold, Silver: మీరు బంగారం, వెండి నుండి సంపాదిస్తున్నారా? ఆగండి.. ఆగండి.. ఇవి తెలుసుకోండి!
UFBU ఒక పెద్ద సంస్థ. ఇందులో భారతదేశంలోని 9 ప్రధాన బ్యాంకు సంఘాలు ఉన్నాయి. ఈ సంఘాలు ప్రభుత్వ రంగ బ్యాంకులు, కొన్ని పాత తరహా ప్రైవేట్ బ్యాంకుల ఉద్యోగులను సూచిస్తాయి. కానీ ఈ మార్పు అంత సులభం కాదు. ఈ విషయంలో ఆర్బీఐ ఆమోదం చాలా కీలకం. భారతదేశంలోని పెద్ద, బ్యాంకింగ్ రంగంలో 5 రోజుల పని వారాన్ని అమలు చేయడం పెద్ద సవాలు. సేవలు సజావుగా జరిగేలా చూసుకోవడం అంత సులభం కాదు.
Indian Railways: రైలు హరన్స్ మోగించడంలో అర్థాలు ఏంటో తెలుసా? తెలిస్తే ఆశ్చర్యపోతారు!
పనివేళలు, జీతాలు, కార్యాచరణ మార్పులు వంటి అంశాలపై ఉద్యోగులు, బ్యాంకు యాజమాన్యం మధ్య ఒప్పందం కుదరకపోతే ఈ వ్యవస్థ సజావుగా నడవడం కష్టం. ఈ బంద్ నిర్ణయం బ్యాంకు ఖాతాదారులకు తాత్కాలిక ఇబ్బందులను తొలగించదు. కానీ బ్యాంకు ఉద్యోగులు చేసే ప్రయత్నాలు కూడా ఒక పెద్ద విషయం అనే చెప్పాలి.
Success Story: ఎల్ఎల్బీ పూర్తి చేసి కేవలం రూ.3 వేల పెట్టుబడితో వ్యాపారం.. నేడు రూ.6 లక్షల సంపాదన
Indian Railways: రైలులో జనరల్ బోగీలు ముందు, వెనుక ఎందుకు ఉంటాయి? మధ్యలో ఎందుకు ఉండవు?
మరిన్ని బిజినెస్ వార్తల కోసం ఇక్కడ క్లిక్ చేయండి