KYC Update: కేవైసీ అప్డేట్ పేరుతో నయా మోసం.. జాగ్రత్తగా లేకపోతే మీ జేబు గుల్లే..!
గతంలో ప్రజలు దాచుకున్న డబ్బును బందిపోటు దొంగలు ఎత్తుకెళ్లినట్టు ప్రస్తుత రోజుల్లో ఈ పెరిగిన టెక్నాలజీనే ఉపయోగించుకుని సైబర్ నేరగాళ్లు ప్రజలను మోసం బ్యాంకు ఖాతాలోని సొమ్మును తస్కరిస్తున్నారు. ఇలా ఓ తాజా మోసం వెలుగులోకి వచ్చింది. నో యువర్ కస్టమర్ (కేవైసీ) అప్డేషన్ పేరుతో ముష్కరులు ఫోన్ చేసి ప్రజలను మోసం చేస్తున్నారని తేలింది. ఈ విషయంపై రిజర్వ్ బ్యాంకు ఆఫ్ ఇండియా కూడా ప్రజలను అప్రమత్తం చేసింది.
పెరుగుతున్న టెక్నాలజీ నేపథ్యంలో బ్యాంకింగ్ రంగంలో విప్లవాత్మక మార్పులు వచ్చాయి. ప్రజలు తమ సొమ్మును బ్యాంకుల్లోనే ఉంచుకుంటున్నారు. గతంలో ప్రజలు దాచుకున్న డబ్బును బందిపోటు దొంగలు ఎత్తుకెళ్లినట్టు ప్రస్తుత రోజుల్లో ఈ పెరిగిన టెక్నాలజీనే ఉపయోగించుకుని సైబర్ నేరగాళ్లు ప్రజలను మోసం బ్యాంకు ఖాతాలోని సొమ్మును తస్కరిస్తున్నారు. ఇలా ఓ తాజా మోసం వెలుగులోకి వచ్చింది. నో యువర్ కస్టమర్ (కేవైసీ) అప్డేషన్ పేరుతో ముష్కరులు ఫోన్ చేసి ప్రజలను మోసం చేస్తున్నారని తేలింది. ఈ విషయంపై రిజర్వ్ బ్యాంకు ఆఫ్ ఇండియా కూడా ప్రజలను అప్రమత్తం చేసింది. నో యువర్ కస్టమర్ (కైవైసీ) అప్డేషన్ పేరుతో మోసగాళ్లు ప్రజలకు ఫోన్ చేసి మోసం చేస్తున్నట్లు ఆర్బీఐ తెలిపింది.
ముఖ్యంగా కేవైసీ మోసం అనేది కాల్లు/ఎస్ఎంఎస్/ఈ-మెయిల్లతో సహా ఇతర కమ్యూనికేషన్ల రూపంలో ఉంటాయి. ఇలా చేయడం ద్వారా వారు వ్యక్తిగత సమాచారం, ఖాతా/లాగిన్ వివరాలను బహిర్గతం చేయడం లేదా సందేశాలలో అందించిన లింక్ల ద్వారా అనధికారిక లేదా ధ్రువీకరించని యాప్లను ఇన్స్టాల్ చేయడం వంటివి చేస్తారు. . ఇలాంటి కమ్యూనికేషన్లు తరచుగా తప్పుడు ఆవశ్యకతను సృష్టించే వ్యూహాలను ఉపయోగిస్తాయి. కస్టమర్ పాటించడంలో విఫలమైతే ఖాతాను స్తంభింపజేయడం/బ్లాకింగ్/మూసివేస్తామని బెదిరించడం వంటివి చేస్తారు. కస్టమర్లు అవసరమైన వ్యక్తిగత లేదా లాగిన్ వివరాలను పంచుకున్నప్పుడు, మోసగాళ్ళు వారి ఖాతాలకు అనధికారిక యాక్సెస్ను పొందుతారు. మోసపూరిత కార్యకలాపాలలో పాల్గొంటారు.
రక్షణ చర్యలు
- కేవైసీ అప్డేట్ కోసం ఏదైనా అభ్యర్థనను స్వీకరించిన సందర్భంలో నిర్ధారణ/సహాయం కోసం నేరుగా బ్యాంక్/ఆర్థిక సంస్థను సంప్రదించాలి.
- బ్యాంక్/ఆర్థిక సంస్థకు సంబంధించిన సంప్రదింపు నంబర్/కస్టమర్ కేర్ ఫోన్ నంబర్ను దాని అధికారిక వెబ్సైట్/మూలాల ద్వారా మాత్రమే పొందాలి.
- ఏదైనా సైబర్ మోసం జరిగినప్పుడు వెంటనే బ్యాంక్/ఆర్థిక సంస్థకు తెలియజేయాలి.
- కేవైసీ వివరాలను అప్డేట్ చేయడానికి అందుబాటులో ఉన్న మోడ్లు/ఆప్షన్లను తెలుసుకోవడానికి బ్యాంక్ బ్రాంచ్తో విచారణ చేయాలి.
చేయకూడని పనులు
- ఖాతా లాగిన్ ఆధారాలు, కార్డ్ సమాచారం, పిన్లు, పాస్వర్డ్లు, ఓటీపీలను ఎవరితోనూ పంచుకోకూడదు.
- కేవైసీ పత్రాలు లేదా కేవైసీ పత్రాల కాపీలను తెలియని లేదా గుర్తించని వ్యక్తులు లేదా సంస్థలతో పంచుకోవద్దు.
- ధ్రువీకరించని/అనధికారిక వెబ్సైట్లు లేదా అప్లికేషన్ల ద్వారా ఎలాంటి సున్నితమైన డేటా/సమాచారాన్ని షేర్ చేయవద్దు.
- మొబైల్ లేదా ఈ-మెయిల్లో వచ్చిన అనుమానాస్పద లేదా ధృవీకరించని లింక్లపై క్లిక్ చేయవద్దు. మీరు అలాంటి అభ్యర్థనలను స్వీకరించినట్లయితే, కస్టమర్లు తప్పనిసరిగా బ్యాంక్/బ్రాంచ్ని సంప్రదించాలి.
ఫిర్యాదు చేయడం ఇలా
ఫైనాన్షియల్ సైబర్ మోసాల విషయంలో, ప్రజలు వెంటనే నేషనల్ సైబర్ క్రైమ్ రిపోర్టింగ్ పోర్టల్ లేదా సైబర్ క్రైమ్ హెల్ప్లైన్ (1930) ద్వారా ఫిర్యాదు చేయాలి. 2021లో కేవైసీ అప్డేషన్ పేరుతో మోసాలకు పాల్పడుతున్న కస్టమర్ల గురించి ఫిర్యాదులు/నివేదనలను స్వీకరిస్తున్నందున ఆర్బీఐ ప్రజలను హెచ్చరించింది.
మరిన్ని బిజినెస్ వార్తల కోసం ఇక్కడ క్లిక్ చేయండి