Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • చెన్నై నగరంలో మరికొన్ని ఆంక్షల సడలింపు. ఉ. 6.00 నుంచి రాత్రి 9.00 వరకు హోటళ్లు (పార్సిల్ సర్వీసు మాత్రమే). రాత్రి 9.00 వరకు మాత్రమే హోం డెలివరీ ఉ. 6.00 నుంచి సా. 6.00 వరకు టీ స్టాళ్లకు అనుమతి. కిరాణా షాపులు, కూరగాయల దుకాణాలు ఉ. 6 నుంచి సా. 6 వరకు. మాల్స్ మినహా మిగతా దుకాణాలు ఉ. 10 నుంచి సా. 6 వరకు. సడలింపులు జులై 6 నుంచి అమలు.
  • విశాఖ: కేజీహెచ్ సూపరెంటెండెంట్ డాక్టర్ అర్జున. క్లినకల్ ట్రయల్స్ కు కేజీహెచ్ ను ఎంపిక చేసునట్టు ఐసీఎంఆర్ నుంచి మెయిల్ వచ్చింది. క్లినికల్ ట్రయల్స్ కోసం ప్రభుత్వ అనుమతి కోరాం. డ్రగ్ కంట్రోల్ జనరల్ ఆఫ్ ఇండియా - డీసీజీఐ క్లియరెన్స్ రావాల్సి ఉంది. ఎథిక్స్ కమిటీ విధివిధానాలు తరువాత కార్యకలాపాలు ప్రారంభిస్తాం. అన్ని క్లియరెన్స్ లు పూర్తయ్యేందుకు 3 రోజుల సమయం పట్టే అవకాశముంది. ఆ తరువాత కేజీహెచ్ లో క్లినికల్ ట్రయల్స్ ప్రారంభిస్తాం.
  • కరోనా భయాన్ని క్యాష్ చేసుకుంటున్న వ్యాపారులు.. ఐసోలేషన్ సెంటర్లుగా మారిన బ్యూటీ పార్లర్లు. నిబంధనలను తుంగలో తొక్కి కోవిడ్ రోగులకు గదులు అద్దెకు ఇస్తున్న వైనం. ఎలాంటి జాగ్రత్తలు లేకుండా పాజిటివ్ వచ్చిన వ్యక్తులకు గదులు అద్దెకు. జూబ్లీహిల్స్ రోడ్ నెంబర్ 5లోని colours బ్యూటీ స్టూడియోలో కరోనా పాజిటివ్ వ్యక్తులకు అశ్రయం. రోజుకు రూ.10వేల ఫీజు.. వసూలు..గుట్టు చప్పుడు కాకుండా అక్రమ దందా.
  • REC, ఫైనాన్స్ కార్పొరేషన్ ల నుంచి 12600 కోట్ల రూపాయలు అప్పు తీసుకునేందుకు రాష్ట్ర విద్యుత్ సంస్థలకు గ్యారెంటీ ఇచ్చిన తెలంగాణ రాష్ట్ర సర్కార్. అప్పుల్లో కూరుకుపోయిన డిస్కమ్ లకు ప్రభుత్వ అనుమతితో ఊరట.
  • టీవీ9 తో సిసిఎంబి డైరెక్టర్ రాకేష్ మిశ్రా. తెలంగాణలో వైరస్ సమూల మార్పుని చోటుచేసుకుంటున్నాయి . ఇప్పటి వరకు తెలంగాణలో సింటమ్స్ కనిపించే a3i (ఏత్రీఐ) వైరస్ ఉండేది. ఇప్పుడు ఎలాంటి లక్షణాలు కనిపించని a2a (ఏటుఏ) వైర్ 90శాతం విస్తరించింది. కరోనా మృత దేహాల నుంచి వైరస్ వ్యాప్తి విషయంలో ఆందోళన వద్దు. డెడ్ బాడీస్ నుంచి వచ్చే వైరస్ వ్యాప్తి చెందే అవకాశాలు చాలా తక్కువ. కరోనా వైరస్ ప్రభావం కేవలం ఊపిరితిత్తుల మీదేకాదు మిగిలిన అవయవాల పైనా ఉంది. చేస్తున్న టెస్టులకు పది రెట్లు అధికంగా చేయాల్సిన అవసరం ఉంది. ఆర్ టి పి సి ఆర్ టెస్ట్ ల విధానం సిసిఎంబీలో అభివ`ద్ధి చేశాం. ఆర్ టి పి సి ఆర్ టెస్ట్ ల పద్ధతి లో టెస్టింగ్ సమయంలో సగం ఆదా అవుతుంది. ఈ పద్దతిలో రోజుకి 500 టస్ట్లు చేసే చోట 1500 నుంచి 2000 వరకు చేయవచ్చు.
  • హైదరాబాద్ హిమాయత్ నగర్ లో కరోనా కలకలం. డైమండ్ వ్యాపారి పుట్టిన రోజు వేడుకల్లో వ్యాపించిన కరోనా. వేడుకల్లో పాల్గొన్న 20 మందికి కరోనా పాజిటివ్ . బర్త్ డే వేడుకల్లో పాల్గొన్న సుమారు 150 మంది వ్యాపారులు , రాజకీయ నాయకులు . ఫంక్షన్ లో పాల్గొన్న ఒకరు చనిపోవడంతో మరింత ఆందోళనలు . ఈ వేడుకల్లో పాల్గొన్న ఇద్దరు రాజకీయ నాయకులకు సైతం సోకిన కరోనా

చిరు డల్లాస్ టూర్, తెలంగాణ ప్రభుత్వంపై బాలయ్య సంచలన వ్యాఖ్యలు..!

సినీ నటుడు, హిందూపురం ఎమ్మెల్యే బాలయ్య మరోసారి వివాదాస్పద వ్యాఖ్యలు చేశారు. ఓ యూట్యూబ్‌ ఛానెల్‌కి ఇచ్చిన ఇంటర్వ్యూలో ఆయన సంచలన ఆరోపణలు చేశారు.
Balakrishna Sensational comments, చిరు డల్లాస్ టూర్, తెలంగాణ ప్రభుత్వంపై బాలయ్య సంచలన వ్యాఖ్యలు..!

సినీ నటుడు, హిందూపురం ఎమ్మెల్యే బాలయ్య మరోసారి వివాదాస్పద వ్యాఖ్యలు చేశారు. ఓ యూట్యూబ్‌ ఛానెల్‌కి ఇచ్చిన ఇంటర్వ్యూలో ఆయన సంచలన ఆరోపణలు చేశారు. నాగబాబు తన గురించి చాలా మాట్లాడారని, కానీ వాటిపై తాను స్పందించాలనుకోవడం లేదని బాలకృష్ణ అన్నారు. ఈ సందర్భంగా షూటింగ్‌లకు అనుమతులు లభించడంపై కూడా ఆయన మాట్లాడారు.

అత్యధికంగా పన్నులు కట్టే రంగాల్లో తమది కూడా ఒకటని, అందుకే సినిమా షూటింగ్‌లపై ప్రభుత్వం ఆసక్తిని చూపుతుందని బాలయ్య అన్నారు. అయితే ఇప్పుడున్న పరిస్థితుల్లో అన్నింటికి అనుగుణంగా షూటింగ్‌లు చేయడం కష్టమైన పనని ఆయన తెలిపారు.

అంతటితో ఆగకుండా.. ”సినిమా ఇండస్ట్రీకి తెలంగాణ ప్రభుత్వం ఫేవర్‌గా ఉన్నట్లు చాలా మంది ఫీల్ అవుతుంటారు. కానీ రెండు ఎకరాలు కూడా తెలంగాణ ప్రభుత్వం సినిమా ఇండస్ట్రీకి ఇవ్వలేదు. చిరంజీవి సహా మరికొందరు ఆ మధ్యన డల్లాస్‌కి వెళ్లి రూ.5 కోట్లు విరాళాలు సేకరించినట్లు చెప్పారు. కానీ ఎంత డబ్బులు వచ్చిందని మాకు ఇంతవరకు తెలీదు. అలాంటి వాటిలో తలదూర్చడం నాకు ఇష్టం ఉండదు” అని బాలయ్య అన్నారు.

కాగా కరోనా లాక్‌డౌన్ నేపథ్యంలో సినిమా షూటింగ్‌లకు బ్రేక్ పడటంతో సినీ కార్మికులు ఇబ్బందులు ఎదుర్కొంటున్నారు. ఈ క్రమంలో వారి సమస్యలు, అలాగే షూటింగ్‌లు తిరిగి ప్రారంభించడంపై ఇటీవల మెగాస్టార్ చిరంజీవి ఆధ్వర్యంలో కొంతమంది సినీ ప్రముఖులు తెలంగాణ సీఎం కేసీఆర్, మంత్రి తలసానిని కలిశారు. ఆ మీటింగ్‌లపై బాలయ్య సంచలన ఆరోపణలు చేశారు.

ఆ మీటింగ్‌లకు తనను ఎవరూ పిలవలేదన్న ఆయన, భూములు పంచుకోవడం కోసం తలసానితో సమావేశం అయ్యారంటూ ఆరోపణలు చేశారు. ఈ సందర్బంగా పరుష పదజాలం కూడా వాడారు.  దీంతో రంగంలోకి దిగిన మెగా బ్రదర్ నాగబాబు, బాలయ్యపై తీవ్ర వ్యాఖ్యలు చేశారు. ఇక తాజాగా ఆ కామెంట్లపై బాలయ్య స్పందిస్తూ.. నాగబాబు వ్యాఖ్యలపై ఏం మాట్లాడనని అన్నారు. అయితే ఈ వివాదంపై మెగాస్టార్ చిరంజీవి ఇంకా స్పందించకపోవడం గమనర్హం.

Read This Story Also: విశాఖ మెట్రోలో మరో ముందుడుగు..!

Related Tags