Watch Video: ఉగాది పండగక్కి జోడెద్దుల గిరకబండి పోటీలు.. ఈ ఆట స్పెష్టాలిటీ అదే!
జిల్లాలో ఎద్దుల బండి పోటీలను మించిన క్రేజ్ గిరకబండి పోటీలు. ప్రతి ఉగాది పండుగ సందర్భంగా మరుసటి రోజు నిర్వహించే ఈ గిరకబండి పోటీలు అనంతపురం జిల్లా విడపనకల్లు మండలం పెంచల పాడు గ్రామంలో ప్రత్యేక ఆకర్షణగా నిలుస్తోంది. సాంప్రదాయ గ్రామీణ క్రీడ ఆయిన ఈ గిరకబండి పోటీలకు...
అనంతపురం, మార్చి 20: అనంతపురం జిల్లాలో ఎద్దుల బండి పోటీలను మించిన క్రేజ్ గిరకబండి పోటీలు. ప్రతి ఉగాది పండుగ సందర్భంగా మరుసటి రోజు నిర్వహించే ఈ గిరకబండి పోటీలు అనంతపురం జిల్లా విడపనకల్లు మండలం పెంచల పాడు గ్రామంలో ప్రత్యేక ఆకర్షణగా నిలుస్తోంది. సాంప్రదాయ గ్రామీణ క్రీడ ఆయిన ఈ గిరకబండి పోటీలకు… ఎద్దుల బండి పోటీలకు చిన్న వ్యత్యాసం ఉంది. ఎద్దుల బండి పోటీల్లో… చక్రాల బండికి ఎద్దుల్ని కట్టి పరిగెత్తిస్తారు. కానీ గిరక బండి పోటీల్లో ఎద్దులకు బండికి కట్టిన చక్రాలు తిరగకుండా గట్టిగా తాడుతో కడతారు. అప్పుడు ఆ జోడెద్దులు చక్రాలు తిరగని బండిని లాక్కెళతాయి. ఇదే గిరకబండి పోటీల్లో ప్రత్యేకత.
గిరక బండి పోటీలు అంటే అనంతపురం జిల్లాలోని అనేక గ్రామీణ ప్రాంతాలు ఎంతో ప్రాచుర్యం పొందిన ఆట. పోటీల్లో బండి చక్రాలు తిరగకుండా తాళ్లతో కట్టేసి.. ఎద్దులు ఆ బండిని ఎంత దూరం లాక్కెళ్తాయో పోటీ పెడతారు. ఎక్కువ దూరం లాక్కెళ్ళిన ఎద్దులే విజేతలుగా నిలుస్తాయి. రైతుల కేకలు, ఈలల మధ్య పోటీలు ఉత్సాహంగా జరుగుతాయి. ఉగాది పండుగను పురస్కరించుకొని నిర్వహించే ఈ గిరకబండ్ల పోటీలు గ్రామంలో మరోసారి పండగ వాతావరణాన్ని తీసుకొస్తుంది.
మరిన్ని ఆంధ్రప్రదేశ్ వార్తల కోసం క్లిక్ చేయండి.